shadow
Diocese de Dili > NOTÍCIAS > LETURA DIÁRIA > Sábado, XVIII Semana Tempo Comun

Sábado, XVIII Semana Tempo Comun

Ano B

 

Primeira Leitura                                                                  Hab. 1. 12, 2. 4

Lia housi Profecia Habacuc nian:

Na’i, housi kedas uluk mai, la’os Ita mak ha’u Maromak, Ida nebé Santo, Ida nebé la mate? Na’i, Ita haruka caldeu sira atu hala’o justiça, atu fó castigo ba sira nebé Ita hametin ne’e, Maromak biit Na’in. Ita futar matan mós tebes nebé la bele haré buat áat, no mós Ita la bele hateke ba hanehan malu. Tan sá Ita hateke ba ema laran áat sira, Ita nonok de’it, wainhira ema áat hanehan ema laran mós sira?

Ita tau matan ba ema sira hanesan ikan sira iha tasi laran, hanesan ular sira nebé la iha na’in! Funu-baluk káer sira hotu ho kail, dada sira ho dai hodi tau ba ró, nune’e, nia haksolok tebes.

Tan ne’e, hasa’e sacrificio ba nia dai, no sunu ai-ben morin ba ni aró, basá, hodi sira mak nia hetan ikan wa’in liu no hahan oi-oin wa’in tebes. Ho badinas nia ba hamutuk nia dai, hodi harahun povo sira ho laran áat?

Ha’u ba hein iha ha’u ronda fatin, hodi hamriik iha baki leten, sée tilun nafatin atu haré buat sá mak Na’i sei dehan mai ha’u, oinsá Nia sei hatan mai ha’u nia lia hato’o!

Nune’e, Na’i hatan mai ha’u: “Hakerek momós iha fatuk velar sira atu ema bele lê, la susar. Maski visão ne’e, hala’o de’it iha nia oras lolós, nia se iba to’o duni nia rohan, sei la bosok. Kle’ur karik atu halo tuir lolós, ó sei hein nia, basá, sei hala’o tebes duni iha nia oras lolós. Imi haré, oinsá ema laran áat sira nia loko-an hodi foti-an to’o áas, maibé, ema laran mós sei moris tuir nia fiar”.

Maromak Futar Lia.

 

Salmo Responsorial                                                                                                                              Sal. 9. 8-9, 10-11, 12-13 (R. 11b)

Refrão : Na’i, Ita la husik sira be buka Itaboot!!! Repete-se

Na’i mak Liurai ba nafatin,

Hatur metin Nia trono atu tesi lia,

Sei tesi lia ba rai ho justiça,

Sei ukun povo ho lialós. Refrão

 

Nia mak subar fatin ba sira be ema hanehan,

Nia tulun sira iha susar laran;

Sira be hatene Ita naran sei fiar iha Itaboot,

Na’i, Ita la husik mesak, sira be buka Itaboot. Refrão

 

Imi hananu ba Na’i be hôrik iha Sião,

Imi haklaken Nia hahalok kmanek iha povo sira leet;

Nia hanoin hikas fali ran be nakfakar,

La haluha ema neon nakraik sira nia harohan. Refrão

 

Aclamação                                                                                                                                                                                         2Tm. 1. 10

Refrão : Aleluia, Aleluia! Repete-se

                  Jesus Cristo, ita nia Maksoyn, halakon mate;

                  Nia halo moris nabilan housi Evangelho. Refrão

 

Evangelho                                                                                                                                                                                     Mt. 17. 14-20

Na’i Jesus Cristo nia Evangelho nu’udar São Mateus haktuir:

Iha tempo neba, wainhira Jesus mai hasouru ema lubun boot, mane ida hakbesik ba Nia, hakneak iha Nia oin hodi dehan: “Na’i, sadia netik ha’u nia oan mane, basá nia moras bibimaten hodi terus teb-tebes. Nia monu fila fila ba ahí no mós ba be. Ha’u lori ona ni aba ita nia escolante sira no sira la bele halo nia sai di’ak. “Jesus hatan dehan: “Imi ema fiar laek, ema laran áat! Ha’u sei hamutuk ho imi to’o wainhira lós? To’o wainhira lós Ha’u sei tahan imi? Lori nia mai!” Jesus ko’alia ba nia hodi si’ak, no diabo sai tiha housi nia. Houri oras ne’e labarik sai di’ak kedas.

Tuir mai escolante sira hakbesik ba Jesus mesa-mesak hodi husu ba Nia: “Tansá mak ami la bele duni sai nia?” Nia hatan: “Tanba imi nia nia fiar kiik. Tebes, Ha’u dehan ba imi: imi nia fiar hanesan mustarda musan ida karik, imi sei dehan ba foho ne’e, ‘Book ó an housi ne’e ba neba’, no nia sei book an duni; buat ida sei la susar ba imi”.

Lia Maksoyn.

Leave a Reply

Your email address will not be published. Required fields are marked *