shadow
Diocese de Dili > NOTÍCIAS > LETURA DIÁRIA > Missa Natal Kalan Na’i nian

Missa Natal Kalan Na’i nian

Primeira Leitura                        Is. 62. 1-5

Lia housi Livro Profeta Isaías:

Tan Sião, Ha’u ibun sei la taka. Tan Jerusalém, Ha’u sei la hakmatek to’o oras nebé, nia justiça ladauk nabilan hanesan rai-hun mutin, eh nia Maksoyn ladauk naroman hanesan áhi-knulu. Iha oras ne’e de’it, mak rai-rai sei haré ó nia justiça, eh liurai hot-hotu sei hare ó nia kbiit. Sira sei tau ba ó, naran foun ida, mai housi Maromak. Iha Na’i futar liman, ó belak mean nabilan; Iha Maromak futar liman, ó kaibauk liurai. Ema sei la bolu tan ó “Ema feto-sóe nian”, ema sei la bolu tan ó rain “Rai fuik-maran”. Maibé, ema sei hanaran ó “Ha’u doben”; Ema sei hanaran ó rain “Rai ho folin”. Basá, ó rain sei hetan Na’in ida. Nu’udar mane klosan hola fetorán, nune’e mós ó nia Na’in sei simu ó. Nu’udar feto kabe-na’in fo ksolok ba nia la’en, nune’e mós ó nia Maromak sei haksolok ho ó.

Maromak Futar Lia.

 

Salmo Responsorial                                                                                                          Sal. 88, 4-5; 16-17; 27-29

Refrão : Ha’u hananu ba nafatin Na’i nia laran luak!!! Repete-se

  • Hananu ba nafatin Na’i nia laran luak.

          Housi bei ba bei-oan tatoli Na’i nia laran mós.

          Nia hateten: “Rahun-di’ak ba nafatin,

          Iha lalehan okos, ema sei laran metin”. Refrão

 

  • Rahun di’ak ba Povu nebé hatene hahí Ita Boot;

          Nia sei la’o iha Ita Boot futar oin.

          Kalan-loron sei haksolok ho Ita Boot naran,

          Nia hahí-an ho Ita Boot nia Justiça. Refrão

 

  • Nia sei temi Ha’u naran:

          ‘Ita Boot ha’u Aman, ha’u nia Maromak, ha’u nia Maksoyn!’

          Ha’u sei tulun nia nafatin,

          Ha’u nia aliança sei rohan laek! Refrão

 

Segunda Leitura                                                                                                                          Act. 13, 16-17; 22-25

Lia housi livro Apóstolo sira nia hahalok:

Iha loron hirak nebá, Paulo ba to’o Antioquia, Pisídia nian. loron ida nia tama Sinagoga, nia hamríik, foti liman, dehan: “Israel oan sira, imi sira hotu nebé hamta’uk Maromak rona mai: Maromak povo Israel nian, fihir ita nia bei-ala sira, tulun povo ne’e sai boot tebes, wainhira sira hôrik iha rai Egipto. Hafoin, Maromak ho kbiit wa’in, hasai tiha sira housi nebá. Ikus mai, Maromak foti David ba Liurai. Kona ba David, mak Maromak sasin lia ida ne’e: ‘Ha’u hetan ona David, Jessé nia oan; nia, mane ida nebé monu lós ba Ha’u laran; nia mak sei halo tuir Ha’u hakaran tomak.” Housi David nia bei-oan sira, mak Maromak hili ba Israel, Maksoyn ida, mak Jesus, nebé nia hakotu nanis lia atu haraik. Jesus seidauk mai, João Batista fó hatene sai ona ba Povo Israle tomak atu hakribi salan. Molok atu hotu nia knar, João hateten: “Ha’u laós Ida nebé imi hanoin. Maibé, sei to’o mai ema seluk ida, nebé, ha’u sei la soyn atu koré Nia sapato talin”.

Maromak Futar Lia.

 

Aclamação

Refrão : Aleluia, Aleluia!! Repete-se

                  Iha loron ida ne’e, salan sei lakon iha mundo rai-klaran:

                  Ita Maksoyn mak sei ukun. Refrão

 

Evangelho                                                                                                                                                          Mt. 1, 1-25

Na’i Jesus Cristo nia Evangelho nu’udar São Mateus haktuir:

