shadow
Diocese de Dili > NOTÍCIAS > LETURA DIÁRIA > Sábado, II Semana Iha Tempo Advento (Ano C)

Sábado, II Semana Iha Tempo Advento (Ano C)

Primeira Leitura                 Sir. 48. 1-4, 9-11

Lia housi livro Ben Sirá

Profeta Elias mosu mai hanesan ahi ida, nia lia fuan manas maka’as hanesan ahi knulu. Nia halo hamlaha tun mai Israel oan sira, hodi nia laran manas, nia halo sira sai uitoan liu. Hodi Na’i nia liafuan, nia taka tiha lalehan; nune’e nia halo ahi tun mai dala tolu. Elias, hodi buat foun hirak ó halo, ó nabilan oinsá ne’e, ó be sira lori iha ahi naburas, iha kareta ida be kuda ahi nian mak dada. Ema hanourin hela ó ba tempo ikus atu hatun Maromak nia hirus, molok Nia siak maka’as, atu halo aman hadomi hikas oan, hodi hafoun fali Jacob nia knua sira. Rahun di’ak ba sira be haré ona ó, ba sira be toba ona iha domin, tanba ami mós sei moris duni.

Maromak Futar Lia.

 

Salmo responsorial                                                                                                                  Sal.79 (80). 2ac, 3b, 15-16,18-19 (R. 4)

Refrão : Na’i, hatudu Ita futar oin mai ami, ami sei hetan maksoyn!!! Repete-se

  • Mahein Israel nian, rona mai:

          Tur nabilan iha querubim sira fohon,

          Hatudu Ita biit, hi’it-An mai soi ami! Refrão

 

  • Maromak buat tomak na’in, hi’it-An mai fali,

          Housi áas Lalehan haraik futar matan, haré ba!

          Mai haré Ita nia to’os; tahan nia,

          Basá Ita futar liman mak kuda nia! Refrão

 

  • Hamahan futar liman ba ema be Ita fihir ona,

          Ba ida nebe Ita ukun ho Ita nia biit;

          Ami sei la hadook-an teni housi Ita.

          Haraik moris mai ami atu temi Ita futar naran. Refrão

 

Aclamação                                                                                                                                                                                          Lc. 3. 4, 6

Refrão : Aleluia, Aleluia!!! Repete-se

                  Hadi’a Na’i Nia dalan! Halós Na’i nia dalan inuk!

                  No criatura tomak sei haré Maromak nia maksoin. Refrão

 

Evangelho                                                                                                                                                                                     Mt. 17. 10-13

Na’i Jesus Cristo nia Evangelho tuir São Mateus

Uainhira tun mai housi foho, iha nebe Jesus nakfila-An, escolante sira husu ba Nia lia ne’e: “Tansá lós mak escriba sira dehan katak Elias sei mai uluk?” Jesus hatan ba sira: “Tebes duni! Elias sei mai duni hafoun buat tomak maibe, Ha’u hateten ba imi katak Elias mai tiha ona. Ema sira la kohi hatene nia maibe halo ba nia buat hirak nebe sira hakarak. Nune’e mós Mane-Maksoin, ema sira ne’e sei halo hanesan”. Iha ne’e escolante sira hatene ona katak Jesus ko’alia ba sira kona ba João Baptista.

Lia Maksoyn.

Leave a Reply

Your email address will not be published. Required fields are marked *