shadow
Diocese de Dili > NOTÍCIAS > LETURA DIÁRIA > Quarta-Feira, depois da Epifania (ANO C)

Quarta-Feira, depois da Epifania (ANO C)

Primeira Leitura                   Heb. 2. 14-18

Lia housi surat ba Hebreu sira:

Maun alin sira: Nu’udar ema hot-hotu iha isin no ran hanesan, nune’e mós Jesus, hanesan sira, hodi hola parte iha sira nia natureza. Nune’e, hodi Nia mate, bele halo rahun ida nebe ukun mate sira, katak demónio, hodi fó liberdade ba sira nebe ta’uk mate hodi sai mate nia atan, iha sira nia moris tomak. Jesus la mai atu fó tulun ba Anjo sira, maibe, Nia mai atu soi Abrãao nia oan sira. Tan ne’e, Nia sei halo-An hanesan Nia maun-alin sira, hodi moris ho Maromak, atu sai Na’ilulik boot ho laran-luak no laran metin iha Na’I Maromak Nia knaar, atu perdua povo nia salan. Basá, Nia rasik hetan terus no tentação atu soi ema sira nebe monu iha tentação.

Maromak Futar Lia.

 

Salmo Responsorial                                                                               Sal. 104(105). 1-2, 3-4, 6-7, 8-9 (R. 8ª)

Refrão : Na’i hanoin Nia aliança ba nafatin!!! Repete-se

  • Agradece ba Na’i, hahi Nia naran;

           Haklaken Na’i nia hahalok iha povo nia leet.

           Hananu ba Na’i, Ita Maromak;

           Hodi haklaken Na’i nia kmanek. Refrão

 

  • Imi hahi-an iha Na’i nia naran santo;

           Bele hetan ksolok, sira nebe buka Na’i!

           Buka Na’i Maromak no Nia kbiit,

           Buka nafatin Nia futar oin. Refrão

 

  • Nia atan Abrãao nia bei-oan sira,

           Jacob be Nia hili nanis, nia oan sira,

           Na’i, ita nia Maromak,

           Nia ukun rai-klaran tomak. Refrão

 

  • Nia hanoin nafatin Nia Aliança,

           Hato’o Nia liafuan ba otas hot-hotu;

           Aliança be hakotu nanis ho Abrãao,

           Juramento nebe Nia halo ba Isaac. Refrão

 

Aclamação                                                                                                                                                          Jo. 10. 27

Refrão : Aleluia, Aleluia!! Repete-se

                   Ha’u Nia bibi sira rona ha’u lian, Na’i lia tun;

                   Ha’u hatene sira, sira mai tuir Ha’u. Refrão

 

Evangelho                                                                                                                                                      Mc. 1. 29-39

Na’i Jesus Cristo nia Evangelho nu’udar São Marcos haktuir:

Iha tempo neba, Jesus sai housi sinagoga hamutuk ho Tiago no João; sira ba Simão ho andré sira uman. Simão nia banin feto moras isin manas, toba hela. Sira fó hatene ba Jesus, nebe besik ba nia, káer nia liman, halo nia hamriik. Isin manas husik kedas nia, nia hahu fó han sira. Loraik, loron monu liu tiha, ema hahu lori ba to’o Nia, moras sira hotu no sira hotu be diabo tama laran, ema cidade tomak mai halibur-an hamutuk iha odamatan. Jesus fó isin di’ak ba ema barak nebe terus oi-oin, hodi duni sai diabo barak. Maibe, Nia la husik diabo sira ko’alia, basá, sira hatene Nia sé.

Dadersan nakukun, Nia hamriik, sai ba fatin fuik ida hodi hahu harohan. Simão ho nia maluk sira buka tuir, to’o hetan tiha Nia, sira dehan: “Ita ba knua sira iha sorin balu ba, atu Ha’u hanourin mós iha neba, basá, tan ne’e mak Ha’u mai”. Nia ba iha rai Galileia tomak, hanourin iha sinagoga sira no duni sai demónio sira.

Lia Maksoyn.

Leave a Reply

Your email address will not be published. Required fields are marked *