Na’i Jesus Cristo nia bei-ala sira: Jesus mai housi David, uma-kain Abraão nian. abraão hahoris Isaac, Isaac hahaoris Jacob; Jacob hahoris Judá ho nia alin sira; Judá ho Tamar hahoris Farés ho Zara; Fares hahoris Esrom, Esrom hahoris Arão; Arão hahoris Aminadab, Aminadab hahoris Naásson; Naásson hahoris Sálmon; Salmon ho Raab hahoris Booz, Booz ho Rute hahoris Jobed; Jodeb hahoris Jessé; Jessé hahoris Liurai David; David ho Urias nia fén hahoris Salomão; Salomão hahoris Roboão, Roboão hahoris Abias; Abias hahoris Asa, Asa hahoris Josefat; Josefat hahoris Jorão, Jorão hahoris Ozias, Ozias hahoris Joatão, Joatão hahoris Acas; Acas hahoris Ezequias, Ezequias hahoris Manassés; Manassés hahoris Amos, Amos hahoris Josias; Josias hahoris Jeconias ho nia alin sira iha tempo dadur iha Babilónia. Tempo dadur iha Babilónia liu tiha, Jeconias hahoris Salatiel, Salatiel hahoris Zorobabel; Zorobabel hahoris Abiud, Abiud hahoris Eliacim; Eliacim hahoris Azor, Azor hahoris Sadoc; Sadoc hahoris Aquim, Aquim hahoris Eliud; Eliud hahoris Eleazar, Eleazar hahoris Matã, Matã hahoris Jacob, Jacob hahoris José, Maria nia la’en. Maria ida nebé hahoris Jesus, ema bolu CRISTO. Nune’e housi Abraão to’o David, otas sanulu resin haat housi David to’o tempo dadur iha Babilónia, otas sanulu resin haat, housi tempo dadur iha Babilónia to’o Cristo, otas sanulu resin haat. Jesus Cristo moris nune’e: José husu nanis ona ba noiva, Maria Jesus nia inan. Maibé, molok sira moris hamutuk, Maria ko’us tiha ona hodi Espírito Santo nia kbiit. Maibé, José Maria nia noivo, tan nia ema Santo, lakohi hamoe Maria; tan ne’e, nia hanoin sóe nonok de’it Maria. Sei hanoin hela nune’e, José mehi katak Maromak nia Anjo ida mosu ba nia hodi dehan: “José, David nia oan, keta ta’uk simu ó nia noiva Maria, basá, nia ko’us hodi Espírito Santo nia kbiit. Maria sei hahoris Oan ida: Ó sei hanaran Nia JESUS. Basá, Nia mak sei kasu povu nia sala”. Ne’e hotu sai tuir liafuan nebé Maromak dehan housi Profeta: “Feto virgem ida sei ko’us, sei hahoris Oan ida; Oan ne’e ema sei hanaran EMANUEL, katak, Maromak hamutuk ho ita”. Tuir Na’i nia Anjo haruka, hader ho hader, José ba hola kedas nia noiva ba uma. Maski José ladauk hamutuk ho nia, Maria hahoris oan ida. José hanaran Oan ne’e, JESUS.

Lia Maksoyn.

 

Evangelho (Forma Breve)                                                                                                                        Mt. 1, 18-25

Na’i Jesus Cristo nia Evangelho nu’udar São Mateus haktuir:

Na’i Jesus Cristo nia bei-ala sira: Jesus mai housi David, uma-kain Abraão nian. abraão hahoris Isaac, Isaac hahaoris Jacob; Jacob hahoris Judá ho nia alin sira; Judá ho Tamar hahoris Farés ho Zara; Fares hahoris Esrom, Esrom hahoris Arão; Arão hahoris Aminadab, Aminadab hahoris Naásson; Naásson hahoris Sálmon; Salmon ho Raab hahoris Booz, Booz ho Rute hahoris Jobed; Jodeb hahoris Jessé; Jessé hahoris Liurai David; David ho Urias nia fén hahoris Salomão; Salomão hahoris Roboão, Roboão hahoris Abias; Abias hahoris Asa, Asa hahoris Josefat; Josefat hahoris Jorão, Jorão hahoris Ozias, Ozias hahoris Joatão, Joatão hahoris Acas; Acas hahoris Ezequias, Ezequias hahoris Manassés; Manassés hahoris Amos, Amos hahoris Josias; Josias hahoris Jeconias ho nia alin sira iha tempo dadur iha Babilónia. Tempo dadur iha Babilónia liu tiha, Jeconias hahoris Salatiel, Salatiel hahoris Zorobabel; Zorobabel hahoris Abiud, Abiud hahoris Eliacim; Eliacim hahoris Azor, Azor hahoris Sadoc; Sadoc hahoris Aquim, Aquim hahoris Eliud; Eliud hahoris Eleazar, Eleazar hahoris Matã, Matã hahoris Jacob, Jacob hahoris José, Maria nia la’en. Maria ida nebé hahoris Jesus, ema bolu CRISTO. Nune’e housi Abraão to’o David, otas sanulu resin haat housi David to’o tempo dadur iha Babilónia, otas sanulu resin haat, housi tempo dadur iha Babilónia to’o Cristo, otas sanulu resin haat.

Lia Maksoyn.

Leave a Reply

Your email address will not be published. Required fields are marked *