shadow
Diocese de Dili > NOTÍCIAS > Notícias > Pároco Dare Inaugura Capelinha Laulara Antiga

Pároco Dare Inaugura Capelinha Laulara Antiga

DCDD – iha segunda feira loron 9 fulan Julho 2018, Pároco Paróquia São Francisco Xavier Dare Pe. Abril Lopes inaugura Capela Nossa Senhora de Fátima Laulara Antiga. Capela nee hari ona desde tinan 1989 iha Pe. Mariano Soares (Matebian) nia tempo. Tan hare ba Capela nee hamrik ona iha tempo barak nia laran, condição Capelinha nee hahu at ba beibeik  hotu  Maromak maka sarani sira hamosu iniciativa rasik hodi tau hamutuk sira nia força hodi bele rehabilita fali Capela nee. Capelinha nee consege duni rehabilita tan comunidade sira nia boa vontade no sira nia disponibilidade hodi fo contribuição too construção ba rehabilitação Capelinha nee hotu hodi inaugura.

Pároco Dare Pe. Abril Lopes iha nia homilia hateten katak iha lorokraik ida nee ita halibur hamutuk  conserteja tanba ita nia fiar. Imi hari, imi lakon imi nia doit no imi hisik imi nia kosarben sira atu rehabilita capelinha ida nee  tanba deit fiar. Se laiha fiar ita sei la halo buat ida ne’e . Ita hein katak imi fiar la para iha ohin. Ita hein katak ho rehabilitação ida nee imi ida-idak conciente katak fatin ida nebe imi halo nee fatin Santo  ida nee bele habokur ita nia klamar liu husi oração no liu husi celebração ba Sacramento sira. fatin ida nee sai nudar fatin santo, fatin hakmatek, sai nudar fatin ida nebe ita buka atu habosu ita nia isin, iha fatin ida nee ita buka habosu ita nia klamar mos iha ne’e.

 Iha fatin hanesan Comissão Organizadora ba inaguração Capelinha Laulara Antiga Sr. Abril Soares declara katak orçamento nebe mak gasto ba rehabilitação nee ho montante dolar rihun rua atus rua tolu nulu resin sia centavos ruanulu resin lima ($ 2239.25). material sel-seluk nebe maka la to’o ka menos, husi comunidade ida-idak ka cada família contribuia pessoalmente hodi acelera rehabilitação ida nee nue’e ohin bele inagura. Comunidade iha duni ida-idak nia boa vontade, nia disposição tomak atu contribui.

Sr. Abril Soares reforça tan katak processo hetan contribuição hirak nee mai husi sarani sira nebe hela iha bairo comuniadade ida nee rasik no mos Laulara oan sira nebe mak hela iha Aldeia vizinho hanesa Bematua, Nahaek nomos sira nebe mak hela iha Dili. Sira nia contribuição sira hatama mai atu tulun construção ida nee sira fo ho disponibilidade tomak atu tulun ami. (Alin)

Leave a Reply

Your email address will not be published. Required fields are marked *