shadow
Diocese de Dili > NOTÍCIAS > Notícias > Seminário Propedêutico São João Maria Vianey Realiza Exposição

Seminário Propedêutico São João Maria Vianey Realiza Exposição

DCDD, Segunda-feira loron 30 fulan Julho tinan 2018, Seminário Propedêutico São João Maria Vianey Maloa Ailok Laran hala’o abertura ba exposição iha ressinto Seminário ho objetivo hodi comemora Festa São João Maria Vianey nudar protetor ba Seminário ne’e ne’ebe monu iha loron 4 fulan Agosto tinan 2018. Pe. Paulus Maia ne’ebe representa Diretor Seminário Propedêutico São João Maria Vianey iha ocasião ne’e hateten katak, exposição hanesan ona tradição iha uma formação ida ne’e. Tinan-tinan liu husi Frater sira realiza actividade ida ne’e ho objetivo comemora Padroeiro Seminário nian São João Maria Vianey no protector Principal Amu lulik sira nian. Além de ne’e la’os celebra de’it festa Seminário nian, maibe festa Padroeiro ba Amu-lulik sira nian. Objetivo seluk hodi halibur comunidade sira ferik-katuas, klosan no ki’ik oan sira atu hatene São João Maria Vianey, liu-liu hodi tulun ki’ik oan sira explora sira nia talento no dezenvolve iha fatin ida ne’e hodi hatudu sira nia creatividade. Iha parte seluk Madre sira, frater sira no comunidade hosi Ailok-Laran rasik participa fó sira nian sasan ne’ebe lori mai hodi tau iha tenda oan sira ne’e.

Iha sorin seluk Frater Domingos Soares Oliveira hanesan chefe comição organizadora ba actividade ne’e haklean liu tan katak, antes atu tama ba iha exposição, programa balu ne’ebe ami halo tiha ona mak hanesan, jogo dormitório Cup ba Frater sira ho objetivo hodi cria amizade entre frater sira masque hela hamutuk, maibe liu husi jogo ida ne’e bele hametin liu tan frater sira nia amizade no mos hodi promove liu tan Frater sira nia Talento (bakat). no atividade sira seluk mak exposição. Exposição ida ne’e iniciativa hosi amo formadores sira ne’ebe fó confiança mai frater sira hodi realiza actividade ne’e. Agradece ba vendedores sira nebe ami fó convite bele hatan ba ami nia pedido, madre sira, sra. Lurdes no ba comunidade Ailok laran nebe mai hola parte iha exposição ida ne’e. Tema ba exposição ida ne’e mak Vamos Juntos katak ita hamutuk hodi bele realiza programa hirak ne’e bele lao ho di’ak no husu ba comunidade sira atu colabora hamutuk atu nune’e bele lao ho sucesso. (Fidy)

Leave a Reply

Your email address will not be published. Required fields are marked *