shadow
Diocese de Dili > NOTÍCIAS > LETURA DIÁRIA > III Domingo Iha Tempo Advento (ANO C)

III Domingo Iha Tempo Advento (ANO C)

Primeira Leitura                                                                                                                                       Sof. 3. 14-18ª

Lia housi Livro Profeta Sofanias:

Sião oan feto sira, haksolok, hakilar ba! Povo Israel, haksolok, hakilar ba! Jerusalém oan feto sira, haksolok ho neon ho laran ba! Na’i la hanoin ona fó todan ba ó, Na’i duni sai ona ó nia funu baluk sira. Na’i Maromak- Israel nia Liurai, horik ho ó. Susar ida la kona tan ó. Iha loron ne’eba, ema sei hateten ba Jerusalém: “Sião, keta ta’uk! keta tur murón! Na’i ó nia Maromak, horik ho ó, nu’udar Maksoin bo’ot ida. Tan ó, Maromak sei haksolok tebes, sei hafoun hikas ó ho nia domin. Tan ó, Maromak sei haksolok hanesan loron festa”.

Maromak Futar Lia.

 

Salmo Responsorial                                                                                                                                       Is. 12. 2-6

Refrão : Maromak ksolok na’in, hiit-an mai ita le’et!!! Repete-se

  • Maromak ha’u Maksoyn,

          Ha’u laran metin la ta’uk liu.

          Nia ha’u nia kbi’it, ha’u maksoin,

          Ha’u Na’i, ha’u Maksoyn.  Refrão

 

  • Hahí hana’i Maromak naran,

          Hatudu ba povo tomak kmanek foun Nia halo;

          Fó hatene katak

          Nia naran lulik tebes. Refrão

 

  • Hananu, hahí Maromak, tan kmanek Nia halo;

          Rai ikus rai ulun tada lia ne’e.

          Sião rai na’in hawelok haksolok

          Tan Santo Israel bo’ot liu imi le’et. Refrão

 

Segunda Leitura                                                                                                                                              Flp. 4. 4-7

Lia housi São Paulo nia surat ba ema sira iha Filipos:

Maun alin sira, haksolok nafatin tuir Na’i Maromak hakarak! Ha’u dehan teni: haksolok ba! Ha’u hakarak atu ema hotu-hotu hatene imi nia laran luak Na’i besik ona. Keta ta’uk buat ida. Maibe, iha imi nia hahalok tomak, sei hamulak no harohak hodi hasa’e agradeçe, atu imi nia hakaran bele to’o Maromak futar oin. Hafoin, Maromak nia dame, dame ne’ebe ita ema hanoin la to’o, sei hametin imi laran imi neon, tuir Jesus Cristo.

Maromak Futar Lia.

 

Aclamação                                                                                                                                                              Is. 61, 1

Refrão : Aleluia, Aleluia!! Repete-se

Na’i Espírito horik ho ha’u haruka lia foun ba ki’ak sira. Refrão

 

Evangelho                                                                                                                                                       Lc. 3. 10-18

Na’i Jesus Cristo nia Evangelho nu’udar São Lucas haktuir:

Iha tempo ne’eba, ema sira husu ba João Baptista: “Ami sei halo sá lós?” João hatan ba sira: “Ema ne’ebe iha hena tahan rua, fahe ho maluk ne’ebe la iha. Ema ne’ebe iha ai han, halo mós nune’e”. Ema Publicano sira mós mai hotu atu simu baptismo. Sira husu ba João: “Mestre, ami sei halo sá lós?” João hatan ba sira: “Imi keta husu imposto liu, ida ne’ebe estado haruka husu”. Soldados sira mós, husu ba Nia: “Bé, ami sei halo lós sá?” João hatan ba sira: “keta hanehan, keta kesar le’et ema ida. Ho laran, simu de’it imi nia kolen”. Tan povo hein namanas Maksoin, sira hanoin iha sira laran keta João mak Messias. Tan ne’e João ko’alia dehan: “Ha’u sarani imi ho wé, maibe, atu to’o mai ona ema ida maka’as liu ha’u; Ha’u sei la soi atu kore nia sapato talin, Nia sei sarani imi hodi Espírito Santo no ahi. Nia mak kaer ai knaar atu saar halo mós Nia klobo, hodi halot nia haré iha hoka. Maibe, Nia sei sunu tiha háre kain iha ahi ida la mate mohu”. Ho lia hirak ne’e no lia seluk tan, João haklaken lia foun ba povo.

Lia Maksoyn.

Leave a Reply

Your email address will not be published. Required fields are marked *