shadow
Diocese de Dili > NOTÍCIAS > LETURA DIÁRIA > Sábado, XXXII Semana Tempo Comum (Ano B)

Sábado, XXXII Semana Tempo Comum (Ano B)

Primeira Leitura                             3Jo. 5-8

Lia housi São João nia terceira Surat

Ha’u nia doben Gaio, o hatudu o nia laran metin ho buat nebe o halo ba maun alin sira no liu-liu ba sira nebe la’o rai; sira fó sasin mai ha’u kona ba o nia domin iha kreda nia oin. Haré didi’ak ba kona ba buat nebe sira kuran iha dalan, iha Maromak futar oin; basá iha Nia naran duni mak sira la’o, la hodi simu buat ida housi gentio sira. Tan ne’e, ita sei fó tulun ba sira atu  ita bele halo parte iha sira nia serbisu atu haklaken lialós.

Maromak Futar Lia.

 

Salmo Responsorial                                                                                                                 Sal. 111(112). 1-2, 3-4, 5-6 (R. cf. 1ª)

Refrão : Ksolok ba ema nebe hein iha Na’i!!! Repete-se

  • Rahun di’ak ba ema nebe hamta’uk Na’i,

          No haksolok iha Nia ukunfuan.

          Nia bei-oan sira sai maka’as iha rai,

          Derasaan ema laran lós nian hetan bensa ua’in. Refrão

 

  • Iha nia uma, iha aihan no riku-soi ua’in,

          Ema sei la haluha nia laran di’ak.

          Nia nabilan ba ema lós sira hanesan roman iha nakukun,

          Ema laran mós, laran maus no laran lós. Refrão

 

  • Ksolok ba ema nebe laran luak no empresta,

          No tau matan ba nia riku-soi tuir justiça.

          Nia sei la la’o tatolic,

          Ema sei hanoin ema laran lós ba nafatin. Refrão

 

Aclamação                                                                                                                                                                                2Tes. 2. 14

Refrão : Aleluia, Aleluia!! Repete-se

                  Hodi Evangelho Na’i Maromak bolu ita, atu hola parte

                  Iha ita Na’i Jesus Cristo Nia glória. Refrão

 

Evangelho                                                                                                                                                                                  Lc. 18. 1-8

Na’i Jesus Cristo nia Evangelho nu’udar São Lucas haktuir:

Iha tempo neba, Jesus haktuir aiknanoik ida ba Nia escolante sira atu sira sei harohan nafatin hodi la bele kole. Nia dehan: “Iha cidade ida iha juiz ida nebe la ta’uk Maromak, la respeita ema. Iha cidade ne’e mós iha feto faluk ida nebe ba hasouru nia dehan: ‘Halo lai justiça ba hasouru  ha’u nia funu baluk.’ Dala barak ona mak juiz ne’e lakohi rona. Maibe loron ida nia dehan ba nia an:L ‘Maski ha’u la ta’uk Maromak, no mós la respeita ema, atu feto faluk ne’e la bele fó  bei-beik ulun moras mai ha’u, ha’u sei halo duni justiça ba nia atu nia la bele mai halo kole tan ha’u.’’’

Nune’e Na’i dehan: “Rona didi’ak buat nebe juiz áat ne’e dehan. Ne’e duni, Maromak sei la halo justiça ba sira nebe Nia fihir, nebe kalan loron hasa’e lia maka’as ba Nia, hodi halo sira hein kleur tan? Tebes, Ha’u dehan ba imi katak Nia sei halo kedas justiça ba sira. Maibe uainhira Oan Mane sei fila hikas mai, Nia sei hetan fiar iha raiklaran ka lae?”

Lia Maksoyn.

Leave a Reply

Your email address will not be published. Required fields are marked *