shadow
Diocese de Dili > NOTÍCIAS > LETURA DIÁRIA > Sexta-Feira, depois da Epifania (ANO C)

Sexta-Feira, depois da Epifania (ANO C)

Primeira Leitura                     Heb. 4. 1-5, 11

Lia housi Surat ba Hebreu sira:

Maun alin sira: Maski ita laran metin iha promessa nebé sei lori ita ba Maromak Nia hôrik damen, ami sei ta’uk hela katak iha imi leet, imi balun lakon fatin hodi hela iha kotuk. Basam uta simu mós liafuan foun, hanesan ita bei-ala sira. Maibe, liafuan foun nebe sira ona, ba sira laiha folin; la tama iha sira nia fuan, tan sira nebe rona, la rona ho fiar. Tebes duni, ita nebe fiar, ita tama iha hôrik dame nebe Maromak dehan: “Nune’e mak Ha’u Nia hôrik dame”. Nune’e, maski Maromak Nia obra remata ona uainhira hahu hakiak mundo, dehan mós iha fatin seluk, kona ba loron ba dala hitu: “Iha loron ba dala hitu, Maromak hamahan-An housi Nia knaar tomak”. Nune’e mós, iha  fatin seluk fali hakerek: “Sira sei la tama iha Ha’u Nia hôrik dame”. Tan ne’e, ita sei buka haka’as-an hodi tama iha hôrik dame neba. Nune’e, ema ida sei la monu iha hahalok áat nebe dada sira ba áat.

Maromak Futar Lia.

 

Salmo Responsorial                                                                                      Sal. 77(78). 3, 4bc, 6c-7, 8(R. cf. 7c)

Refrão : Imi keta haluha Na’i Nia hahalok sira!!! Repete-se

  • Ami rona, ami bei-ala sira haktuir mai ami;

           Ami sei la subar ba derasaan aban-bainrua nian,

           Na’i nia kbiit no Nia kmanek tomak. Refrão

 

  • Sei hato’o mós ba sira nebe sei mai,

           Atu tau sira nia esperança iha Maromak;

           Keta haluha Nia hahalok

           No moris tuir Nia ukunfuan sira. Refrão

 

  • Atu sira keta halo hanesan sira aman sira,

           Otas laran áat no laran makerek,

           Nebe la iha fuan lós,

           Espírito fiar laek ba Maromak. Refrão

 

Aclamação                                                                                                                                                             Lc. 7. 16

Refrão : Aleluia, Aleluia!! Repete-se

                  Profeta boot ida mosu tiha iha ita leet;

                  Maromak mai haré nia povo. Refrão

 

Evangelho                                                                                                                                                         Mc. 2. 1-12

Na’i Jesus Cristo nia Evangelho nu’udar São Marcos haktuir:

Iha tempo neba, Jesus tama fila fali iha Cafernaum, ema rona katak Nia hela iha uma. Ema ua’in tebes mak mai halibur-an hamutuk, sai naresin iha odamatan oin. Jesus hahu tatoli liafuan ba sira. Sira hatudu ba Nia ema moras isin-maten nebe ema na’in háat mak lori. Tan ema ua’in  resin iha neba, sira la bele lori ba to’o Nia; sira loke uma kakuluk iha fatin Nia hela ba  nia leten; halo tiha koak ida, sira hatún hadak nebe hatoba hela ema moras isin-maten ne’e. Jesus, tan haré ema sira ne’e nia fiar, Nia lia tun ba moral: “Ha’u oan, ó nia sala sira simu ona perdua”. Ema escriba balun tur hela iha neba nebe hanoin iha sira laran: “Tan sá Nia ko’alia hanesan ne’e? Nia hateten áat Maromak. Ema sé mak bele perdua salan? Maromak de’it mak bele”. Maibe, Jesus hatene tiha ona buat sá sira hanoin iha sira laran. Nia husu ba sira: “Tan sá imi  hanoin hanesan ne’e iha imi laran? Nebe mak ladún susar dehan ba moras isin-maten: ‘Ó simu ona perdua ba ó  salan’, eh dehan: ‘Ó hamriik tiha ba, káer ó hadak, la’o ba?’ Di’ak! Atu imi hatene katak Mane Maksoy iha rai ne’e iha kbiit atu fó perdua ba salan, “Ha’u haruka ó”, Nia lia tun ba moras isin-maten: “Ó hamriik, foti ó hadak, la’o ba ó uman”. Ema ne’e hamriik, foti kedas nia hadak, sai ba daudaun iha ema hotu nia oin, halo ema tomak hakfodak hodi hahi Maromak, dehan: “Ami la dauk haré buat ida hanesan ne’e”.

Lia Maksoyn.

Leave a Reply

Your email address will not be published. Required fields are marked *