shadow
Diocese de Dili > NOTÍCIAS > Notícias > “HAMETIN SENTIDO CRÍTICO NO CONTRIBUTIVO HO ORGÃO DO ESTADO IHA PROCESSO DESENVOLVIMENTO NACIONAL”

“HAMETIN SENTIDO CRÍTICO NO CONTRIBUTIVO HO ORGÃO DO ESTADO IHA PROCESSO DESENVOLVIMENTO NACIONAL”

DCDD, Dili, Segunda-feira, loron 19 fulan Novembro tinan 2018, membro FONGTIL hala’o encontro anual tinan, ho nia tema “hametin crítico no contributivo ho orgão do estado iha processo desenvolvimento Nacional, participante housi ONG local, Nacional  no internacional  housi município sanulu-resin-rua inclui RAEOA durante loron lima iha salão São José Operário Catedral Dili.

Chefe comissão organizadora Sra. Sonia da Costa Soares hateten Forum ONG Timor-Leste (FONGTIL) nu’udar organisação sumbrinha ba ONG hamutuk 348 iha Timor-Leste, composto housi ONG local, ONG nacional 304, ONG internacional 44 ho ninia knaar importante haat mak; halo coordenação, advocacia, hakbiit capacidade ba membro ONG sira no desamina informação, nebé ho ninia percentagem participantes mak 50% mais um housi total membro ONG ne’ebe ativo baseia  ba estatuto FONGTIL nian”.

Liutan ne’e Sra. Sonia dehan “knaar haat ne’e hatur ona iha plano estrategia FONGTIL nian nebé sei halao cada tinan lima hahu housi tinan 2016-2020 hodi servi ba membros ho total ne’ebe menciona iha leten”.

Nia explica “iha encontro ida ne’e mos FONGTIL convida corpo diplomático sira iha Timor Leste no parceiros doadores desenvolvimentos sira quaze atus tolu mak participa  iha encontro ne’e. Iha encontro geral anual ida ne’e mos sei garante transparancia no contabilidade housi secretario FONGTIL nian ba membros ONG sira baseia  ba estatuto. Encontro ne’e nu’udar espaço ida ba membros atu involve processo  hola decisão a’as  liu ba FONGTIL no fo espaço ba membros atu fo sugestão,recomendação, crítica construtivo hodi contribui ideia ho objetivo nebé mak bele contribui serviço estado nian ba secretariado FONGTIL iha futuro no sei partilha mos informacão kona ba processo  no nia resultado housi implementação programa auditoria social no agora dadaun ne’e FONGTIL ho nia membro ONG sanulu resin ualu nu’udar iniciatór implementação programa audiotoria social iha TL hodi garante parceria  crítico no sai referencia serviço advocasia nian ne’ebe crítica basea ba dadus ho evidência hodi nune’e bele ajuda governo ato fó prestação serviço nebé qualidade no sustentavel ba povo iha processo desenvolvimento nacional.

Iha sorin seluk Director executivo FONGTIL Daniel dos Santos haklean liu tan katak iha estatuto FONGTIL nian iha capítulo IV aritgo 14 no 19 koalia kona ba encontro anual nebe sei  halo cada tinan-tinan. Housi encontro anual ida ne’e, ita sei koalia buat barak, materia saida-saida mak sei decide iha ne’e. Assembleia geral ida ne’e sei precisa membros nia decisão  política que dalaruma fora housi ita nia estatuta nebe mak presija duni membros sira nia desijaun politica atu nune’e sai hanesan baze legal ida ba parseiro hodi nune’e conselho bele serviço lao tuir saida mak hanesan sai decisão  forte ba membros sira.

No entanto Presidente da República Democrática Timor-Leste senhor Dr. Francisco Guterres Lu-Olo hateten ho skolok boot no honra tebes mak ha’u halo abertura ba encontro gerál anual  Fongtil ba tinan 2018, ha’u haksolok liu tan iha oportunidade diak tebes hodi hasoru malu no koalia ho sociedade sivil nacional no internacional sira hamutuk 348 ne’ebe hala’o serviço iha area oin-oin. Iha biban ida ne’e sei lori ita atu hatene liu tan kona-ba papel no contribuição  sociedade sivil nian ba desenvolvimento nacional iha Timor-Leste.

Presidente da República dehan “Ha’u hatene katak cada tinan FONGTIL halo encontro geral anual  hodi asegura, garante transparência no responsabilidade nu’udar entidade mahon ida ho interese público ba interese público. Encontro geral anual fó mos oportunidade ida ba organização ba membros hodi involve aan iha processo fó hanoin construtivo no foti deçisão iha nível coordenação aas liu hodi haburas no hametin liu tan Fongtil nia knaar housi âmbito coperação instituisional ba interese público”.

Ikus liu Presidente da República dehan “ ha’u hakarak hato’o ba imi hotu katak bele conta nafatin ho ha’u Presidente da República nia apoio ba implementação programa sira husi organização sociedade civil iha TL, ita boot sira bele conta nafatin hanesan uluk ha’u nia compromisiu nebe ha’u halo antes ha’u ba iha campanha ha’u hasoru malu ho ita boot sira katak ha’u presisa hasoru malu nafatin ho sociedade civil para ita hotu bele fo liman ba malu la’o hamutuk, sociedade civil parseiru diak liu estado nian imparticular ba governo nian para ita bele hala’o diak liu tan ita nia kna’ar hodi bele serbi diak liu tan ita nia povo, ne’e duni  mai ita fo liman ba malu tau matan ba ita nia sociedade ida ne’e no ba desenvolvimento sustentavel TL nian. Timor Leste presisa ita hotu nu’udar ita hotu presisa Timor Leste hanesan ita nia rai, hanesan ita nia estado no  hanesan ita nia nação, iha Timor Leste laiha ema ida ka cidadão ida nebe laiha valor hot-hotu serve ba buat ruma tanba ne’e mai ita la’o ba oin fiar katak ita sei lori ita nia povo tomak ba moris diak iha loron ruma”. (Reportazem Fidélia Magno)

Leave a Reply

Your email address will not be published. Required fields are marked *