shadow
Diocese de Dili > NOTÍCIAS > REFLEXÃO > TEMPO NIA ROHAN

TEMPO NIA ROHAN

REFLEXÃO & LEITURAS DOMINGO COMUM XXXIII /Ano B/2018

Dan 12,1-3, Heb 10,11-14,18, Mc 13,24-32

 

Primeira Leitura                                     Dan. 12, 1-3

Lia housi Livro Profeta Daniel:

Iha tempo ikus sei mai Miquel, Anjo sira nia boot, Anjo ida nebé tau matan ba ó nia povo nia oan sira. Tempo ne’e, sei sai tempo ida susar teb-tebes, ema la dauk hetan seluk ida hanesan nia, houri uluk kedas to’o tempo ne’e. Iha tempo ne’e, Na’i Maromak sei haraik Maksoyn ba nia povo, ba ema hotu-hotu nebé naran iha Maromak nia livro. Mate-bian barak sei hadér, balun atu moris nafatin, balun atu moe lerek hodi simu condenação nafatin. Sira nebé moris neon na’in, sei nabilan hanesan roman lalehan nian. Sira nebé dada ema lubun-lubun ba dalan justiça, sei nabilan hanesan fitun tinan ba tinan.

Maromak Futar Lia.

 

Salmo Responsorial                                                                                                                                        Sal. 15(16), 5. 8. 9-10-11

Refrão : Na’i, tahan ha’u atan, ha’u hein Ita Boot!!! Repete-se

  • Na’i, Ita Boot mak ha’u riku-soin;

          Ha’u destino iha Ita Boot futar liman. Refrão

 

  • Na’i iha nafatin ha’u oin;

          Iha nia sorin, ha’u la ta’uk buat ida.

          Tan ne’e, ha’u fuan haksolok,

          Ha’u klamar haksolok

          Ha’u isin tomak toba hakmatek. Refrão

 

  • Na’i la fo ha’u ba mate,

          La husik sai dodok nia atan isin. Refrão

 

  • Nia sei hatudu dalan ba ha’u moris;

          Iha Nia sorin ha’u haksolok tebes. Refrão

 

Segunda Leitura                                                                                                                                                        Heb. 10, 11-14. 18

Lia housi São Paulo ba Hebreu sira:

Sacerdote hotu-hotu Testamento Tuan nian, loron-loron mosu atu kaer sira serviço, hodi hasa’e fila fali sacrificio oin ida de’it, katak sacrificio ida nebé la bele kasu salan. Maibé, Cristo hasa’e sacrificio ida de’it atu kasu salan, hafoin Nia hatodan-An iha Aman Maroamk nia sorin kuanan, tinan ba tinan. Hahú kedas iha oras ne’e, Cristo hein hela atu haré Nia funu balu sira monu iha Nia ain. Tebes duni, hodi sacrificio ida de’it mak Cristo halo kmanek to’o rohan, ema sira nebé bolu, atu sai santo. Nune’e, wa’inhira iha ona perdão ba salan, la kuran tan ona sacrificio, atu kasu salan.

Maromak Futar Lia.

 

Aclamação                                                                                                                                                                                  Lc. 21, 30

Refrão : Aleluia, Aleluia!! Repete-se

                  Imi tur matan moris, tur neon na’in, hodi harohan nafatin,

                  Atu imi bele mosu iha Mane Maksoyn futar oin. Refrão

 

Evangelho                                                                                                                                                                            Mc. 13, 24-32

Na’i Jesus Cristo nia Evangelho nu’udar São Marcos haktuir:

Iha tempo nebá, Jesus lia tun ba Escolante sira, wa’inhira Nia ko’alia kona ba loron Nia atu fila mai; Nia dehan: “Iha loron ikus, wainhira susar boot liu tiha, loron sei sai nakukun tiha, fulan sei la nabilan tan, fitun sira sei monu housi lalehan mai; kbiit tomak leten nian sei nakrahun htou. Iha oras ne’e, mak ema sei haré Mane Maksoyn mai ho kbiit ho nia glória wa’in tebes housi kalohan leten. Iha oras ne’e, mak Nia sei haruka nia Anjo sira atu halibur Nia emar sira housi rai-rai, housi rai hun to’o lalehan rohan. Imi buka hatene didi’ak lia ida nebé mai housi ai figuera: Wa’inhira ai figuera nia sanak sira hahú nadelu, tahan buras ona, imi hatene ona katak, bain-loron besik ona. Nune’e mos, wa’inhira imi haré buat hirak ne’e mosu, imi sei hatene katak Mane Maksoyn atu mai ona, Nia besik hela ona iha imi nia odamatan. Ha’u dehan lialós ba imi: Buat hirak ne’e sei mosu duni iha ema sira ohin nia loron. Lalehan no rai bele lakon, maibé, Ha’u nia lia-fuan sei la lakon. Maibé, kona ba loron ne’e, ema ida la hatene: Anjo sira iha lalehan mos la hatene, Mane Maksoyn mos lae. Maromak Aman, Nia mesak de’it mak hatene.

