shadow
Diocese de Dili > NOTÍCIAS > REFLEXÃO > RONA NETIK JOÃO BAPTISTA NIA LIAN

RONA NETIK JOÃO BAPTISTA NIA LIAN

Wainhira participa iha missa Primeiro Domingo Advento nian, amu lulik ida ho lian sínico (piadas) dehan;”ita rona iha kintu-kantu, foin atu hahu loron Dezembro deit, ita rona ona música Natal rebo-rebo. Liu tan, amu lulik nee hameno katak; celebração Natal nee, ita hahau dia 24 ba oin. Nee significa katak; tuir lolos nee, Dia 1 de Dezembro ba oin nee, ita tama iha tempo Advento nudar tempo preparativo moris espiritual”.  Se Advento ita la aproveita didiak, nee significa ita celebra Natal prematur.

Tinan-tinan, too tempo advento, sarani Católico hothotu hetan chamada atenção hodi prepara-an ba simu Nai Jesus Cristo-Messias. Iha Domingo Advento ba dala rua nee, São João Baptista mosu hodi convida ema hotu ba hakribi salan no prepra dalan ba Nai.

São João Baptista nia presença hanesan haktuir iha Evangelho São Lucas nian, mosu iha contexto império Romano nebe governa husi imperador  Tibérius no Galileia iha Herodes nia ukun.

Situaçao política iha Herodes nia ukun no situação religiosa iha Anas ho Kaifas nia liman, hatudu impressão ida katak precisa iha mudança de mentalidade ida iha aspecto hothotu.

Tanba nee mak João Baptista mosu hanesan Maromak nia mensageiro(profeta) hodi bolu conversão ba ema nobun.  Simu tiha Maromak nia futar lia fuan, João Baptis lao haleu hodi bolu ema hotu hakribi salan (cf Lc 3, 1-4). Confere ba livro profeta Isaías, São Lucas Evangelista hakarak haforça liu tan alerta conversão ho João Baptista nia lian hakilar sira iha rai fuik maran.

Iha biban ida nee, ita ba haree oitoan situação iha altura João Baptista mosu hanesan profeta. Situação política no religiosa nebe halo ema boot sira hametin ambição política no poder cria situação nebe la seguro.  Joã Baptista bolu ema hotu ba hakribi salan, hodi explica sentido salvação liu husi hakribi salan.

Kaan ba poder (ukun) no regra religiosa nebe ukun nain sira iha altura neba hatudu, halo sira haluha tha povo nia interece eh povo nia necessidade lolos. Boot sira interece liu sira nia ambição do que tau matan ba povo. Pelo menos ida nee situação nebe mosu iha João Baptista nia tempo. Tanba nee mak nia mosu nudar profeta nebe bolu ema hotu hodi hadi adalan ba Nai. João Baptsta nia presença fo tada katak Maromak nia visita no tempo salvação besik dadaun ona.

João Baptista nia mensagem mos sei vale ba ita sira ohin loron. Ita tama ona iha Domingo ba dala 2 tempo Advento nian. Tempo forte ba ita hodi prepara-an ba Natal Nai nian. João Baptista nia lia menon nee vale ba ema hotu iha mundo rai klaran.

Horas nee funu acontece iha fatin barak tan deit ambição ba poder no interece política ba mina iha médio oriente. Impacto husi ambição hirak nee mak, povo civil nebe inocente mate lorloron hanesan animal. Iha grupo oioin nebe mosu representa religião hodi halo ação brutal nebela basea ba doutrina domin iha sira nia religião.

Tuir los João Baptista nia nia lia bolu precisa ita coloca hanesan mensagem murak ida husi Maromak hodi hadia ita nia moris isin no klamar. João Baptista bolu ita hotu hodi hadia ita nia parte balu iha moris nebe considerado aat ona no precisa halomanutenção liu husi hakribi salan.

Iha sikun sira cidade laran eh iha foho sira, ema prepara namanas ona presépio oioin. Tempo Advento nudar tempo forte ida atu ita buka confessa hodi hafoun-an. Tinan tinan ita prepra presépio. Keta haluha mos katak presépio nebe kmanek liu ba kosok oan mak klamar nebe mos. Se presépio iha liur diak, presépio iha laran mos tem que diak. Sacramento confessa hanesan meio ida hodi sarani sira hamoos-an. Too Cristo nia loron, imi sei hetan rahun diak mai housi Jesus Cristo nia justiça atu hahí no hanai Maromak Maranatha-Nai hiit-An mai (Ignas)

Leave a Reply

Your email address will not be published. Required fields are marked *