shadow
Diocese de Dili > NOTÍCIAS > Notícias > IGREJA PRECISA RONA, RECONHECE NO INTERPRETA HODI HALO AÇÃO DIAK LIU TAN BA JUVENTUDE SIRA NIA MORIS

IGREJA PRECISA RONA, RECONHECE NO INTERPRETA HODI HALO AÇÃO DIAK LIU TAN BA JUVENTUDE SIRA NIA MORIS

Amu bispo Diocese Dili nian iha abertura ba assembleia diocesano nebe halao iha loron 14 fulan Novembro 2018 iha salão São José paróquia Catedral Dili hodi avalia pastoral diocese Dili nian durante tinan 2018 nee no hodi anuncia tema pastoral diocese Dili nian ba tinan oin, loke ho discurso kona ba sinodo juventude nian  nebe fulan kotuk ba, fulan Outobro 2018 halao iha Roma.

Dom Virgilio haktuir katak sínodo nee halo ho preparação ida lori processo naruk nia laran mak depois bele realiza duni sinodo nee. Processo nee lao iha etapa hat nia laran.

Ba dala uluk mak iha tinan 2017 amu papa convoca equipa ida atu halo questionário online hodi husu foin sae sira iha mundo tomak bele participa iha sinodo nee. Ninia resultado mak hatudu katak durante realiza sínodo nee iha foinsae rihun atus ida mak partecipa tuir onlin. Tuir fali ida nee mak  organiza mos seminário ida ho foin sae sira no scientista sira hodi hare husi parte cientifica atu bele halo mos estudo kona ba oinsa foin sae sira moris sira nia fiar. Além de ne’e iha Março 2017 amu papa realiza mos pre-sinodo ida hodi sai hanesan preparação ba sinodo be realiza ona iha fulan Outobro liu ba. Ikus liu mak halo estudos hotu nebe realiza iha igreja oriental ninia conferência episcopal  hamutuk sanulu resin neen no iha conferência episcopal católico nian atus resin hodi fahe mos sira ninia hanoin.

Bispo Dili nian ne’e acrecenta liu tan katak husi nee hotu maka ikus mai produz document ida ho naran Instrumentos da Vobis hodi haruka ba participantes sira hotu. Instumentos da Vobis nee fahe ba parte tolu.

Dom Virgilio explica klean liu tan partes essenciais husi document nee hodi dehan katak primeira parte mak Rona, tuir mai reconhece no interpreta, no ikus liu mak acção. Documento nee mak sai base ba sinodo nebe halao ho tema “foinsae, fiar no discernimento vocacional”.

Primeira parte Instumentos da Vobis nian hahu ho experiência Emaus nian. Buat nebe apóstolo sira experimenta Jesus lao hamutuk ho sira hodi rona saida mak sira nain rua koalia. Uma Creda ohin loron nian percisa rona foin sae sira, reconhece no lao hamutuk ho sira.

Foin sae sira iha sira nia problema barak. Probelema sira nee dala barak sai hanesan obstáculo ka fukun atu sira hakbesik-an mai uma creda ou atu sira moris iha sira nia fiar. Fukun ida ba dahuluk mak ambiente digital. Ohin loron Jovem sira barak sai dependente ba mundo digital hodi hadokan husi relação interpessoal.

Fukun tuir fali mai mak fenómeno migratorio nebe representa nivel mundial, fenómeno  ida estrututral. Buat nee acontece iha mundo tomak. Oras nee dadaun creda preocupa ho realidade foun nee, liu liu sira nebe halai tamba funu, violência, perseguição no seluk seluk tan. Fukun terçeiro mak avuso sexual, avuso de poder, avuso economia, consciência. Buat nebe ohin loron sai hanesan crise no problema boot ida iha creda nia moris.

Segunda parte husi Instrumentos da Vobis mak experiência han hamutuk ho Jesus hodi ikus mai sira bele reconhece fila fali Jesus Cristo. Nune’e Creda percisa reconhece jovem sira, reconhece jovem sira nia moris ho sira nia problema sira. Reconhecemento nee hanesan nova pentecostes ida. Espirito Santo mak bele hamanas no hafoun uma creda. Nunee mak Espírito duni mak bele mos hamanas no hafoun juventude sira. Juventude nee dom ida, Cristo mos jovem ida, “jovem ida iha jovem sira seluk nia leet atu sai exemplo ba foinsae no consagrado sira (St. Ireneu)”.

Terceira parte husi Instrumentos da Vobis nian mak Acção. Rona no reconhece tiha Jesus Cristo apostolo sira sai kedas ba fo hatene ba maun alin sira seluk. Uma creda percisa rona no reconhece jovem sira depois mak igreja bele halo buat ruma iha acção concreta ba jovem sira. Nundar creda ita precisa halo mos conversão da mentalidade, katak creda mos tem que hatene halo discernimento, pronto atu rona, pronto atu lao hamutuk ho sira no halo buat ruma concreta hodi hatan ba sira nia moris fiar no vocação moris nian.

Documento nee bele mos tulun diocese Dili iha ninia ação pastoral ba tinan oin mai 2019 nebe sei halao ho tema geral “Juventude missionária. Ide e proclamai o evangelho”. Bele tulun hanesan sasukat ida atu creda diocese Dili mos iha ninia missão bele hatene hakbesikan ba jovem sira hodi rona, reconhece no interpreta ho mos halo ação concreta ruma ba jovem sira iha sira ninia moris. (Pb)

One comment on “IGREJA PRECISA RONA, RECONHECE NO INTERPRETA HODI HALO AÇÃO DIAK LIU TAN BA JUVENTUDE SIRA NIA MORIS

  1. Pe. JOSE VALDIR SIQUEIRA

    thank you. fr. Jose Valdir Siqueira from Estasaun Lessibutak

Leave a Reply

Your email address will not be published. Required fields are marked *