shadow
Diocese de Dili > NOTÍCIAS > LETURA DIÁRIA > Quinta-Feira, III Semana Iha Tempo Advento (ANO C)

Quinta-Feira, III Semana Iha Tempo Advento (ANO C)

Primeira Leitura                       Is. 7. 10-14

Lia housi Livro Isaías:

Iha loron hirak ne’eba, Na’i haruka ba Acaz liaa tatoli ne’e: “Husu sinal ida ba Na’i, ó nia Maromak iha rai horun okos liu eh iha leten áas ba”. Acaz hatan: “ha’u sei la husu ida ne’e, sei la koko Na’i”. Ne’e duni Isaías hateten: “Rona ba uma kain David nian: la to’o ba imi hasusar mós ha’u nia Maromak? Ne’e duni, Nai Maromak rasik sei fó sinal ida; feto ran ida se ko’us hodi tur ahi oan mane ida, ne’ebe sei hanaran ‘Emanuel’.

Maromak Futar Lia.

 

Salmo Responsorial                                                                                                       Sal. 23(24). 1-2, 3-4ab, 5-6

Refrão : Na’i hi’it áan mai, Nia liurai bo’ot tebes. Repete-se

  • Rai no buat hotu iha rai klaran Na’i nian,

          Mundo no hotu be horik iha nia.

          Na’i hari rai klaran iha tasi fohon,

          Hodi hametin nia iha laloran sira leten. Refrão

 

  • Sé lós bele sa’e ba Na’i Nia foho?

          Sé lós bele hela iha Nia uma santo?

          Ema ne’ebe liman la sala no fuan mós;

          Ida ne’ebe la buka bosok. Refrão

 

  • Ema ne’e sei simu Na’i Nia bensa,

          Nia sei hetan kolen housi Maromak, nia maksoin.

          Ema otas ne’e mak buka Na’i,

          Be buka Jacob nia Maromak Nia futar oin. Refrão

 

Aclamação                                                                                                    

Refrão : Aleluia Aleluia!! Repete-se

                  Chave uma kain david nian, be loke odamatan reino rohan la’ek,

                  hi’it áan mai soi sira be moris iha dadur nakukun no iha mahan mate nian.  Refrão

 

Evangelho                                                                                                                                                       Lc. 1. 26-38

Na’i Jesus Cristo nia Evangelho nu’udar São Lucas haktuir:

Iha fulan neen, Maromak haruka Anjo Gabriel ba knua ida Galileia nian, naran Nazaré, ba feto ran ida ne’ebe hakotu tiha ona ba mane ida naran José, housi david nia uma kain; fetoran ne’e naran Maria. Tama tiha iha uma, Anjo dehan: : “Rahun di’ak feto kmanek wa’in tebes! Na’i ho Ita!” Rona tiha lia ne’e, nia laran taridu hodi husu ba nia áan rasik cumprimento ne’e katak sá lós. Anjo dehan ba nia: “Keta ta’uk, Maria; basá ó hetan rahun di’ak tebes iha Maromak futar oin. Ó sei ko’us no tur ahi oan mane ida. Ó sei hanaran nia ‘Jesus’. Nia sei sai ema bo’ot; ema sei hanaran Nia Na’i  áas liu hotu nia oan. Na’i Maromak sei haraik ba Nia, nia aman David nia ukun. Nia sei ukun Jacob nia uma kain ba nafatin; nia ukun sei rohan la’ek”. Maria husu ba Anjo: “Ne’e sei sai oinsá lós, basá ha’u la hola mane?” Anjo hatan ba nia dehan: “Espírito Santo sei tun ba ó no Na’i áas liu hotu nia kbi’it sei hamahan ó. Tan ne’e, Santo ne’ebe atu moris sei hanaran Áan ‘Maromak nia Oan’. Ó nia feto maluk Isabel mós ko’us tiha oan mane ida, maske ferik ona. Ida ne’ebe ema dehan la ko’us, nia ko’us fulan neen ona; basá, ba Maromak, buat ida la susar”. Maria dehan: “Ne’e sá, Na’i, atan oan mak ne’e. Halo tuir Ita liafuan ba!” hafoin Anjo husik nia.

Lia Maksoyn.

Leave a Reply

Your email address will not be published. Required fields are marked *