shadow
Diocese de Dili > NOTÍCIAS > REFLEXÃO > HAU SEI FO… JUSTIÇA NAIN

HAU SEI FO… JUSTIÇA NAIN

ADVENTO 1: MATAN MORIS, PREPARA MORIS FOUN, LAOS ROUPA FOUN

 

Tecnologia informatica ohin loron lori ita ba progresso lobuk ida ao mesmo tempo lori mos impacto negativo balun ba fiar sarani nian. Buat nebe sai pior liu mak wainhira tama ona iha tempo Advento, ema laos ona foca hanoin ba assunto religioso (Assunto fiar hodi hamos klamar) maibé, maluk sarani barak fo prioridade liu ba material necessidade isin nian hanesan roupa no hahan ba loron Natal nian. Maluk sarai barak influenciado liu husi ema hirak nebe buka lucro iha fila-liman (Comércio-business) hodi desvia sentido lolos husi Advento ba Natal.

               Nee mak mentalidade consumerismo até consume hotu kedas buat nebe tuir los precisa reserva ba Maromak. Nunee hau confusão diferença entre advento ho Natal nee iha Timor Plaza ema compreende ka lae?.. who knows?……who care?……it’s all about business, not God.

               Ita hahu hakat tama ona ba Domingo uluk tempo Advento nian. Uma Creda Católica hahu tama iha Ano Litúrgico foun, ano C nian. Iha ciclo nee, cristandade tomak comemora evento principal hodi  halo preparação espiritual-físico ou preparação isin no klamar simu Nai Jesus Cristo nia hiit-An mai ba dala rua iha loron ikus.

               Tema importante iha tempo Advento mak vigilância ka matan moris neon nain. Evangelho nebé ita rona iha Domingo semana nee, São Lucas Evangelista hakarak convida ita atu neon nain, matan moris. Hodi neon nain nee, haforça ita nia oração no hametin liu husi rona Nai Maromak nia futar Lia Fuan. Lalaok hirak nee hotu motiva ita nobun mantem estado neon nain-matan moris  hanesan São Lucas Evangelista haktuir. Matan moris neon nain ba moris tan ita la hatene horas no tempo ita nia mate eh fim da vida terrestral (hidup duniawi).

               Evangelho relata liu tan katak katak;<<…>> ema sei haree Mane Maksoin tun mai ho kalohan ida, ho kbiit no glória wainh tebes. Tanba nee mak Evangelho bolu ita atu neon nain-matan moris. Basá ita la hatene wainhira tempo nee sei too mai atu Nai maksoin sei hiit-an hikas mai iha mundo (Cf. Mc 13, 33) . Vigilância ka matan moris neon nain iha ita nia contexto fiar sarani Católica nian, exige ita nia fé, esperança no caridade. Nee mak virtude fundamental ita sarani Católica nian.

               Iha tempo Advento ida nee,  precisa haforte ita nia esperança eh hein. Lalaok hein nee halo ita sai baruk maibé, lalaok paciência mos bele motiva ita mantem esperança ida nee. Ema indoneásia sira baibain dehan: pekerjaan yang paling membosankan adalah MENUNGGU. Mentalidade ida nee mak iha tempu ohin loron sai hanesan veneno ba moris sarani nian.

               Wainhira ita lakon ona esperança no paciência ba Maromak mak ita hahu hases-an neneik neneik husi dalan naroman nian. Ba ida nee,  Profeta Isaías lamenta no husu ba Maromak dehan” Nai… tansa Ita husik ami lao dook husi Ita dalan, no la hamtauk Ita boot? Tan Ita atan no tanba povo Ita liman rohan, Ita hiit An fila hikas mai” (Is 63, 17). Hatan ba pedido Isaías nian nee, Iha primeira leitura seman nee, Maromak hatan kedas liu husi profeta Jeremias hodi dehan;”sei too loron nebe, Hau sei halo tuir lia fuan nebe Hau hakotu ona…<<…>>…Hau sei fo ba David Oan ida, justiça nain…<<…>>…Nia sei tahan ema nia direito; hatudu dalan los iha rai klaran”.  

               Tama ona iha  tempo Advento, iha loja sira, kios sira, iha Timor Plaza, iha radio-Televisão sira, no iha uma sira  inclui iha fatin barak, ema hahu loke música Natal nian. Revista no jornal sira mos apresenta publicidade (iklan) oioin deit relaciona ho Natal. Roupa obralan hasai hotu husi gudang alias cuci gudang nabnaban deit iha trotoar no loja oin sira. Comerciante (pedagang) sira aproveita momento nee hodi faan sira nia produto……..Nudar Cristão Católico ita mos precisa aproveita momento Advento nee hodi prepara-an hanesan Confessa, buka dame malu se durante nee família se kotuk ba malu, pratica hahalok caritativa ruma, inclui participa Retiro ruma iha ita nia Igreja paroquial ou iha grupo categorial Católico sira.

               Advento nudar biban Ida nebe fo tada mai ita katak Natal besik dadaun ona. Tinan-tinan enquanto tama ona iha Advento, ita hatene katak tuir mai ita sei celebra festa boot Natal Nai nia katak Nai Maksoin Jesus Cristo moris mai iha mundu hodi hola isin ida hanesan ita ema (mistério da Incarnação=a palavra se fez homem).

               Festa Natal nebe ita celebra tinan tinan, nudar evento ida nebe ita celebra fila fila, se ita la iha esperança, Adevento nee liu saugati deit. Maibé ita mos keta haluha katak ita nia esperança principal liu hotu iha tempo Advento mak hadia didiak ita nia-an isin-kalamar tomak hodi hein Nai Jesus nebe atu hiit-an ba dala rua mai mundo, hodi tesi lia ba ema hothotu. Ida nee mak ita nia esperança lolos nudar Cristão Católico atu nunee ita horik nafatin iha situação (keadaan) matan moris neon nain ou vigilância.

               Keta halo ba be wainhira loron ho tempo nee too de repente mai, ita sibuk fali mak roupa foun, sapato foun, telemóvel foun, motor foun, kareta prado foun hodi haluha tiha ita nia klamar. São Marcos hatete iha nia Evangelho:”Nia tekitekil mai keta hetan imi toba hela karik. Tan nee, matan moris neon nain ba”.

               Nunee, buat nebe kmanek liu ba ita nudar sarani mak; prepara moris foun durante semana 4 tempo advento nian. Tempo advento laos hodi preocupa ho roupa foun deit maibé, cristão precisa mos fuan nebe kmook atu Nai bele horik netik.***(Ignas Lopes).

Leave a Reply

Your email address will not be published. Required fields are marked *