shadow
Diocese de Dili > NOTÍCIAS > LETURA DIÁRIA > Sábado, II Semana iha Tempo Comum (ANO C)

Sábado, II Semana iha Tempo Comum (ANO C)

São Timóteo e São Tito, Bispos

 Primeira Leitura            2Tim. 1. 1-8

Lia housi São Paulo nia segunda Surat ba Timóteo:

Housi Paulo, Cristo Jesus nia apóstolo tan Maromak nia hakarak, tuir promessa kona ba moris iha Cristo Jesus, ba Timóteo, ha’u nia oan doben: graça, laran luak no dame housi Aman Maromak no housi Cristo Jesus, ita Na’i.

Kalan loron ha’u fó agradece ba Maromak, nebe ha’u serbi ho laran mós nu’udar ita nia bei-ala sira halo, uainhira ha’u hanoin ó iha ha’u nia oração. Ha’u hanoin ó nia mataben, no ha’u hakarak teb-tebes atu haré ó dala ida tan. Ha’u hanoin ó nia fiar nebe lós: fiar nebe hetan  uluk iha ó nia avo feto Lóide, no iha ó nia inan Eunice, no ha’u hatene lolos katak  fiar ne’e mós iha ó. Tan ne’e, ha’u dehan fali ba ó atu halo moris hanesan ahi lakan, presente nebe Maromak haraik  ona ba ó iha tempo nebe  ha’u tau liman ba ó. Maromak nia presente ne’e la’os ema taukten nia neon, maibe espírito kbiit, domin no ukun-an nian. Ne’e duni, ó la ble moe uainhira ó fó sasin kona ba ita Na’i, eh moe kona ba ha’u , Jesus Nia dadur na’in; maibe hamutu ho ha’u, ó bele tahan terus no susar tanba Evangelho, hodi fiar de’it kbiit Maromak nian.

 Maromak Futar Lia.

 

Salmo Responsorial                                                                               Sal. 95(96). 1-2ª, 2b-3, 7-8ª, 10 (R. 3b)

Refrão : Haklaken ba povo hotu Na’i Nia kmanek!!! Repete-se

  • Hananu ba Na’i knananuk foun ida,

          Hananu ba Na’i, rai-klaran tomak.

          Hananu ba Na’i, hauélok Nia naran. Refrão

 

  • Haklaken loron ba loron, Na’i maksoyn.

          Haklaken Nia glória ba reino tomak.

          No ba povo hot-hotu, Ninia kmanek. Refrão

 

  • Hauélok, povo sira, hauélok Na’i;

          Hauélok Nia glória no Nia kbiit.

          Hauélok Nia naran no Nia glória. Refrão

 

  • Haklaken ba povo hot-hotu: ‘Na’i mak Liurai’.

          Nia hari mundo metin, sei la nakdoko,

          Na’i ukun povo hotu ho justiça. Refrão

 

Aclamação                                                                                                                                                             Lc. 4. 18

Refrão : Aleluia, Aleluia!! Repete-se

                  Na’i haruka ha’u haklaken Lia-foun ba kiak sira no

                  Fó hatene libertação ba dadur sira. Refrão

 

Evangelho                                                                                                                                                      Mc. 3. 20-21

Na’i Jesus Cristo nia Evangelho nu’udar São Marcos haktuir:

Iha tempo neba, Jesus tama tiha iha uma ho Nia escolante sira. Ema lubun boot halibur-an fali iha Nia oin, hodi halo Nia la hetan tempo atu ble han. Jesus nia parente sira hatene tiha ne’e, ba kedas atu hola Nia, basá, sira hateten katak: “Nia hanoin la lós ona”.

Lia Maksoyn.

Leave a Reply

Your email address will not be published. Required fields are marked *