shadow
Diocese de Dili > NOTÍCIAS > LETURA DIÁRIA > Sábado, depois da Epifania (ANO C)

Sábado, depois da Epifania (ANO C)

Primeira Leitura                       1Jo. 5. 14-21

Lia housi São João  nia primeira Surat:

Doben sira: Hanesan ne’e mak ita laran metin ba Maromak: ita husu buat ruma tuir Nia hakarak karik, Nia sei rona ita. Ita hatene katak Nia rona ita nia buat hotu nebe ita husu. Ita hatene mós katak Ita iha ona rahun di’ak nebe ita husu ba Nia. Ema ruma haré karik nia maun-alin halo sala nebe la lori ba mate, nia sei harohan no Maromak sei fó moris ba nia. Ha’u dehan kona ba ema sira nebe halo salan be la lori ba mate. Basá, iha sala nebe lori ba mate, housi ida ne’e ha’u la bele dehan atu ema ida harohan. Moris áat tomak mesak sala, maibe iha sala nebe la lori ba mate. Ita hatene katak ema hotu nebe moris housi Maromak la halo sala, maibe ida nebe Maromak halo moris, hein Nia. Nune’e ema laran áat la bele kona nia. Ita hatene katak ita Maromak Nian, no rai-klaran tomak iha ema laran áat nia ukun. Ita hatene mós katak Maromak Nia Oan mai ona, hanourin tiha ona ita atu hatene didi’ak lialós. Ita iha ona lialós, ita nebe hôrik iha Nia Oan, Jesus Cristo. Ida ne’e mak Maromak lós no moris rohan laek. Ha’u oan sira, imi buka hadook-an housi hahalok áat.

Maromak Futar Lia.

 

Salmo Responsorial                                                                                             Sal. 149.1-2,3-4,5,6ª,9b (R. 4ª)

Refrão : Na’i, hadomi Nia povo!!! Repete-se

  •  Hananu ba Na’i knananuk foun;

            Ema lubun santo nian hahi Nia.

            Israel haksolok iha Maromak,

            Sião nia oan sira iha nia Liurai. Refrão

 

  • Hahi hana’i Nia naran,

          Hananu knananuk ida ba ita Maromak!

          Na’i hadomi Nia Povo,

          Nia sei fó glória manan nian

          Ba ema haraik-an sira. Refrão

 

  • Hahi ema sira be fuan mós!

          Maromak Nia santo sira haksolok!

          Atu sira ibun hahi nafatin;

          Ida ne’e mak Nia sarani sira nia glória. Refrão

 

Aclamação                                                                                                                                                            Mt. 4. 16

Refrão : Aleluia, Aleluia!! Repete-se       

                  Povo nebe moris iha nakukun laran, haré naroman boot ida;

                  Naroman ida mosu ba sira nebe hela iha mahan mate nian. Refrão

 

Evangelho                                                                                                                                                       Jo. 3. 22-30

Na’i Jesus Cristo nia Evangelho nudar São João haktuir:

Iha tempo neba, Jesus ho Nia escolante sira ba rai Judeia. Nia hela kleur iha neba ho escolante sira hodi hahu sarani ema. João mós sarani hela ema iha Enon, besik rai Salim, basá iha neba iha ué barak. Ema barak mai atu simu sarani. Tebes duni, João ema seidauk hatan nia iha cadeia.

João nia escolante sira haksesuk malu maka’as ho judeu ida dehan kona ba purificação. Sira ba hasouru João hodi dehan ba nia: “Mestre, Ida be hamutuk ho ó iha Jordão nia sorin balu ba, kona ba Ida nebe ó fó sasin, Nia sarani hela ema, ema hotu ba hasouru Nia”. João hatan: “Ema ida la bele simu buat ida ba nia-an rasik, la haraik karik housi Lalehan mai. Imi rasik sai sasin kona ba buat nebe ha’u dehan: ‘Ha’u la’os Messias’, maibe ha’u hanesan mata-dalan de’it mai uluk iha Nia oin; sé mak iha féen mak iha la’en, no la’en nia belun, nebe la’o ho nia, rona nia, hetan ksolok teb-tebes tan rona nia lian. Ida ne’e mak ha’u ksolok, nebe oras ne’e to’o ona rohan. Nia sei sai boot no ha’u sei sai kiik!”

Lia Maksoyn.

Leave a Reply

Your email address will not be published. Required fields are marked *