shadow
Diocese de Dili > NOTÍCIAS > LETURA DIÁRIA > Segunda-Feira, III Semana Iha Tempo Advento (ANO C)

Segunda-Feira, III Semana Iha Tempo Advento (ANO C)

Primeira Leitura                  Gen. 49. 8-10

Lia housi Livro Génesis:

Iha loron hirak ne’eba, Jacob bolu nia oan sira hodi dehan ba sira: “Imi halibur áan hamutuk hodi rona, Jacob nia oan sira, rona Israel, imi aman. Judá, ó nia maun alin sira sei hahí ó, ó nia liman sei todan iha ó nia funu baluk sira ulun fohon, ó aman nia oan sira sei hakru’uk iha ó nia oin. Judá, ó hanesan leão nurak ida. Ha’u oan, ó fila ona housi soro fatin lori ho naan ruma ó hetan!  Nia hoku tiha, halolo-áan tiha hanesan asu fuik leão aman ka hanesan leão inan; sé lós sei haka’as nia atu hamriik? Oé ukun sei la halai housi Judá, oé comando la sai housi nia ain sira le’et, to’o loron hi’it áan mai Ida ne’ebe iha direito. Povo sei halo tuir nia”.

Maromak Futar Lia.

 

Salmo Responsorial                                                                                                   Sal. 71(72). 2, 3-4AB, 7-8, 17

Refrão : Iha Na’i Nia loron justice no dame sei moris ba nafatin!!! Repete-se

  • Maromak, haraik ba liurai kbi’it atu tesi lia,

          Haraik Ita nia justíça ba liurai oan.

          Nia sei ukun Ita nia povo ho justíça,

          Ukun Ita nia ema ki’ak sira halo hanesan. Refrão

 

  • Housi foho sira sei mai dame ba Ita Nia povo,

          Housi foho oan sira sei mai justíça.

          Nia sei tulun ema sira be haraik áan,

          Sei soi mós ema ki’ak sira oan. Refrão

 

  • Ami hahi ita Nia futar naran nafatin;

          Sei hanoin Nia nafatin hanesan loron nia roman.

          Iha Nia, povo sira tomak hetan bensa;

          Nação sira hot-hotu sei dehan Nia di’ak tebes. Refrão

 

Aclamação                                                                                                    

Refrão : Aleluia Aleluia Aleluia!! Repete-se

                  Matenek leten Áas nian be ukun buat hotu ho kbi’it no laran maus,

                  hi’it áan mai hanorin ami dalan maksoin. Refrão

 

Evangelho                                                                                                                                                          Mt. 1. 1-17

Na’i Jesus Cristo nia Evangelho nu’udar São Mateus haktuir:

Jesus Cristo David nia oan, Abraão nia oan, Ninia bei-ala sira: Abraão hahoris Isaac, Isaac hahoris Jacob, Jacob hahoris Judá ho nia maun alin sira. Judá housi Tamar, hahoris Peres no Zera. Peres hahoris Hesrom. Hesrom hahoris Rame. Rame hahoris Aminadab. Aminadab hahoris Nachon. Nachon hahoris Salmon. Salmon housi Raab, hahoris Booz. Booz housi Rute, hahoris Obed. Obed hahoris Jessé. Jessé hahoris Liurai David. David housi Urias nia kaben, hahoris Salomão. Salomão hahoris Roboão. Roboão hahoris Abias. Abias hahoris Asa. Asa hahoris Josafat. Josafat hahoris Jorão. Jorão hahoris Uzias. Uzias hahoris Jotam. Jotam hahoris Acaz. Acaz hahoris hahoris Ezequias. Ezequias hahoris Manassés. Manassés hahoris Amon. Amon hahoris Josias. Josias hahoris Jeconias ho nia maun alin sira, to’o tempo dadur iha Babilónia.

Liu tiha fali tempo iha Babilónia, Jeconias hahoris Salatiel. Salatiel hahoris Zorobabel. Zorobabel hahoris Abiud. Abiud hahoris Eliaquim. Eliaquim hahoris Azur. Azur hahoris Sadoc. Sadoc hahoris Aquim. Aquim  hahoris Eliud. Eliud hahoris Eleázar. Eleázar hahoris matan. Matan hahoris Jacob. Jacob hahoris José, Maria nia la’en, housi Maria moris Jesus, ne’ebe hanaran Cristo, derasaan sanulu resin ha’at.

Lia Maksoyn.

Leave a Reply

Your email address will not be published. Required fields are marked *