shadow
Diocese de Dili > NOTÍCIAS > LETURA DIÁRIA > Terça-Feira, II Semana iha Tempo Comum (ANO C)

Terça-Feira, II Semana iha Tempo Comum (ANO C)

São Vicente

 

Primeira Leitura           Heb. 6. 10-20

Lia housi surat ba Hebreu sira:

Maun alin sira: Na’i Maromak la’os laran áat, hodi haluha imi nia serbisu no domin ne’ebe imi hala’o nafatin tan Na’i Nia naran ba maun-alin sarani sira. Maibe, aminia hakaran atu imi ida-idak hatudu imi laran metin to’o rohan, ba loron nebe imi hein atu mai iha tempo ikus. Nune’e, ami husu ba imi hein atu mai iha tempo ikus. Nune’e, ami husu ba imi atu keta baruk maibe, laran metin nafatin hodi banati tuir sira nebe tan fiar no tan haraik – an hetan ona kmanek tuir Maromak Nia promessa.

Uainhira Maromak halo Nia promessa ba Abraão, Nia jura hodi Nia-an rasik, basá, boot liu Maromak la iha ema ida.  Iha Juramento Maromak dehan: “Ha’u sei hakonu ó ho bensa, no sei halo ó sai ua’in tebes”. Abraão  hein ho laran tomak; nune’e, nia hetan duni buat nebe hakotu hela ba nia. Uainhira ema jura, nia jura hodi ema nebe boot liu, basá, nia juramento ne’e hanesan sinal ida hodi remata justiça no castigo hotu. Tan ne’e,  Maromak hakarak hatudu lolós ba sira be iha direito atu simu promessa ho juramento nebe sei la muda, nebe Na’i Maromak la bele bosok, ita be buka subar fatin ida metin nian, ita bele hetan tulun no naroman maka’as atu bele hetan buat nebe ita hein hela atu mai iha loron ikus. Iha esperança ne’e, ita iha besi tali klamar nian ida, metin no mahein di’ak ba ita, mak Jesus nu’udar ita nia mata-dalan, nune’e, tuir Melquisedec nia ukun, Nia sai ita nia Na’ilulik rohan laek.

Maromak Futar Lia.

 

Salmo Responsorial                                                                                     Sal. 110(111). 1-2, 4-5. 9, 10c (R. 5b)

Refrão : Na’i sei la haluha Nia aliança!!! Repete-se

  • Ho laran tomak ha’u agradece ba Na’i,

          Hamutuk ho ema di’ak sira hotu.

          Na’i Nia liman fatin boot tebes,

          Ida nebe hadomi Na’i Nia liman fatin,

          Hakfodak tebes ho buat sira nia haré. Refrão

 

  • Nia halo kmanek oi-oin nebe sei la haluha,

          Na’i laran di’ak no laran luak.

          Maromak tahan sira be hamta’uk Nia,

          Hodi hanoin hetan Nia aliança. Refrão

 

  • Na’i haruka maksoin ba Nia povo,

          Nia harí Nia aliança ba nafatin.

          Nia naran santo no soi hana’i tebes,

          Hahi Na’i ba nafatin. Refrão

 

Aclamação                                                                                                                                                 cf. Ef. 1. 17, 18

Refrão : Aleluia, Aleluia!! Repete-se

                  Ita Na’i Jesus Cristo nia Aman leno ita laran nia matan

                  atu ita bele haré esperança nebe Maromak bolu ita ba. Refrão

 

Evangelho                                                                                                                                                     Mc. 2. 23-28

Na’i Jesus Cristo nia Evangelho nu’udar São Marcos haktuir:

Iha tempo ne’eba, Jesus liu housi to’os trigo nian iha loron sábado ida, no escolante sira, uainhira la’o, hahu hili trigo fulin sira. Tan ne’e, fariseu sira dehan ba Jesus: “Haré to’ok ba, oinsá mak sira halo serbisu iha loron sábado be bando”. Jesus hatan ba sira: “Imi seidauk lê buat nebe David halo, uainhira nia precisa no senti hamlaha, nia rasik ho nia maluk sira? Nia tama iha Na’i nia uma, iha tempo na’ilulik boot Abiatas nian hodi han tiha pão sira nebe rai hela iha fatin santo, nebe na’ilulik sira de’it mak bele han; no fó mós pão hirak ne’e ba nia maluk sira”.

Jesus dehan ba sira: “Loron sábado be iha, halo ba ema, no ema la’os ba loron sábado. Ne’e dunim, Mane Maksoi loron sábado mós nia Na’in”.

Lia Maksoyn.

Leave a Reply

Your email address will not be published. Required fields are marked *