Lia Maksoyn.

 

 

 

 

Reflexão :

TEMPO NIA ROHAN

Citação (kutipan) Evangelho Marcos semana nee iha capítulo 13 fo imagem relaciona ho situação fim do mundo. Ita lee no reflecte didiak, passagem Bíblica nee halo ita sente tauk oitoan basá, haktuir iha neba sobre destruição (kehancuran) mundo, terus no susar oioin. Maibé, para al’em de situação horror  (negativu) nee, afinal descobre eh revela mos esperança ba salvação. Basá, Maromak sei haruka Ninia anjo sira hodi halibur ema hirak nebe sei hetan salvação; mak ema hirak nebe hakarak duni no matan moris-neon nain (alerta) durante moris iha rai nee. Jesus afirma katak, ema ida mos sei la hatene wainhira mak tempo ikus nee too mai. Só Maromak mesak deit mak hatene bainhira.

Haré eh halo leitura liu deit (sekilas), ita sente admira, tansá Jesus fo imagem nebe hatauk (horror) ba ema hirak iha altura kona ba fim do tempo (parousia). Iha nebá sei acontece funu, terus, desastre natural, ema hetan torturação,….no seluk tan. Afinal, Jesus nia intenção (maksud) hodi apresenta previsão hirak hatauk ema nee hodi kuda metin ema nia esperança (Harapan) ba deit Maromak. Too ponto ida nee, ita hetan convite hodi taka liman harohan hateke ba Maromak lalehan aas ba. Jesus tenik;” Nune’e mos, wainhira imi haré buat hirak ne’e mosu, imi sei hatene katak Mane Maksoyn atu mai ona, Nia besik hela ona iha imi nia odamatan. Ha’u dehan lialós ba imi: buat hirak ne’e sei mosu duni iha ema sira ohin nia loron. Lalehan no rai bele lakon, maibé, Ha’u nia lia-fuan sei la lakon” (Mc 13,29-31).

Previsão kona ba fim do tempo (Escatologia) nee, sei acontece iha forma oioin. Por exemplo; Jesus hetan traição (dihianati) husi escolante rasik nebe saran Nia ba ema laran aat sira, hafoin tuir mai, escolante sira seluk mos balu hetan capturação, torturação até hetan oho (martirizado). Tuir kedas situação seluk hanesan mosu messias falso, Jesus falso, nailulik falso, evangelista falso, sarani falso…nst. figura hirak nee hamihis/hafraku tiha sarani sira nia fiar ba Jesus Cristo lolos. Iha sorin seluk, condição seluk relaciona ho fim do tempo mak; Igreja sempre sadere iha Bíblia Sagrada, buka nafatin atu “sensibilizar” (fo hanoin nafatin ho fuan laran), bolu atenção bebeik sarani ba sentido matan moris neon nain. Maibé, realidade nebe acontece iha mundo mak ema matan moris liu ba riku soin, kaan ba poder no osan, ema fácil monu ba pecado adulteiro, hadau malu ukun, fiar ba maromak seluk hanesan biru, urat, bua malus, manu aten, matan dook…nst.

Too ponto ida nee, Jesus haré katak ema la tau interece iha sentido matan moris neon nain hodi monu toba dukur iha lalaok hirak temi iha leten.

Evangelho Marcos fo hanoin ita katak; ema hotu nebe hakarak tuir (fiar) Jesus, sei hetan tentação. Tentação nebe preferida iha nee bele mosu ho formato seluk hanesan adultério, hadau malu kaer ukun, kaan ba riku soin too acto corrupção. Jesus hametin ita fiar hodi hanorin katak; tentação saida deit mak mosu ho forma oioin maibé, nudar católico ita precisa matan moris neon nain nafatin significa; hatene cumpri saida mak Maromak haruka no saida mak doutrina bandu. Atu nunee, wainhira tempo nee too mai, ita está em prontidão.

Maibé, atu enfrenta situação hirak nee, ita la precisa tauk tan nudar Cristão Católico ita moris iha esperança. Hanesan Dom Martinho Lopes hatete:” O Catolicismo é uma Religião de Esperança. Vivemos nesta esperança. Hanesan São Paulo dehan, “De facto, foi na esperança que fomos salvos” – Sesungguhnya dalam harapanlah kita semua diselamatkan (Roma 8, 24).

Jesus rasik sai garancia (jaminan) tan ita nia fiar, tan nia muda ita nia moris no garante salvação. Nia hanorin ita atu comporta didiak iha moris nee nudar sinal matan moris neon nain. Sarani nebe forte iha fiar, hatene hasoru desafio tomak ho fiar no esperança nebe la nakdoko. Jesus sran-an nudar oferta perfeito (kurban sempurna) ba Maromak. .  Karena itu siapapun yang mengikut Yesus dengan setia dan siaga akan “ditebus” atau diselamatkan dari hukuman Allah yang sungguh benar dan adil. Assim Seja e Bem Haja. (Ignas)

Leave a Reply

Your email address will not be published. Required fields are marked *