shadow
Diocese de Dili > NOTÍCIAS > LETURA DIÁRIA > Quinta-Feira, depois da Epifania (ANO C)

Quinta-Feira, depois da Epifania (ANO C)

Primeira Leitura                    Heb. 3. 7-14

Lia housi surat ba Hebreu sira:

Maun-alin sira, nu’udar Espírito Santo dehan: “Ohin imi rona karik Nia lia, keta halo tos imi nia fuan hanesan iha loron nebe imi foti liman hasouru Nia, iha loron babeur nian iha rai fuik maran, iha nebe imi nia bei-ala sira koko Ha’u no haré Ha’u nia hahalok sira iha tinan háat nulu nia laran. Tan ne’e Ha’u laran nakali ho otas ne’e hodi dehan, ‘Sira nia fuan la’o la lós nafatin; sira la hatene Ha’u nia dalan sira.’ Ho laran nakali, Ha’u jura, ‘Sira ne’e sei la tama iha Ha’u nia hakmatek.’’’ Matan moris ba, maun-alin sira, atu imi la bele sai fiar laek, hodi lori imi atu hadook-an housi Maromak moris. Lor-loron fó aten barani ba malu uainhira sei “ohin”, atu imi ida mós la bele sai laran tos tan sala lohi imi. Ita káer metin to’o rohan karik buat nebe ita fiar ona, ita sai Cristo nia maluk.

Maromak Futar Lia.

 

Salmo Responsorial                                                                                Sal. 94(95). 6-7, 8-9, 10-11 (R. cf. 8ab)

Refrão : Ohin imi rona karik Na’i Nia lian, Keta taka imi fuan!!! Repete-se

  • Mai, ita takrabat ba rai,

          Adora Na’i be halo ita moris.

          Na’i mak ita Nia Maromak;

          Ita, Ninia povo, bibi sira Nia luhan nian. Refrão

 

  • Imi rona karik Nia lian, keta taka imi fuan,

          Hanesan uluk imi halo iha rai fuik maran.

          Iha neba, imi bei-ala sira koko Ha’u,

          Uainhira haré tiha Ha’u kbiit nia hahalok. Refrão

 

  • Iha tinan háat nulu nia laran, sira hateten áat Ha’u.

          Povo be fila kotuk hodi la hatene Ha’u dalan!

          Tan ne’e, Ha’u jura iha Ha’u hirus:

          “Nia sei la tama iha Ha’u nia damen”. Refrão

 

Aclamação                                                                                                                                                            Mt. 4. 23

Refrão : Aleluia, Aleluia!! Repete-se

                  Na’i Jesus haklaken liafuan di’ak reino nian no fó isin di’ak

                  ba moras sira iha povo nia leet. Refrão

 

Evangelho                                                                                                                                                      Mc. 1. 40-45

Na’i Jesus Cristo nia Evangelho nu’udar São Marcos haktuir:

Iha tempo neba, ema mane ida moras lepra, mai buka Jesus, hakneak ba rai hodi husu ba Nia: “Ita hakarak karik, Ita bele fó isin di’ak mai ha’u”. Jesus hanoin nia, lolo liman ba nia hodi kaér nia. Hafoin dehan: “Ha’u hakarak: ó sei hetan isin di’ak”. Iha oras ne’e kedas lepra lakon, nia hetan isin di’ak. Jesus haruka nia ba, hodi dehan ho oin maka’as: “Keta dehan ba ema ida; maibé, ba hatudu ó nia-an ba sacerdote, hodi hasa’e buat nebé Moisés haruka hasa’e, atu fó hatene katak ó hetan isin di’ak. Maibé, nia sai, ba fó hatene kedas buat ne’e iha fatin hotu. Nune’e, Jesus la bele ona tama hatudu-an iha naran cidade ida. Nia la’o de’it iha liur, iha rai fuik; housi fatin hotu, ema mai buka Nia.

Lia Maksoyn.

Leave a Reply

Your email address will not be published. Required fields are marked *