shadow
Diocese de Dili > NOTÍCIAS > LETURA DIÁRIA > Domingo, XXXIV Semana Tempo Comum (Ano B)

Domingo, XXXIV Semana Tempo Comum (Ano B)

          SOLENIDADE CRISTO LIURAI

 

Primeira Leitura                   Dan. 7, 13-14

Lia housi Livro profeta Daniel:

Ha’u hakete hela ba buat ne’ebe mosu iha kalan, ha’u haré mosu mai housi kalohan laran, ema ida hanesan Mane Maksoin. Nia la’o daudaun, sira lori Nia ba katuas lulik futar oin. Nia simu simu kbi’it atu ukun nu’udarm Liurai. Povo tomak, nação hotu-hotu, ema tomak iha mundo rai klaran hakru’uk hodi serbí ba Nia. Ninia kbi’it rohan la’ek, sei la lakon. Ema ida sei la sobu nia Reino.

Maromak Futar Lia

 

Salmo Responsorial                                                                                                                                         Sal. 92 (93), 1ab. 1c-2.5

Refrão : Na’i Liurai ne’ebe hork iha roman laran. Repete-se

Na’i ukun nu’udar Liurai,

Ukun ho kbi’it. Refrão

 

Nia kaer metin mundo tomak.

Nia kun metin houri uluk kedas. Refrão

 

Na’i nia lia, lia lós;

Nia uman santo tinan ba tinan. Refrão

 

Segunda Leitura                                                                                                                                                                        Ap. 1, 5-8

Lia housi Livro Apoalipse:

Jesus Cristo mak sasin lolós; Nia ema matebian sira nia ulun; Nia mak liurai sira nia Liurai. Ba ema ida ne’ebe hadomi ita, ba ema ida ne’ebe hodi Nia ran hamós ita nia salan, halo ita sai Reino sacerdote nian ba nia Maromak, ba Nia Aman: Ba ema ne’e, rahun diak nafatin, kbi’it makas nafatin tinan ba tinan, amen! Nia sei mai iha kalohan leten: ema hotu ho matan rasik sei haré Nia. Iha Nia futar oin povo tomak rai klaran nian sei tuku hirus matan tambá Nia. “Ha’u mak Alfa, ha’u mak Ómega”, Maromak lia tun, Maromak Ida ne’ebe ohin, housi uluk kedas, aba bainrua, sei hela nafatin, buat tomak nia Na’in.

Maromak Futar Lia.

 

Aclamação                                                                                                                                                                                   Mc. 11,10

Refrão : Aleluia, Aleluia Aleluia!! Repete-se

Diak tebes Ida be mai hodi Na’i nia naran;

Ksolok tebes reino ne’ebe atu to’o daudaun ona mai, Reino Ita Aman david nian. Refrão

 

Evangelho                                                                                                                                                                           Jo. 18, 33b-37

Na’i Jesus Cristo nia Evangelho nu’udar São João haktuir:

Iha tempo ne’eba, pilatos husu ba Jesus: “ Ó mak Judeu sira nia Liurai?” Jesus lia tun ba pilatos, dehan: “ ó rasik dehan ida ne’e ka ema seluk mak dehan ida ne’e ba ó, konaba Ha’u? pilatos simu hikas, dehan: “Ó hanoin ha’u ema Judeu ruma? Ó nia povo no sacerdote ulun sira mak saran Ó ba ha’u liman. Ó halo sá ida?” Jesus hatan, dehan: “Ha’u nia Reino la’os  iha rai klaran ida ne’e. Ha’u nia Reino mak rai klaran ne’e karik, Ha’u nia povo sei funu atu Ha’u labele monu ba Judeu sira liman. Maibé, tebes, Ha’u nia Reino la’os iha rai klaran ida ne’e! Nune’e, pilatos hateten ba Nia: “Ne’e sá, Ó Liurai duni! Jesus simu hodi dehan: “Lós! Ha’u Liurai duni! Ha’u moris, Ha’u mai iha rai klaran atu sasin lia lós! Ema hotu ne’ebe moris tuir lia lós, rona duni Ha’u lian!

Lia Maksoyn

Leave a Reply

Your email address will not be published. Required fields are marked *