shadow
Diocese de Dili > NOTÍCIAS > LETURA DIÁRIA > Segunda-Feira, IV Semana Iha Tempo Advento (ANO C)

Segunda-Feira, IV Semana Iha Tempo Advento (ANO C)

Primeira Leitura            2Sam. 7. 1-5, 8b -12, 14ª, 16

Lia housi segundo livro Samuel nian

Iha tempo nebe David hôrik ona iha nia uma; Na’i haraik ba nia moris hakmatek iha funu baluk sira hotu leet. Liurai dehan ba profeta Natã: “Ó haré ba, ha’u moris iha uma ida halo ho ai cerdo, maibe, Maromak Nia ai-balun (arca) hela lerek iha batane (takabaluk) ida nia okos”. Natã dehan ba liurai: “Ba, halo tuir buat hotu be ó laran husu ba ó tanba  Na’i hela ho ó!”

Maibe iha kalan ne’e duni, Na’i lia tun ba Natã, dehan: “Ba hateten ba Ha’u atan David: Na’i ko’alia nune’e: Ó mak atu halo uma kadunan ida atu Ha’u hela ba? Ha’u hasai ó housi rai no serbisu hein bibi nian, atu ó sai Ha’u Nia povo Israel nia na’i ulun. Ha’u hamta’uk ho ó iha fatin nebe o la’o ona, Ha’u halakon iha ó nia oin ó nia funu baluk sira hotu. Ha’u sei halo ó naran sai boot, hanesan embo’ot sira naran iha raiklaran. Ha’u sei hatudu fatin ida ba Ha’u nia povo Israel, iha nebe sira sei hela metin. Ema sei la hasusar sira tan, ema áat sira sei la hanehan tan sira hanesan uluk uainhira Ha’u fihir juiz sira hodi tau iha Ha’u nia povo Israel nia oin. Ha’u sei halo ó moris hakmatek iha ó nia funu baluk sira hotu nia oin; Na’i sei halo ó sai embo’ot no hari uma ida ba ó. Uainhira ó nia moris sei hotu no ema hakoi ó hamutuk ho ó nia inan-aman sira, Ha’u sei hatur iha o nia fatin, oan ida nebe moris housi ó no Ha’u sei hametin ninia ukun liurai. Ha’u sei sai nu’udar Aman ba nia no nia sai nu’udar oan mai Ha’u. Ó nia uma no ó nia ukun liurai sei hela metin iha Ha’u oin nafatin no ó nia trono sei metin tinan ba tinan”.

Maromak Futar Lia.

 

Salmo Responsorial                                                                                      Sal. 88(89). 2-3, 4-5, 27, 29 (R. 2ª)

Refrão : Na’i, ha’u sei hananu ba nafatin Ita laran di’ak!!! Repete-se

  • Ha’u sei hananu nafatin Na’i nia laran luak,

          Housi otas ba otas, ha’u sei fó hatene Nia laran metin.

          Ha’u bele dehan lós:

          Ita laran-luak metin ba nafatin,

          Ita Nia naran mós abut metin iha Lalehan. Refrão

 

  • ‘Ha’u halo ona aliança ho ida nebe Ha’u fihir,

          Ha’u jura ona ba Ha’u nia atan David:

          Ó nia uma-kain sei metin ba nafatin,

          Ó nia ukun sei metin tinan ba tinan’. Refrão

 

  • Nia sei harohan mai Ha’u: ‘Ita, ha’u Aman,

          Ha’u nia Maromak be tulun ha’u.

          Ha’u sei fó tulun ba nia nafatin;

          Ha’u nia aliança ho nia sei rohan laek’. Refrão

 

Aclamação                                                                  

Refrão : Aleluia Aleluia!! Repete-se

                  Loro matan foin sa’e, roman housi Roman rohan laek,

                  Loro matan justiça nian, hi’it-An mai leno sira be moris

                  Iha dadur nakukun no mahan mate nian. Refrão

 

Evangelho                                                                                                                                                        Lc. 1. 67-79

Na’i Jesus Cristo nia Evangelho nu’udar São Lucas haktuir:

Iha tempo neba, Zacarias, João Baptista nia aman, nakonu ho Espírito Santo, ko’alia nu’udar profeta:

“Rahun di’ak ba Na’i, Israel nia Maromak, basá Nia mai haré hodi soi nia povo. Nia foti Maksoi maka’as ida mai ita iha nia atan David nia uma, nu’udar Nia hakotu nanis ona housi nia profeta santo uluk sira ibun. Atu soi ita housi ita nia funu baluk sira no housi sira hotu nebe hirus ita, sira liman, atu hatudu nia laran luak ba ita nia bei ala sira hodi hanoin nia moruk santo: katak, juramento nebe Nia halo tiha ba ita aman Abraão, hodi haraik mai ita atu, sai tiha housi ita nia funu baluk sira liman, ita serbi Nia ho aten barani, ho moris lós no santo iha nia futar oin iha ita nia moris tomak. Ó, kosok oan, ema sei hanaran ó Na’i áas liu hotu nia profeta, basá ó sei ba uluk Na’i atu hadi’a dalan ba Na’i, hodi fó hatene ba Nia povo Nia maksoin, atu sira hetan perdua ba sira nia sala. Tanba ita nia Maromak laran luak teb-tebes, mak naroman housi leten áas sei mai visita ita, atu leno sira nebe tur iha nakukun laran no iha mate nia ukun, hodi lori ita nia ain tuir  dalan dame nian”.

Lia Maksoyn.

Leave a Reply

Your email address will not be published. Required fields are marked *