shadow
Diocese de Dili > NOTÍCIAS > LETURA DIÁRIA > Sexta-Feira, III Semana Iha Tempo Advento (ANO C)

Sexta-Feira, III Semana Iha Tempo Advento (ANO C)

Primeira Leitura                   Cânt. 2. 8-14

Lia housi Livro Cântico dos Cânticos:

Ne’e mak ha’u doben  nia lian! Nia mai daudaun, haksoit iha foho boot sira, iha foho oan sira leten. Ha’u nia doben hanesan gazelaida, eh hanesan (rusa inan ida) corça nia oan ida. Nia iha fatuk hada kotuk neba, haré hela housi janela, hamoit housi grade sira leet. Ha’u nia doben foti lian dehan mai ha’u: Hader ba, ha’u domin, ha’u nia aifunan furak mai ne’e, rai malirin liu ona, udan hotu ona, ba ona. Aifunan mosu iha rai fohon, tempo knananuk nian to’o ona, iha ita nia to’os laran sira lakateu lian. Ai figuera fó fuan foun, to’os uvas nian funan morin ba morin. Hader ba, ha’u domin; ha’u nia aifunan furak mai ne’e. Ha’u nia manu falur, subar-an iha fatuk kuak sira, iha railolon naruk, hatudu ó nia oin mai ha’u;  husik  ha’u rona ó lian, ó nia lian midar, ó nia oin furak”.

Maromak Futar Lia.

 

Salmo Responsorial                                                            Sal. 32(33). 2-3, 11-12, 20-21 (R. 1ª, 3ª)

Refrão : Ema lós sei haksolok iha Na’i; hananu ba Nia knananuk foun ida!!! Repete-se

  • Fó agradece ba Na’i,

          Baku baba  dere teu atu hahi ita nia Maromak!

          Hananu knananuk foun ida,

          Haklalak ba Nia ho ksolok. Refrão

 

  • Na’i nia hanoin lós metin ba nafatin,

          Housi otas ba otas, Nia laran hanoin.

          Ksolok ba povo be fiar iha Na’I, ba nia Maromak,

          Povo be Nia hili ba Nia lima-rohan. Refrão

 

  • Ita nia klamar hein Na’i Maromak,

          Nia tahan ita, Nia sadi’a ita.

          Na’i, ita nia ksolok hun,

          Ita fiar tomak iha Na’i futar naran. Refrão

 

Aclamação                                                                                                    

Refrão : Aleluia, Aleluia!! Repete-se

                  Emanuel, ami nia Liurai no ukun na’in, esperança povo hotu nian,

                  Maksoyn mundo nian, hi’it-An mai soi ami, Na’i, ami Maromak. Refrão

 

Evangelho                                                                                                                                                       Lc. 1. 39-45

Na’i Jesus Cristo nia Evangelho nu’udar São Lucas haktuir:

Iha loron hirak neba, Maria hi’ita-an lalais tebes ba foho, ba cidade ida iha Judá. To’o tiha Zacarias uman, nia cumprimenta Isabel. Rona Maria cumprimenta, kosok-oan book-an iha knotak ho ksolok. Isabel neon nakloke tomak ba Espírito Santo, hauélok haksolok foti lian, dehan: “Ita rahun-di’ak liu feto hot-hotu! Ita oan kmanek liu! Be ha’u sé lós, atu ha’u Na’i nia inan hi’it-an mai ha’u uman? Basá, ita cumprimenta tiha ha’u, kosok-oan book-an kedas ho ksolok iha ha’u knotak. Rahun-di’ak ba feto nebe fiar katak lia hotu sei sai tuir nu’udar Na’i hateten!”

Lia Maksoyn.

Leave a Reply

Your email address will not be published. Required fields are marked *