shadow
Diocese de Dili > NOTÍCIAS > LETURA DIÁRIA > Quinta-Feira, II Semana Tempo Comum (ANO C) São Francisco de Sales

Quinta-Feira, II Semana Tempo Comum (ANO C) São Francisco de Sales

Primeira Leitura                  Heb. 7. 25-8. 6

Lia housi surat ba Hebreu sira:

Maun alin sira: Jesus bele soi ema hot-hotu nebe hakbesik ba Maromak housi Nia, basá, Nia moris ba nafatin atu tulun sira.

Lós duni, Jesus Na’ilulik Boot nebe mai, tan ita, Nia Santo, sala laek, la hanesan ema maksalak sira. Nia hela iha leten áas liu lalehan. Nia la hanesan na’ilulik sira seluk nebe lor-loron hasa’e sacsrificio, uluk nana’in ba sira salan rasik, hafoin ba povo nia salan. Na’i Jesus halo sacrificio dala ida de’it no ba nafatin, uainhira Nia hasa’e Nia-an rasik. Moisés nia lei foti na’ilulik boot sira housi ema maksalak. Maibe, liu tiha fó ukunfuan sira, tan juramento nebe Maromak halo ona, Nia foti Nia Oan rasik ba Na’ilulik Boot, nebe sala-laek no kmanek ba nafatin. Buat kmanek nebe ita ko’alia kona ba Jesus mak ne’e: Na’ilulik Boot nebe ita iha, ba tur ona iha Lalehan, iha Aman Maromak Nia sorin kuana, nu’udar serbí-na’in santuário nian no kadunan lolós nian, nebe Na’i harí-la’os ema mak harí. Lós duni, na’ilulik boot hot-hotu simu ukun atu hasa’e sacrificio sira ba Maromak. Tan ne’e, Jesus mós hakarak iha buat ruma atu hasa’e sacrificio. Jesus hela karik iha rai ne’e, Nia la halo –An Na’ilulik, basá, iha rai, iha ona na’ilulik ua’in nebe hasa’e sacrificio, tuir ukunfuan. Sira nia sacrificio hanesan lalatak kona ba sasán Lalehan nian, nu’udar hatudu ona ba Moisés, uainhira nia hanoin atu harí tabernáculo Na’i Maromak dehan ba nia: ‘Haré didi’ak ba! Ó sei halo tuir hanesan ida nebe Ha’u hatudu ona ba ó, iha foho leten’. Maibe, Jesus simu knaar ida áas liu, atu halo kmanek liu  aliança nebe, hodi Nia no housi Nia; Aliança ne’e hetan kbiit lei nian, tan promessa nia beran.

Maromak Futar Lia.

 

Salmo Responsorial                                                                     Sal. 39(40). 7-8ª, 8b-9, 10, 17 (R. cf. 8ª, 9ª)

Refrão : Na’i, ha’u mai atu halo tuir Ita hakaran!!! Repete-se

  • Itaboot lakohi sacrificio no buat-karan,

          Maibe, loke ha’u tilun atu rona.

          Ita la husu buat-karan eha na’an maten;

          Tan ne’e ha’u dehan: “Ha’u mak ne’e!” Refrão

 

  • Iha livro Lei nian, hakerek nanis ona,

          Sáida ha’u atu halo tuir.

          Ida ne’e mak ha’u hakarak, ha’u Maromak,

          Ita ukunfuan hela iha ha’u fuan laran. Refrão

 

  • Ha’u sei haklaken Ita justiça ba ema lubun boot.

          Na’i, Ita hatene katak ha’u la taka ha’u ibun. Refrão

 

  • Haksolok boot iha Ita, sira hotu nebe buka Ita.

          Dehan ba nafatin, sira be hakrak Ita maksoyn,

          “Na’i Mesak mak Boot liu tomak”! Refrão

 

Aclamação                                                                                                                                                         2Tm. 1. 10

Refrão : Aleluia, Aleluia!! Repete-se

                  Jesus Cristo, ita nia Maksoyn. Nia harahun mate;  

                  Nia halo moris nabilan housi Evangelho. Refrão

 

Evangelho                                                                                                                                                         Mc. 3. 7-12

Na’i Jesus Cristo nia Evangelho nu’udar São Marcos haktuir:

Iha tempo neba, Jesus sai tiha ba tasi ho escolante sira, no ema lubun boot ida nebe mai housi Galileia ba ho Nia. No mós ema mai housi Judeia, housi Jerusalém, housi Idumeia, housi Jordão nia sorin ba no housi rai Tiro no Sidon nian mai ema lubun boot ida hasouru Jesus, tan sira rona Jesus halo buat di’ak oi-oin. Nune’e, Nia hateten ba  escolante  sira atu prepara ró ida ba Nia, tan ema barak atu la bele hale’u metin Nia. Lós duni, ema barak hetan  isin di’ak,  tan ne’e, ema moras no ema sira be hetan terus, hot-hotu halai hodi hakbesik ba Nia, buka atu kona de’it Na’i. Espírito áat sira, uainhira haré Jesus, monu iha Nia ain hodi hakilar, dehan: “Ita mak Maromak Nia Oan”. Maibe, Jesus ho lian maka’as bandu sira atu keta hateten sai ba ema ida kona ba Nia.

Lia Maksoyn.

Leave a Reply

Your email address will not be published. Required fields are marked *