shadow
Diocese de Dili > NOTÍCIAS > LETURA DIÁRIA > Sexta-Feira, XXXIV Semana Tempo Comum (Ano B)

Sexta-Feira, XXXIV Semana Tempo Comum (Ano B)

Primeira Leitura                                                                                                                                                           Ap. 20. 1-4, 11-21. 2

Lia housi Livro Apocalipse:

Ha’u João, haré Anjo ida tun housi lalehan mai, káer iha liman chave nakukun boot nian no corenti boot ida. Nia  káer tiha Dragão, Samea boot uluk nian, nebe mak Diabo no Satanás, hodi kesi tiha ho corenti ba tinan rihun ida nia laran. Tuir mai, soe tam nia ba nakukun boot nia lran, nebe taka metin tiha hodi tau selou housi leten, Atu la bele bosok tan nação sira, to’o tinan rihun ida nia laran. Liu tiha ne’e, sei fó liberdade ba nia iha tempo uitoan nia laran. Nune’e, ha’u haré mós trono sira no sira ne’e nebe simu biit atu tesi lia. Ha’u haré mós klamar sira nebe  ema oho, sira isin, tan fó sasin kona ba Jesus no tan liafuan Maromak nian. Nune’e mós hanesan sira nebe la tuku tur  iha Balada fuik nia oin eh iha nia ilas nia oin. No mós sira nebe la simu sinal iha sira nia reen-tós eh iha sira nia liman. Sira moris hi’as fali, hamutuk ho Cristo ukun tinan rihun ida.

Hafoin, ha’u João, haré tan trono mutin boot ida, no Ida nebe tur hela iha trono. Housi Nia futar oin, rai no lalehan halai lakon, la haré  tan sira nia ain fatin. Ha’u haré mós mate sira, ema boot no kiik, hamriik hela iha trono nia oin; livro sira hahu loke, livro ida seluk loke tan, nebe livro moris nian. Mate sira sirmu justiça, tuir buat nebe hakerek iha livro, tuir sira ida-idak nia hahalok.

Tasi hasai mate sira nebe hela iha nia. Mate no mate nia hôrik fatin lori hikas fali mate sira mai. Sira ida-idak simu justiça tuir sira nia hahalok. Soe tama Mate no mate nia hôrik fatin hotu iha lago ahi nian. Lago ahi nian ne’e mak mate ba dala rua. Ema nebe nia naran la hakerek iha livro moris nian, soe tama hotu iha lago ahi nian.

Tuir mai, ha’u haré lalehan  foun ida no rai foun ida, basá, lalehan uluk nian no rai uluk nian lakon tiha ona, Tasi mós lakon tiha ona. Hafoin, ha’u haré cidade santa, katak Jerusalém foun, tun housi lalehan mai, Tun mai housi Maromak futar oin, furak no kmanek, nu’udar fetora ida hafutar-an hodi simu nia la’en.

Maromak Futar Lia.

 

Salmo Responsorial                                                                                                            Sal. 83(84). 3, 4, 5-6ª ,8ª (R. Ap. 21. 3b)

Refrão : Iha ne’e, Maromak hôrik ho emar sira!!! Repete-se

Ha’u klamar neon sala,

Hodi hanoin Na’i Nia kadunan;

Ha’u fuan no ha’u isin,

Haksolok iha Maromak moris. Refrão

 

Manu lakateu sira buka hela fatin,

Koá-lelok (andorinha) halo knu’uk ba oan sira;

Besik Ita altar, Na’I mundro raiklaran nian,

Ha’u nia Liurai no ha’u nia Maromak. Refrão

 

Ksolok ba sira nebe hôrik iha Ita uma,

No sira nebe hahi Ita loron kalan.

Ksolok ba sira nebe buka biit iha Itaboot,

Sira la’o ba oin hodi biit hetok boot. Refrão

 

Aclamação                                                                                                                                                                                           Lc. 21. 28

Refrão : Aleluia, Aleluia!! Repete-se

Hamriik ba hodi foti imi ulun basá, imi nia libertação besik ona. Refrão

 

Evangelho                                                                                                                                                                                     Lc. 21. 29-33

Na’i Jesus Cristo nia Evangelho nu’udar São Lucas haktuir:

Iha tempo neba, Jesus haktuir aiknanoik ida ne’e ba escolante sira: “Imi haré didi’ak ai figueira no ai sira seluk hotu. Uainhira sira hahu hatubun tahn nurak, imi hatene katak bailoron besik ona. Nune’e mós imi, uainhira imi haré buat hirak ne’e mosu, imi sei hatene katak Maromak nia reino besik ona. Tebes Ha’u dehan ba imi: otas ne’e sei la liu to’o buat ne’e hotu mosu. Lalehan no rai sei liu, maibe Ha’u nia liafuan sira sei la liu.”

Lia Maksoyn.

Leave a Reply

Your email address will not be published. Required fields are marked *