shadow
Diocese de Dili > NOTÍCIAS > Notícias > EQUIPA PASTORAL DIOCESE DILI APRESENTA TEMA PASTORAL 2019

EQUIPA PASTORAL DIOCESE DILI APRESENTA TEMA PASTORAL 2019

DCDD, Quarta-feira (14/11/2018), Equipa Pastoral Diocese Dili realiza hikas assembleia geral ba dala rua ho objetivo atu halo avaliação semestral ba atividade pastoral tinan 2018 nian no anuncia tema pastoral diocese Dili nian ba tinan oin 2019. Atividade nee realiza iha Salão São José Paróquia Catedral Dili nebe participa ativa husi Párocos iha Diocese Dili nian, religioso-religiosas, catequistas no mos leigo sira.

Vigário Episcopal ba Assunto Pastoral Pe. Jovito do Rêgo de Jesus Aroujo esplica katak, tinan-tinan sempre iha tema geral ida diocese ninian ou seja tema pastoral ninian atu halo catequeze iha paróquia sira iha diocese Dili nian. Paróquia sira diocese dili ninian oras nee hamutuk 34 nebe oras nee lao daudaun hela tema principal iha tinan 2018 nian “Bíblia mak Família nia Abut, Roman no Moris”.

Iha fulan Junho fulan kotuk equipa nee halo tiha ona primeira avaliação atu detecta dificuldades, problemas, atividade sira nebe halo no sira nebe sidauk halo iha paróquias iha diocese dili ninian ao mesmo tempo fo ona tema ba tinan oin nian ba pároco sira atu discute. Husi discução sira no hanoin sira husi pároco sira nian, equipa pastoral diocese ninian elabora hodi hetan duni matadalan hodi guia ita ba tinan oin ninian. Tanba nee ohin 14 de Novembro realiza hikas sorumuto nee hodi anúncio ba assembleia sobre tema refere. Nee duni tema ba tinan 2019 nian kona ba “Jovem Missionário.

Vigário Episcopal ba Assunto Pastoral Pe. Jovito do Rêgo de Jesus Aroujo esplica tan katak, tema nebe mak sei implementa iha tinan oin (2019) nian nee, equipa pastoral diocese nian elabora tiha ona, nunee iha sei fo hikas ba assembleia atu hadia atu nunee iha loron Padroeiro nian nebe monu iha loron 8 fulan Desembro bele halo lançamento hamutuk ho nia programa atu nunee sai matadalan ida hodi guia ita durante tinan tomak ida. Tanba nee durante tinan tomak ida iha 2019 nian nee ita sei hanoin kona ba Jovem Missionário. Ita foti tema ida nee tanba tinan oin 2019 nee mos dedica especial ba Tinan Jubileu Extraordinário ba missão. Iha abertura Dom Virgilio do Carmo da Silva partilha ona ba assembleia kona experiência sínodo juventude nian nebe fulan kotuk ba, fulan Outobro 2018 halao iha Roma. Nebe tinan 2019 nee tinan nebe dedica especial ba juventude. Hein katak colaboração, participação iha tinan 2019 nian nee atu ita bele halo buat ruma ba ita nia an kona ba ita nia rain, kona ba ita nia problema, dificuldade no desafio sira nebe juvem sira hasoru, liu-liu hanesan iha Sínodo nian questiona makas konaba ba desafios DARKWEB/DEEPWEB iha nebe lori ema ba dalan nakukun ninian no la lori ema ba diak tanba causa usa sala média social nebe barbarak tebes mosu. Tanba nee, oinsa atu fortifica foinsae sira atu hatene distigue kona ba buat nebe diak no ladiak atu sira halo opção fundamental ida iha sira nia vida. Ita hein katak tinan 2019 nian nee jovem sira bele colabora diak liu tan atu nunee sira mos bele sai apóstolo ba mane maluk no feto maluk sira seluk.

Ba oin ita mos buka atu usa media social ho diak atu ita bele hare tok poling pendapat husi foinsae sira nian atu nunee ita bele tetu tanba iha ita nia rain nee ema usa média social hodi politiza sasan, usa ba tendéncia at nian mak barak liu duque ba buat diak. Comunicação social ida nebe ita dehan katak atu tulun ema, forma ema nia opinião, forma ema nia caráter, ita la aproveita média social hanesan meio ida nebe atu tulun ema sai diak, tanba ita sidauk iha capacidade atu distuingi kona ba diak no at. Então ho tinan oin mai nee buka oinsa mak forma jovem sira, oinsa mak fo ba jovem sira capacidade atu distingue tanba usa média social nee ba bem comum, bem social atu hadia Timor laos atu sobu Timor.

Liu husi mensagem Vigário Episcopal ba Assunto Pastoral Pe. Jovito do Rêgo de Jesus Aroujo ba jovem sira em relação ho média social nee nia hateten,usa média social nee ho responsabilidade no labele anónimo lae realidade social nee menus demais, depois ita dehan katak ita la moris real ida, ita mai ho outopia ho hanoin sira nebe dalaruma la construtivo, maibe hanoin sira nebe sobu deit tanba nee estado hanesan orgão ida nebe responsável máximo ba utilização média social nian nee, quando hare katak vandalizmo barak demais liu iha média social hanu hanoinbele limita ituan ema nia liberdade no democracia atu usa média social nee ho responsabilidade selae ita usa ida nee hodi hateten at nai ulun sira, Uma Creda no sel-seluk. Tanba nee usa ho diak no responsabilidade hanesan kilat ida atu bele comunica paz, dezemvolvimento no caráter personalidade ita tenta atu hatudu ida nee. (Fidi&Marta)

Leave a Reply

Your email address will not be published. Required fields are marked *