shadow
Diocese de Dili > NOTÍCIAS > LETURA DIÁRIA > Segunda-Feira, XXXIV Semana Tempo Comum (Ano B)

Segunda-Feira, XXXIV Semana Tempo Comum (Ano B)

Primeira Leitura                Ap. 14. 1-3, 4b-5

Lia housi Livro Apocalipse:

Ha’u João, ha’u haré bibi oan hamriik iha foho Sião nia leten hamutuk ho ema rihun atus ida ha’at nulu resin ha’at; hakerek tiha iha sira hotu nia ren tos Bibi oan no nia Aman nia naran. Ha’u rona tarutu ne’ebe mai housi lalehan hanesan tasi bo’ot nia tarutu ka rai tarutu ida; hanesan knananuk housi ema sira ne’ebe toka harpa. Iha trono nia oin, sira hananu knananuk foun ida iha balada ha’at no katuas sira nia oin, knananuk ida ne’ebe ema rihun atu ida ha’at nulu resin ha’at ne’ebe hetan ona maksoin housi rai klaran de’it mak bele hatene. Sira la’o tuir Bibi Oan ba fatin hotu ne’ebe Nia ba. Sira ne’e hetan maksoin iha ema sira le’et atu sai aifuan uluk ba Maromak no ba Bibi Oan. Sira la husik lia bosok ruma liu housi sira nia ibun basá la bele hetan sala iha sira.

Maromak Futar Lia

 

Salmo Responsorial                                                                                                                                   Sal. 23(24). 1-2, 3-4ab, 5-6

Refrão : Ema otas ne’e mak buka Na’i!!! Repete-se

 

Rai no buat hotu iha rai, Na’i Nian;

Mundo no buat tomak horik iha Nia.

Maromak hatur rai iha tasi leten,

Hametin rai iha laloran leten. Refrão

 

Sé mak bele sa’e ba Maromak Nia foho

Eh horis iha Nia kadunan santo?

Ema ne’ebe laran mós, liman la sala,

Ema ne’ebe la jura falso, la bosok. Refrão

 

Ema ne’e sei simu Na’i Nia bensa,

Nia sei hetan kolen housi Maromak, nia maksoin.

Ema otas ne’e mak buka Na’i,

Be buka Jacob nia Maromak Nia futar oin. Refrão

 

Aclamação                                                                                                                                                                        Mt. 24. 42ª, 44

Refrão : Aleluia, Aleluia!! Repete-se

Imi matan moris ne’on na’in ba, basá iha oras ne’ebe

imi ladun hanoin hetan mak Mane maksoin sei mai. Refrão

 

Evangelho                                                                                                                                                                                   Lc. 21. 1-4

Na’i Jesus Cristo nia Evangelho nu’udar São Lucas haktuir:

Iha tempo ne’eba, Jesus foti tiha matan, Nia haré ema riku sira tau esmola iha osan fatin templo nian. Nia haré mós feto faluk ki’ak ida ne’ebe tau nia esmola osan ki’ik rua. Nia dehan: “Tebes, Ha’u dehan ba imi katak feto faluk kiak ne’e tau osan folin liu sira seluk hotu, basá housi buat ne’ebe resin, sira fó buat karan, maibe ema kiak ne’e saran buat hotu ne’ebe nia iha atu moris.”

Lia Maksoyn.

Leave a Reply

Your email address will not be published. Required fields are marked *