shadow
Diocese de Dili > NOTÍCIAS > LETURA DIÁRIA > 31 de Dezembro Missa da noite (ANO B)

31 de Dezembro Missa da noite (ANO B)

Primeira Leitura                      Is. 32, 15-18

“O Fruto da Justiça Será a Paz”

Lia housi Surat Isaías nian:

Iha loron hirak nebá, sei tun mai ita Espíritu leten aas nian. Iha oras nebá rai fuik maran sei nakfilak ba rai matak, rai matak sei nakfilak ba ailaran. Iha rai fuik sei hala’o ukun lós, iha rai matak sei moris justiça. Justiça sei hamoris damen. Ukun lós sei fó hakmatek no laran metin tinan b atinan. Ha’u nia povo sei hôrik iha damen nia kadunan, iha hela fatin metin, iha fatin hakmatek.

Maromak Futar Lia.

 

Salmo Responsorial                                                                              Sal. 84(85) 9b-10,11-12,13-14 (R.cf.9b)

Refrão : Na’i hakotu lia damen ba Nia povo!!! Repete-se

  • Los duni, Na’i hakotu liad amen

          Ba nia povo, no sira nebé tuir Nia

          No ba ema hotu nebé ho laran metin fila ba Nia.

          Tebes, Ninia tulun hela nafatin besik sira nebé hahi Nia.

          Ninia glória sei hela iha ita rain. Refrão

 

  • Domin no lialós sei hasouru malu;

          Justiça no damen sei hako’ak malu,

          Lialós sei tubu housi rai

          Justiça sei tun mai housi lalehan. Refrão

 

  • Nia rasik sei lori udan mai

          Ita rain sei fó nia fuan.

          Justiça sei la’o iha nia oin,

          Hahalok lós sei tuir nia ain fatin. Refrão

 

Segunda Leitura                                                                                                                                           Tg. 3. 13-18

“O fruto da Justiça Semeia-se na Paz:

Para Aqueles que Praticam a Paz”

Lia housi Surat São Tiago nian:

Doben sira: Ema ruma matenek no neon na’in iha imi leet? Ne’e sá, nia hatudu ho haraik an halakon di’ak matenek nia hahalok. Maibé, imi rai karik iha imi laran, laran moras no istori malu. Imi keta loko an, hodi bosok hasouru lialós. Ne’e la’os matenek nebé mai housi Maromak. La’e, nia mundo ne’e nian, kbiit la’ek, nia mai housi Demónio. Basá, wainhira iha laran moras no istori malu, mosu mós rungu-ranga no áat oi-oin. Maibé matenek nebé mai housi Maromak, uluk nana’in, nial aran mós; fó dame ema, hatene simu ema no oin na’in, laran sadi’a, hahalok di’ak; la fihir hili ema, la hakfudik. Ema sira nebé serbisu b adamen kuda daudaun fini nebé sei fó fuan justiça no damen ba sira.

Maromak Futar Lia.

 

Aclamação                                                                                                                                        Jo. 16. 13ª. 14. 26d

Refrão : Aleluia, Aleluia!! Repete-se       

                  Wainhira Espírito Santo tun mai.

                  Nia sei lori imi ba lialós tomak no sei fo hanoin

                  buat hotu nebé Ha’u dehan ona ba imi. Refrão

 

Evangelho                                                                                                                                                     Jo. 14. 23-29

Na’i Jesus Cristo nia Evangelho un’udar São João haktuir:

Iha tempo neebá, Jesus dehan ba nia escolanti sira: “Ema nebé hadomi Ha’u sei halo tuir Ha’u Nia Liafuan no Ha’u Aman sei hadomi nia:

Ami sei mai moris iha nia, sei halo nia ami hôrik fatin. Ema nebé la hadomi Ha’u nia la halo tuir Ha’u nia liafuan.

Liafuan mak imi rona la’os Ha’u nian, maibé Aman nebé haruka Ha’u mai ninian.

Ha’u dehan buat hirak ne’e ba imi, wainhira sei hela ho imi. Maibé Ksolok na’in, Espírito Santo, nebé Aman sei haruka mai hodi Ha’u naran, sei hanourin buat houtu ba imi, sei halo imi hanoin buat tomak nebé Ha’u hateten ona ba imi.

Ha’u damen hela ho imi, Ha’u damen fó bá imi. Ha’u la fó bá imi hanesan mundo fó. Imi neon keta taridu, imi laran keta ta’uk. Imi rona sá mak Ha’u dehan ona ba imi: Ha’u bá, maibé sei fila fali hamutuk ho imi.

Imi hadomi karik Ha’u, imi sei haksolok tan Ha’u bá iha Aman, tanba Aman boot liu Ha’u.

Ha’u dehan ne’e ba imi, oras ne’e, molok mosu, atu, wainhira mosu mai, imi fiar”.

Lia Maksoyn.

Leave a Reply

Your email address will not be published. Required fields are marked *