shadow
Diocese de Dili > NOTÍCIAS > REFLEXÃO > LOKE FUAN BA MAROMAK “ba Maromak buat ida la susar” (Lc 1,38).

LOKE FUAN BA MAROMAK “ba Maromak buat ida la susar” (Lc 1,38).

Senhor ida naran Harianto ema indonésio, haktuir nia esperiência fiar nian ida hanesan tuir mai. Nia serviço iha ofício estado nian ida no nia hetan successo boot iha nia serviço fatin nee. Liu tiha tinan balu nia laran, nia kazamentu ho nia fen-kaben naran Lestari. Senhora Lestari nee ema protestante ida. Sira nain rua ikus mai decide atu simu sacramento matrimónio tuir ritual Católico nian. Simu tiha sacramento kaben, sira hahu moris foun. Iha sira nia uma kain mos la kuran buat. Sira ba serviço loro-loron hanesan baibain no sira mos la haluha cumpri sira nia fiar hanesan ema sarani. Senhora Lestari mos começa aprende no hatoman-an ho cerimónia ritual Igreja Católica nian basá, uluk nia ema protestante ida.

Liu tiha tinan tolu sira hahu enfrenta problema ida. Problema nee nia hun mak maske sira casamento ona maibé, too momento nee mos sira seidauk hetan oan. Sira nain rua ikus mai decide atu ba konsulta iha hospital. Rezultado ikus hatudu katak sira nain rua nia saude la diak atu sira bele hetan oan. Dignosa doutor nian nee halo sira sente desespero ka putus asa tan sira kal la hetan duni oan ona.

Hasoru problema hanesan nee, sira entrega buat hotu ba Maromak. Sira continua moris hanesan família Católica ida no sira hahu halo novena ba nain feto, além de nee, sira mos ba vizita santuário nain feto nian iha fatin barak.

Maromak rona duni sira nia harohan hodi hatan sira nia orasaun; liu tiha tinan haat depois de diagnosa nee, senhora Lestari isin rua no ikus mai kous duni oan feto ida. Família senhor Hariyanto nian sente katak sira nia fiar no mos sira nia orasaun durante nee la saugate ida. Maske diagnose katak sira sei la bele hetan oan maibé liu husi orasaun, Maromak halo milagre no sira bele hetan duni oan feto ida. Ida nee hanesan milagre ida nebe ita ema la espera no ita mos la bele esplica ho ita nia kakutak racional*.

 

Istória hanesan nee, laos buat bosok ida maibé, nee istória kiik ida husi realidade barbarak nebe além de acontece ba família senhor Hariyanto ho senhora Lestari, bele mos acontece ba ita lobuk ida iha ita nia vida hanesan sarani Católico. Lição murak nebe ita bele aprende hosi istoria badak nee mak; entrega ita nia susar no terus tomak ba Maromak basá, ba Maromak buat ida la susar wainhira ita tau ita nia confiança iha deit Maromak. Tanba nee mak iha Evangelho são Lucas domingo semana nee, ita sei rona anjo nia lian be dehan; ba Maromak buat ida la susar. Loos duni maluk sira. Nudar ema sarani, anjo Gabriel nia lia murak nee hafanun ita hodi neon nain, reza no se tilun ba Nai Maromak Nia lian deit mak ita bele hetan tulun hosi  Maromak ba plano salvação Maromak nian bele acontece iha mundo nee.

 

Mistério encarnação acontece wainhira feto ran ida naran Maria, ho disponibilidade tomak hatan Maromak nia convite hodi sai hanesan inan ba Maksoin. Fofoun Maria dúvida ho graça ida nee tan razão cultural balu. Hahu ho diálogo badak nebe Maria halo ho anjo São Gabriel, sentimento dúvida ho mensagem husi anjo maibé ikus mai Maria fo resposta lolos hodi dehan; “Nee sa Nai atan oan mak nee, halo tuir Ita hakarak ba (Fiat voluntas Tua)”.

Ita bele justifica katak Nain Feto nia lian hatan nee sai hanesan ponto determinante ba história boot cristianismo nian maske horas nee cristianismo mosu ho sanak no dikin oioin.  Nain Feto nia lian hatan laos passiva maibé nakonu ho entusiasmo. Maria la foti resposta nee hodi halekar–An ba ema barak maib’e basea ba relato são Lucas niandehan: Maria rai buat hirak nee nonok deit iha nia laran.

Nudar feto foin sae, certamente Maria la bele compreende hotu kedas sentido husi mistério hirak nee. Ba Maria buat nebe importante liu mak rona no  halo tuir Maromak nia hakarak sira. ba ida nee, São Lucas hatete; barang siapa setia dalam perkara perkara kecil, ia setia dalam perkara perkara besar. Dan barang siapa tidak benar dalam perkara-perkara kecil, ia tidak benar juga dalam perkara-perkara besar //Quem é fiel no pouco também é fiel no muito; e quem é infiel no pouco também é infiel no muito (Lc 16:10).

Reflecte ba citação Bíblica nee, São Lucas loke ita ia neon katak; los duni maske Nain Feto la compreende hotu kedas buat nebe anjo hatoo ba Nia maibé, ninia fidelidade/kesetiaan mak halo Nain Feto cumpri tuir deit buat hotu nebe anjo tatoli basá, Maria mos laran metin iha anjo nia lia tatoli nebe dehan;” «Maria, não temas, pois achaste graça diante de Deus// “Jangan takut, hai Maria, sebab engkau beroleh kasih karunia di hadapan Allah”. (Lc 1,30).

