shadow
Diocese de Dili > NOTÍCIAS > Notícias > PR La Aceita PN Re-agenda visita ba Vaticano

PR La Aceita PN Re-agenda visita ba Vaticano

DCDD, Quarta loron 14 Novembro 2018, hafoin Presidente Parlamento Nacional hasoru malu Presidente da República Francisco Guterres Lu-Olo iha Palácio Presidêncial Nicolau Lobato, Dili hodi koalia kona ba Re-agendamento visita PR nian ba Vaticano. Presidente da República Francisco Guterres Lu-Olo liu husi conferência inprensa hateten, Ohin Senhor Presidente do Parlamento Nacional Arão Noé mai hasoru malu ho Presidente da República liu husi pedido bancada sira hotu-hotu nian, para atu husu ba Presidente hodi aceita fila fali re-agendamento visita ida ne’e ba Vaticano. Nune’e maka Ha’u responde ba Senhor Presidente do Parlamento Nacional iha ponto tolu ka ponto ha’at deit.

Primeiro; Ha’u hatete ba Nia katak voto ida ne’ebe maka Deputado sira maioria fo iha dia 5 fulan ida ne’e nian, voto ida ne’e maka responsável, voto ida ne’e maka tebes, voto ida ne’e maka lo’os liu maka Parlamento Nacional hola tiha ona iha dia 5 liu ba ne’e.

Segundo; dia seguinte katak depois de dia 6 de Novembro Ha’u haruka tiha ona carta ida ba sua Santidade Amu Papa hodi informa ba Amu Papa katak impossivel presidente da República halo visita ida ne’e ba Vaticano tamba Parlamento Nacional vota contra tiha Ha’u nia visita ne’e.

Terceiro; Ha’u hatete ba Senhor Presidente Parlamento Nacional tamba Presidente da República defende dignidade Povo ida ne’e nian, la aceita Parlamento Nacional atu re- agenda fila fali hodi bele descuti fila fali.

Ikus liu, Ha’u hatete ba Senhor Presidente do Parlamento katak Presidente da República sei informa iha tempo seluk bainhira Sua Santidade ou Vaticano fo fila fali data seluk ida, tempo seluk ida ba Presidente da República atu ba visita fali Vaticano, ne’e Presidente da República sei informa fila fali maibé se atu re-agenda agora Presidente la aceita. (Reportágem Agus)

Leave a Reply

Your email address will not be published. Required fields are marked *