shadow
Diocese de Dili > NOTÍCIAS > LETURA DIÁRIA > Quinta–Feira, XXXII Semana Tempo Comum (Ano B)

Quinta–Feira, XXXII Semana Tempo Comum (Ano B)

Primeira Leitura                         Flm. 7-20

Lia housi São Paulo nia Surat ba Filemon

Alin doben: O nia domin lori ksolok boot no laran moris mai ha’u! O halo Maromak nia povo haksolok teb-tebes. Tan ne’e maski ha’u aten barani nu’udar o nia maun iha Cristo atu haruka o atu halo buat ruma nebe kuran atu halo, maibe tanba ha’u hadomi o mak ha’u husu de’it. Ha’u halo ne’e maski ha’u mak Paulo, Cristo Jesus nia saseluk, no ohin dadur na’in tanba Nia. Ha’u husu o favor ida ne’e kona ba Onésimo, ha’u nia oan iha Cristo; iha dadur laran ha’u sai tiha nia klamar nia aman. Uluk, nia folin la iha ba o, maibe ohin, nia folin boot ona ba o no mai ha’u. Ohin ha’u haruka nia fila fali ba o no ha’u nia fuan la’o hamutuk ho nia. Bele karik, ha’u hakarak katak nia hela hamutuk ho ha’u iha ne’e, nebe dadur hela tanba Evangelho, atu nia tulun ha’u iha o nia fatin. Maibe ha’u lakohi hakribit o atu tulun ha’u; ha’u hakarak katak o tulun ha’u ho o rasik nia hakarak. Ha’u sei book de’it ho o nia laran luak.

Ba tempo uitoan, Onésimo haketak an housi o, maibe ne’e atu o bele simu nia ba nafatin karik, la’os tan nu’udar atan ida maibe nu’udar o nia alin doben ona iha Cristo. Nia folin boot duni mai ha’u no nia sei sai folin boot mós ba o, iha isin no mós iha Na’i!

Ne’e duni, o hanoin ha’u nu’udar o nia maluk ida karik, simu nia ba nu’udar o simu ha’u rasik. Nia halo áat ruma eh iha tusan ba o karik, sisi nia tusan mai ha’u. ha’u, Paulo, hakerek surat ne’e ho ha’u nia liman rasik: ha’u  sei selu fali o. Tebes duni, ha’u la kuran atu fó hatene fali ba o katak o mós iha tusan boot mai ha’u, o nia moris rasik. Ne’e duni, ha’u nia alin, halo favor ida ne’e mai ha’u tanba Na’i; fó ksolok mai ha’u iha Cristo!

Maromak Futar Lia.

 

Salmo Responsorial                                                                                                                   Sal. 145(146). 7, 8-9ª, 9bc-10 (R. 1)

Refrão : Ksolok ba ema nebe hein iha Na’i!!! Repete-se

  • Na’i halo justiça ba sira be terus,

          Haraik pão ba sira be hamlaha,

          Fó liberdade ba sira be iha dadur. Refrão

 

  • Na’i haraik naroman ba matan delek nia matan,

          Foti ema sira be neon nakraik,

          Hadomi sira be laran mós. Refrão

 

  • Na’i souri ema sira be la’o rai,

          Hatau oan kiak no feto faluk sira,

          Taka dalan ba maksalak sira. Refrão

 

  • Na’i ukun tinan-ba-tinan;

          Ó nia Maromak, oh Sião!

          Mak Liurai ba derasaan hotu. Refrão

 

Aclamação                                                                                                                                                                                     Jo. 15. 5

Refrão : Alelui, Aleluia!! Repete-se

                   Ha’u mak uvas hun, imi sanak sira; ema nebe hela iha Ha’u

                   No Ha’u iha nia, ema ne’e fó fuan barak. Refrão

 

Evangelho                                                                                                                                                                             Lc. 17. 20-25

Na’i Jesus Cristo nia Evangelho nu’udar São Lucas haktuir:

Iha tempo neba, Fariseu sira husu ba Jesus, uainhira mak Maromak nia reino sei to’o. Nia hatan ba sira dehan: “Maromak nia reino la mai hodi hatudu an. Ema ida la bele dehan: ‘Mak ne’e, eh ‘Mak neba;’ basá Maromak nia reino iha ona imi leet.”

Tuir mai Nia dehan ba nia escolante sira: “Loron sei to’o uainhira imi sei hakarak haré Oan Mane nia loron ida, no imi sei la haré. Ema sira sei dehan ba imi” ‘Nia mak ne’e,’ eh ‘Nia mak neba.’ Keta ba, keta tuir. Basá nu’udar railakan nabilan housi lalehan nia hun to’o nia rohan, nune’e mós sei mosu iha Oan Mane nia loron. Maibe uluk knana’in Nia sei terus boot, ema housi otas ne’e sei hakribi Nia.

Lia Maksoyn.

Leave a Reply

Your email address will not be published. Required fields are marked *