shadow
Diocese de Dili > NOTÍCIAS > LETURA DIÁRIA > Terça-Feira, III Semana Iha Tempo Advento (ANO C)

Terça-Feira, III Semana Iha Tempo Advento (ANO C)

Primeira Leitura                      Jer. 23. 5-8

Lia housi Livro Jeremias:

Na’i lia tun: “loron sei to’o, Ha’u sei halo moris ba David tubun lós nian ida. Nia mak sei sai liurai lolós, sei ukun ho matenek nia lalaok iha nia rain, tuir direito no justíça. Iha nia loron, reino Judá sei hetan maksoin, reino Israel sei moris ho laran metin. Ne’e naran ne’ebe sira sei tau ba nia: ‘Moris na’in ne’ebe halo Israel oan sira sai housi Egipto’, maibe hateten: ‘Moris Na’in ne’ebe halo sai no fila fali bei-oan  sira kona ba uma kain Israel nian, housi rai Norte nian no mós housi rai tomak iha ne’ebe sira la’o namkari atu sira bele hetan ha sira rain’ ”.

Maromak Futar Lia.

 

Salmo Responsorial                                                                               Sal. 71(72). 1, 12-13, 18-19

Refrão : Iha Na’i Nia loron, justíça no dame sei moris ba nafatin!!! Repete-se

  • Maromak, haraik ba liurai kbi’it atu tesi lia,

          Haraik Ita nia justíça ba liurai oan.

          Nia sei ukun Ita nia povo ho justíça,

          Ukun Ita nia ema ki’ak sira halo hanesan. Refrão

 

  • Nia rona ema ki’ak sira hakilar;

          Tulun ema neon susar sira be la hetan tulun.

          Sei sadia ema kbi’it la’ek no hatraik áan sira,

          Sei soi ema ki’ak sira niam moris. Refrão

 

  • Na’i, Israel nia Maromak, di’ak tebes,

          Nia mesak de’it halo buat foun.

          Nia futar naran Santo bo’ot ba nafatin.

          Nia glória nakonmu iha rai klaran tomak. Refrão

 

Aclamação                                                                                                  

Refrão : Aleluia, Aleluia!! Repete-se

                  Ulun uma kain Israel nian ne’ebe haraik ukun fuan ba  Moises iha Sinai,

                  hi’it áan mai soi ami ho Ita liman nia kbi’it.  Refrão

 

Evangelho                                                                                                                                                       Mt. 1. 18-24

Na’i Jesus Cristo nia Evangelho nu’udar São Mateus haktuir:

Jesus Cristo moris nune’e: Ema hakotu ona Maria, Jesus Nia inan ba José. Molok sira moris hamutuk, Maria ko’us tiha ona hodi Espírito Santo nia kbi’it. Nia la’en José, ne’ebe ema laran lós, lakohi hamoe Maria, hanoin atu husik de’it nia. Nia hanoin daudaun nune’e, wainhira Na’i nia Anjo mosu ba nia iha mehi dehan: “José, David nia oan, keta ta’uk simu Maria nu’udar ó nia kaben, basá nia ko’us hodi Espírito Santo nia kbi’it. Maria sei tur ahi oan mane ida, ó sei hanaran nia, Jesus, basá Nia mak sei soi povo housi sala”. Ne’e hotu mosu atu halo tuir lia ne’ebe Na’i hato’o housi profeta dehan: “Feto ran ida sei ko’us no tur ahi oan mane ida ne’ebe ema sei hanaran ‘Emanuel’, katak ‘Maromak ho ita’. Tuir Na’i nia Anjo haruka, hader mai, José ba hola kedas nia noiva ba uma.

Lia Maksoyn.

Leave a Reply

Your email address will not be published. Required fields are marked *