shadow
Diocese de Dili > NOTÍCIAS > Notícias > D. VIRGÍLIO PRESIDE MISSA ABERTURA ANO ESCOLAR 2019

D. VIRGÍLIO PRESIDE MISSA ABERTURA ANO ESCOLAR 2019

DCDD – Loron 25 fulan Janeiro 2019, Ministério Educação Juventude no Desporto halibur estudantes hotu iha capital Dili hahu husi escola Privado no Pública sira hodi participa iha missa abertura ano Escolar 2019 nian iha SE Catedral Vila Verde Dili. Missa nee rasik preside direitamente husi mahein diocese Dili Dom Virgílio do Carmo da Silva, SDB. Iha missa nee, Dom Virgílio do Carmo da Silva ninia mensagem ba estudantes sira nia hateten,  Ohin ita halibur hamutuk iha ne’e atu reza hamutuk, atu hatudu ita nia fiar nudar foinsae escolante Cristo ninian, liu-liu hakarak agradece iha dader ida nee ho finalidade ida, objetivo ida, katak ho Eucaristia ho missa ida nee mak marca hodi loke ita nia Ano Escolar ba escola hotu iha Timor tomak. Iha festa Converção São Paulo ninian ne’e ita hakarak loke ano escolar.

Ita sarani ita toman tiha ona hader halo sinal da Cruz, bainhira ita han halo sinal da cruz, wainhira ita halo viagem ita halo sinal da Cruz no wainhira ita halo serviço sempre hahu ho sinal da cruz ne’e atu dehan sinal da Cruz hodi fo hanoin mai ita atu Maromak nia presença lao hamutuk ho ita. Sa tan ba iha educação ninian. Escola katak Instituição ida atu transforma ou atu forma ema ida sai ema liu tan. Oinsa ita nia educação ne’e bele educa ita, forma ita tuir duni Maromak nia hakarak. Tan ne’e ohin ita mai iha ne’e bele harohan ba Nai Maromak atu tinan ida ne’e ita uza hodi forma ita, educa ita nia oan sira buka atu lao tuir Maromak nia hakarak.

Dom Virgílio do Carmo da Silva reforça tan katak, Alin doben sira, ohin ita mai halibur iha ne’e atu ita loke ita nia ano escolar ho missa ida ne’e, nebe ita hanaran missa Espírito Santo ninian. Ita hakarak hahu ita nia processo apreendezagem husu Maromak nia tulun, Espírito Santo nebe fo moris ba Creda, Espírito Santo nebe hanorin Apóstolo sira koalia ho lian  oin-oin, Espírito Santo nebe lao hamutuk ho Uma Creda husi kedas tempo uluk to’o mai agora, Espírito Santo nebe transforma Saul ba Paul, transformação radical nee mak sai razaun fundamental ba ita nia missa ohin dader ninian. (Alin & Fidi)

Leave a Reply

Your email address will not be published. Required fields are marked *