shadow
Diocese de Dili > NOTÍCIAS > LETURA DIÁRIA > Quarta-Feira, III Semana Iha Tempo Advento (ANO C)

Quarta-Feira, III Semana Iha Tempo Advento (ANO C)

Primeira Leitura             Jz. 13. 2-7, 24-25ª

Lia housi Livro Juízes:

Iha loron hirak ne’eba, iha mane ida housi rai Soreá, housi família Dã nian, nia naran Manoé. Nia fen la ko’us, la iha oan. Na’i Nia Anjo mosu ba feto ida ne’e hodi hateten ba nia: “Ó la ko’us, la iha oan, maibe ó sei hetan, ó sei tur ahi oan mane ida. Hori ohin ba oin, keta hemu tua baibain, tua alcólica mós lae; ó sei la halo buat ida be fo’er, tamba ó atu hetan oan mane ida. Tudik sei la liu kona nia fuúk, tan sei hasa’e ki’ik oan ne’e ba Maromak housi kedas  nia inan knotak; nia mak sei soi Israel housi Filisteu sira liman”.feto ba fó hatene ba nia la’en: “Ema Maromak nian ida mai ko’alia ho ha’u. nia oin hanesan anjo ida nian, nabilan naroman. Ha’u husu nia mai lós housi ne’ebe, maibe nia la fó hatene sai mai ha’u nia naran. Lia be nia dehan mai ha’u mak ne’e: ‘Ó    sei hetan, sei ko’us oan mane ida. Oras ne’e, keta hemu tua baibain, tua alcólica mós lae, keta han buat ida be fo’er, tamba sei hasa’e ki’ik oan ba Maromak, hahu kedas housi inan nia knotak to’o loron  be nia mate.

Feto ne’e tur ahi oan mane ida be hanaran Sansão. Ki’ik oan bo’ot ba daudaun, Na’i haraik bensa ba nia.

Maromak Futar Lia.

 

Salmo Responsorial.                                                                           Sal. 70(71): 3-4ª,5-6ab,16-17

Refrão : ha’u ibu sei hananu Ita Nia glória!!! Repete-se

  • Na’i nu’udar fatin ida be ha’u subar áan metin,

          Nia ha’u maksoin nia kbi’it.

          Ha’u nia fatuk inan no fatuk hada tahan ha’u,

          Hasai ha’u housie ema fiaer laek sira liman! Refrão

 

  • Na’i, ha’u hein Ita,

          Ha’u fiar Ita hahu ba uluk ha’u sei klosan,

          Hahu ba ha’u moris, Ita fó han ha’u,

          Hahu ba ha’u inan nia knotak, Ita ha’u nia kbi’it. Refrão

 

  • Ha’u ibun sei haklaken Ita Nia graça,

          Haklaken loron loron Ita Nia maksoin.

          Ha’u sei ki’ik oan, Ita dada dalan mai ha’u,

          Ha’u fó hatene nafatin Ita Nia hahalok bo’ot tebes. Refrão

 

Aclamação                                                                                                    

Refrão : Aleluia, Aleluia!! Repete-se

                  Jessé nia Hun, be hari nu’udar sinal iha povo hot-hotu nia oi,

                  hi’it áan mai soi ami,  keta hein kleur.  Refrão

 

Evangelho                                                                                                                                                          Lc. 1. 5-25

Na’i Jesus Cristo nia Evangelho tuir São Lucas:

Iha tempo ne’eba, liurai Herodes ukun rai Judeia, iha sacerdote ida naran Zacarias, housi uma kain Abias nian. Nia féen housi Aarão nia uma kain, naran Isabel. Sira nain rua ema di’ak tebes iha Maromak Nia futar oin; sira halo tuir lolós ukun fuan no ordem Na’i nian. sira la iha oan, tan Isabel la ko’us; sira na’in rua mós otas liu ona.

Wainhira Zacarias halo tuir daudaun nia kna’ar lulik iha Maromak futar oin, tuir ordem grupo nian, monu lós ba nia, tuir lisan sacerdote sira nian, atu tama ba Na’i nia kadunan santo atu sunu incenso. Iha oras atu sunu incenso, povo tomak hamulak daudaun iha liur.

Na’i nia Anjo mosu ba nia, hamriik iha altar incenso nia sorin kuana. Wainhira haré nia, zacarias neon susar, hamta’uk wain. Maibe Anjo hateten ba niaa: “Zacarias, keta ta’uk, tan Maromak rona ó nia hamulak. Ó nia kaben Isabel sei fó oan ida ba ó, ó sei hanaran nia João. Ó sei hetan ksolok wa’in; ema barak sei haksolok ho nia moris. Nia sei bo’ot iha Na’i futar oin, nia sei la hemu tua baibain ka tua alcool; sei nakonu ho Espírito Santo hahu ba inan nia knotak, nia sei lori Israel oan sira barak ba Na’i, nia Maromak. Nia sei la’o iha Na’i futar oin ho Espírito no kbi’it Elias nian, atu lori aman sira fuan ba oan sira, lori mós ema laran  áat sira hanoin tuir ema di’ak atu hadi’a ba Na’i povo ida laran di’ak”.

Zacarias husu ba Anjo: “Maibe oinsá lós ha’u sei hatene buat ne’e, tan ha’u katuas onaaaa, ha’u nia kaben mós otas liu ona?” anjo hatan ba nia, “Ha’u mak Gabriel, horik iha Na’i futar oin: Na’i haruka ha’u mai ko’alia ba ó atu tatoli ba ó liafuan hirak ne’e. Ó sei sai nonok, sei la ko’alia to’o loron ne’ebe buat hirak ne’e mosu, tan ó la fiar iha ha’u nia liafuan ne’ebe sei halo tuir iha nia oras”. Povo hein daudaun Zacarias, sira hakfodak tan nia kle’ur lós iha kadunan santo. Maibe, wainhira sai tiha mai, nia labele ko’alia ba sira; nune’e sira hatene katak niam haré buat ruma iha kadunan santo. Nia fó sinal ba sira, maibe nia nonok nafatin.

Nia loron serviço hotu tiha, zacarias fila ba uma. Tuir fali loron hirak ne’e, nia kaben Isabel ko’us. Iha fulan lima ina laran nia subar áan, hodi haateten; “Na’i halo ona ho ha’u nune’e iha loron ne’ebe NIia hakarak kasu tiha housi ha’u lia moe ne’e iha ema sira le’et”.

Lia Maksoyn.

Leave a Reply

Your email address will not be published. Required fields are marked *