shadow
Diocese de Dili > NOTÍCIAS > LETURA DIÁRIA > Sábado, depois da Epifania (ANO C)

Sábado, depois da Epifania (ANO C)

Primeira Leitura                 Heb. 4. 12-16

Lia housi Surat ba Hebreu sira:

Maun alin sira: Maromak Nia liafuan, liafuan moris, liafuan kbiit ua’in, liafuan kro’at liu surik ho kro’at rua. Maromak Nia futar liafuan tama to’o fahe klamar ho isin, tama to’o haketak fukun-fukun, tama to’o dolen.  Maromak Nia futar liafuan bele haketak ema nia hanoin ho ema nia hakaran. Criatura ida la bele subar-an iha Maromak futar oin: Buat hotu nakloke no molik iha Ida nebe sei litik ita, Nia futar oin.

Ita hetan ona Amululik boot ida. Nia mak Jesus, nebe Maromak Nia Oan. Nia tama ona iha Lalehan. Ne’e duni, ita sei laran metin tuir ita nia fiar. Ita la’os hetan Amululik boot nebe la hanoin ita nia terus. Ita hetan ona Amululik boot ida, nebe koko ona susar oin-oin; Nia hanesan ita lolós, sala de’it mak lae. Ne’e duni, ita ho laran metin, sei hakbesik ba rahun di’ak nia hun, atu nune’e, ita bele hetan di’ak no tulun, uainhira ita kuran.

Maromak Futar Lia.

 

Salmo Responsorial                                                                                 Sal. 18(19). 8, 9, 10, 15 (R. Jo. 6. 63c)

Refrão : Na’i, Itaboot iha liafuan moris rohan laek!!! Repete-se

  • Na’i Nia lei lós tebes, hamoris ema nia laran.

           Na’i Nia haruka metin tebes,

           Fó matenek ba ema haraik-an sira. Refrão

 

  • Na’i Nia ukunfuan lós tebes,

           Sira haksolok fuan.

           Na’i Nia lei sira mós tebes,

           Leno ita nia matan. Refrão

 

  • Hamtauk Na’i, mós tebes,

           Hela metin tinan-ba-tinan.

           Na’i tesi lia ho lialós tebes;

           Nia hanorin sira hotu mesak lós duni. Refrão

 

  • Simu ba Na’i, liafuan sira housi ha’u ibun,

           No ha’u nia fuan nia nabotu,

           Be ha’u hasa’e iha Ita futar oin;

           Na’i, ha’u nia mahein no ha’u nia maksoyn. Refrão

 

Aclamação                                                                                                                                                             Lc. 4. 18

Refrão : Aleluia, Aleluia!! Repete-se

                  Na’i haruka ha’u haklaken Lia-foun ba kiak sira no fó

                  Hatene maksoyn ba dadur sira. Refrão

 

Evangelho                                                                                                                                                       Mc. 2. 13-17

Na’i Jesus Cristo nia Evangelho nu’udar São Marcos haktuir:

Iha tempo neba, Jesus sai fali ba tasi ibun. Ema lubun boot ba hasouru Nia, Nia hahu hanourin sira. Tuir dalan, Nia haré Levi, Alfeu nia oan, tur hela iha nia fatin hodi kobra osan. Jesus dehan ba nia: “Tuir Ha’u mai”. Nia hamriik kedas hodi tuir Jesus.

Uainhira Jesus han hela iha Levi nia uma, publicano balun no ema maksalak  sira tur hamutuk iha mesa ho Jesus no escolante sira, basá, barak housi sira leet tuir Nia. Escriba sira housi fariseu sira nia sorin haré katak Jesus han hamutuk ho ema maksalak no publicano sira, sira dehan ba escolante sira: “Tan sá mak Nia han ho hemu ho ema publicano no maksalak sira?” Jesus rona hotu ne’e, hatan ba sira: “La’os ema isin di’ak mak precisa doutor, maibe, sira nebe moras. Ha’u la mai atu bolu ema sira nebe di’ak, maibe, ema maksalak sira”.

Lia Maksoyn.

Leave a Reply

Your email address will not be published. Required fields are marked *