Lia menon ida nee mak Nain Feto kaer metin durante nia moris tomak nudar Maromak inan. Buat barak mak nia la compreende relaciona ho mistério salvação nee. Maria nia dúvida uluk liu mak wainhira nia hatan ba anjo hodi dehan:“nee sei sai oinsa? Se hau la hola mane? Dúvida seluk mak wainhira Jesus lakon tiha iha Jerusalem no wainhira Maria ho São José hetan fali, Jesus hatan ho lia makas dehan:”imi la hatene katak Hau tenke horik iha Hau Aman nia uma?”, iha ocasião seluk, Jesus nega nia família sira dehan:”Hau nia inan-aman mak hirak nebe rona no halo tuir buat nebe Hau haruka”, biban seluk tan Maria sente fuan kanek liu tan wainhira ema hedi Jesus iha Cruz tutun hanesan naok ten. Buat hirak nee hotu, Maria simu no rai nonok deit iha nia fuan laran. Buat ida deit mak halo Maria consciente tebes katak; Maria hetan vocação hodi participa iha plano salvação Maromak nian.

Ex pastor protestante ida nebe horas nee sai ona Católico; naran SCOT HAN iha ninia livro kona ba relação Aliança Tuan ho Aliança entre Maromak ho ema, hakerek dehan; Iha aliança tuan Maromak uza arca da aliança hodi tau/coloca lei mosaica eh ukun fuan Maromak nian iha neba. Arca da aliança nee sai hanesan símbolo presença Maromak nian ao mesmo tempo matadaln hodi conduz ema israel sira nia lalaok lor-loron.

Scot Han iha ninia reflexão hakerek katak; Maria mak Arca da aliança foun. Nudar ita lee no rona iha prólogo Evangelho são João nian,  hatee Lia Fuan ho Maromak, Lia fuan mak Maromak (o Verbo estava em Deus; e o Verbo era Deus (Jo 1,1)). Lia fuan nee duni mak mai hola isin hanesan Ema hodi hahu moris husi Maria Virgem nia knotak.

 

Tanba nee mak ita rona iha segunda leitura Domingo semana nee husi carta ba Hebreu sira nebe cita fali husi Salmo 40,7-9 kona ba Maromak nia vontade hodi la simu tan sacrifício animal sira nian hodi kasu salan. Carta ba Hebreu descreve liu tan katak; Ita la simu ona sacrifício no buat karan seluk; maibé, Ita halo isin ida mai Hau. Ita laran la monu ona ba balada ema oho hodi selu sala nia tusan, <<…>> hau mak nee, <<…>> Hau mai ona atu halo tuir ita hakaran; too ponto ida nee, Maria nebe Maromak hili hanesan arca da aliança foun hatan ba anjo nia mensagem hodi dehan; Nee sa Nai atan oan mak nee, halo tuir deit Ita hakaran ba.

 

Buat nebe autor sagrado carta ba Hebreu hakarak hatoo mak; Jesus oferece-an nudar sacrifício lulik, dala ida no ba nafatin. Iha Cristo nia-An, sacrifício nebe lei judaica haruka hanesan oho animal hodi kasu sala, halakon tiha hodi troca fali ho sacrifício Cristo nia-An rasik iha Cruz tutun no continua iha altar santo iha Sacramento Eucaristia.

 

Ho acontecimento Jesus moris iha rai Belém nudar cumprimento husi momento Maromak hola isin hanesan ema iha Cristo Jesus ba salvação Nia emar sira. Passagem Evangelho Domingo semana nee nudar continuação husi lia ksolok nebe anjo ba tatoli ba Maria.  Anjo fo hatene katak Maria sei hakous kosok oan Jesus ho Espírito Santo nia graça. Iha biban tuir mai, Maria hiit-an ba visita kedas nia prima santa Izabel iha rai Jud’a nian. Isabel simu Maria nia presença ho laran ksolok basá, ida nee laos visita familiar maibé, Isabel sente ida nee hanesan visita extra oridnário ida.

Nudar haktuir iha Evengelho dehan: Isabel rona Maria nia cumprimenta, kosok oan book-an kedas  iha nia knotak o ksolok. Isabel neon nakloke tomak ba Espírito Santo, hawelok haksolok foti lian, dehan:”Ita rahun diak liu feto hothotu ita Oan kmanek liu! Be hau se los, atu hau nia Nai nia inan hiit-an mai hau uman? Basá rona ita nia cumprimenta kosok oan book-an iha hau knotak”. 

Soru mutuk entre Maria ho Isabel nee, sai hanesan inspiração boot ba ema hotu. Ohin loron ema tau caricatura ho imagem oioin kona ba visita ksolok Maria nia ba Isabel iha Judá. Viagem ho quilómetro ± 6 nee, ladun seguro ba feto ran hanesan Maria maibé, graça Maromak nian acompanha Maria durante fulan 6 iha neba molok ila fali mai nia fatin.

Buat nebe luar biasa husi figura Maria ho Isabel iha Evangelho Domingo semana nee mak; sira hakous ho situação ida nebe la normal. Tenik la normal eh la hanesan baibain, tanba Isabel kous iha idade nebe ferik dadaun ona, ao passo que Maria kous iha momento nebe nia seidauk conhece mane. Maibé, desta vez, sira nain rua nia história nee hamosu fali figura importante rua iha historia fiar Cristão nian. Isabel ikus mai hahoris João Baptista nudar mensageiro Maromak nian, no Maria kous Jesus Cristo nudar maksoin mundo nian (ignas). Feliz Natal

Leave a Reply

Your email address will not be published. Required fields are marked *