shadow
Diocese de Dili > NOTÍCIAS > LETURA DIÁRIA > Quarta-Feira, semana II (ANO C)

Quarta-Feira, semana II (ANO C)

Primeira Leitura          Heb. 7. 1-3, 15-17

Lia housi surat ba Hebreu sira:

Maun alin sira: Melquisedec, liurai Salém nian, Maromak leten-áas ba Ni’a na’ilulik, ba hasouru Abraão, uainhira Abraão fila housi funu nebe nia manan hodi hasouru liurai sira; Melquisedec fó  bensa ba nia. Buat riku-soi nebe Abrãao hola iha funu, nia fó balun ba Melquisedec. Uluk knana’in bolu nia naran “liurai justiça nian”, eh “Liurai Salém nian”, katak “liurai damen nian”. Nia la iha aman no inan, la iha hun no mós nia loron moris no mate nian la iha hun no rohan. Tan ne’e, nia hahu-an hanesan Maromak Oan, nia sei hela nu’udar na’ilulik ba nafatin.

Tebes duni, Jesus, tuir Melquisedec, Nia mak ita nia Na’ilulik. Nia sai Na’ilulik la tuir lei mundo ne’e nian, maibe, tuir Maromak Nia moris nebe rohan laek. Basá, kona ba Jesus, iha sasin nebe dehan: “Ó mak Na’ilulik rohan laek tuir lisan Melquisedec nian”.

Maromak Futar Lia

 

Salmo Responsorial                                                                                               Sal. 143(144). 1, 2, 9-10(R. 1a)

Refrão : Na’i mak Na’ilulik ba nafatin!!! Repete-se

  • Maromak Nia Liafuan ba ha’u nia Na’in:

          “Ó tur iha Ha’u sorin kuana ba.

          Ha’u sei tau ó funu baluk sira

          Iha ó ain okos”. Refrão

 

  • Housi Sião, Na’i sei fó sai ó óe nia kbiit;

          Ó sei ukun iha ó funu baluk sira klaran. Refrão

 

  • “Ó mak liurai oan

          Housi ó moris nia loron.

          Ha’u rasik hahoris ó

          Nu’udar maha-uen uluk ba rai-hun mutin”. Refrão

 

  • Na’i hakotu tiha on alia, sei la hakribi:

          “Ó na’ilulik ba nafatin

          Tuir lisan Melquisedec nian”. Refrão

 

Aclamação                                                                                                                                                            Mt. 4. 23

Refrão : Aleluia, Aleluia!! Repete-se

                  Na’i Jesus haklaken liafuan di’ak reino nian no

                  fó isin di’ak ba moras sira iha povo nia leet. Refrão

 

Evangelho                                                                                                                                                           Mc. 3. 1-6

Na’i Jesus Cristo nia Evangelho nu’udar São Marcos haktuir:

Iha tempo neba, Jesus tama hikas fali iha sinagoga, iha nebe iha ema mane ida be liman ida maten. Fariseu sira fihir Jesus housi besik atu haré, Nia fó isin di’ak karik ba mane ne’e iha loron sábado, nune’e, sira bele kesar Nia. Jesus dehan ba mane nebe iha liman ida be maten ne’e: “Ó hamriik tiha iha klaran neba”. Hafoin, dehan ba sira: “Iha loron sábado iha licença atu halo di’ak ka halo áat; fó moris ka fó mate?” Maibe, sira nonok hela de’it. Nune’e, ho laran nakali, Jesus haré tiha ba sira be iha sorin-sorin, neon kraik ho fuan to’os sira ne’e, dehan ba mane ne’e: “Halolo liman ba”. Nia halloo tiha liman, nia liman sai di’ak tiha fali. Fariseu sira sai hamutuk ho ema herodiano sira, ba lalais kedas tur hamutuk, hodi ko’alia hasouru Jesus, atu bele halakon tiha Nia.

Lia Maksoyn.

Leave a Reply

Your email address will not be published. Required fields are marked *