shadow
Diocese de Dili > NOTÍCIAS > LETURA DIÁRIA > Sexta–Feira, XXXII Semana Tempo Comum (Ano B)

Sexta–Feira, XXXII Semana Tempo Comum (Ano B)

Primeira Leitura                            2Jo. 4-9

Lia housi São João nia Segunda Surat

Ha’u haksolok tebes uainhira ha’u hatene katak ita boot nia oan balun la’o tuir lialos, tuir ukunfuan nebe ita simu housi Aman. Ohin ha’u husu ita, na’in feto, la’os nu’udar ida nebe hakerek ukunfuan foun, maibe nu’udar houri uluk ita hotu simu ona, katak imi hadomi malu; no ne’e mak domin: katak ita hotu la’o tuir nia ukunfuan sira. Ukunfuan mak ne’e: katak ita hotu la tuir domin, nu’udar imi rona ona houri uluk kedas.

Ohin bosokteen barak mosu ona iha rai; sira ne’e la fiar katak Jesus Cristo halo an ba ema. Ida ne’e mak lohidor no anti-Cristo. Imi rasik haré ba; atu imi keta lakon buat nebe imi hetan ona ho imi nia serbisu, maibe manan imi nia kolen. Ema tomak nebe la la’o tuir no la hôrik iha Cristo nia hanourin la hela iha Maromak; ida nebe laran metin ba hanourin ne’e hela iha Aman no iha Oan.

Maromak Futar Lia.

 

Salmo Responsorial                                                                                                             Sal. 118(119). 1, 2, 10, 11, 17, 18 (R. 1b)

Refrão : Ksolok ba ema nebe moris tuir Na’i Nia ukunfuan!!! Repete-se

  • Ksolok ba sira nebe moris tuir dalan rohan laek,

          Hodi la’o tuir Na’i Nia lei.

          Ksolok ba sira nebe halo tuir Na’i Nia hanourin,

          Buka Nia ho fuan tomak. Refrão

 

  • Ho fuan tomak ha’u buka Ita,

          Keta husik ha’u hadook-an housi Ita lei.

          Ha’u rai iha ha’u fuan Ita futar liafuan,

          Atu keta sala hasouru Itaboot. Refrão

 

  • Haraik di’ak ba Ita atan,

          Ha’u sei moris no halo tuir Ita liafuan.

          Na’i, loke ba ha’u matan

          Atu haré Ita ukunfuan nia kmanek. Refrão

 

Aclamação                                                                                                                                                                                   Lc. 21. 28

Refrão : Aleluia, Aleluia!! Repete-se

                  Imi hamriik ba hodi foti imi ulun, basá

                  imi nia maksoin besik ona. Refrão

 

Evangelho                                                                                                                                                                              Lc. 17. 26-37

Na’i Jesus Cristo nia Evangelho nu’udar São Lucas haktuir:

Iha tempo neba, Jesus lia tun ba escolante sira: “Nu’udar mosu tiha ona iha Noé nia loron, nune’e mós sei mosu  iha Oan Mane nia loron sira: sira han hemu, mane sira hola feto, feto sira hola mane to’o loron nebe Noé tama iha ro laran no udan tau maka’as nebe halakon sira hotu. Sei mosu mós hanesan iha Lot nia loron: sira han hemu daudaun, sira sosa no faan, sira kuda no harii uma. Maibe iha loron nebe Lot sai tiha housi Sodoma, ahi no enxofre tun housi lalehan hodi oho sira hotu. Nune’e mós sei mosu iha loron nebe Oan Mane sei hatudu an.

Iha loron neba, ema nebe iha uma nia kakuluk keta tun atu hola nia sasan sira; nune’e mós ida nebe iha to’os keta fila fali ba buat nebe nia husik. Imi hanoin fali Lot nia feen.”

“Ema nebe hakarak soi nia moris, sei lakon moris ne’e; no ema nebe lakon nia moris, sei soi nia. Ha’u dehan ba imi: iha kalan nebe ema na’in rua sei toba iha fatin ida: sei lori ida hodi husik ida seluk. Feto na’in rua sei tuku batar hamutuk: sei lori ida, hodi husik ida seluk.” Sira simu dehan: “Na’i, buat ne’e sei mosu iha lós nebe?” Nia hatan ba sira: “Iha fatin nebe isin mate hela, iha neba mós mak manu makikit sira sei halibur hamutuk.”

Lia Maksoyn.

Leave a Reply

Your email address will not be published. Required fields are marked *