shadow
Diocese de Dili > NOTÍCIAS > Notícias > HAKASAN SAI FINI NEBE DIAK BA CREDA NO NAÇÃO

HAKASAN SAI FINI NEBE DIAK BA CREDA NO NAÇÃO

DCDD – Estudante Finalista Instituto Ciência Religiosa (ICR) nian, Segunda-feira(28/1) semana nee liburan hamutuk iha Igreja Nossa Senhora Imaculada Conceição Catedral-Dili ho objetivo atu hasa’e agradecimento ba Maromak tan graça aconpanhamento nebe sira hetan durante halao processo aprendizágem nian iha Instituto Ciência Religiosa (ICR) to ohin loron termina sira nia estudo. Missa Ação de graça nee preside husi mahein diocese dili nian Dom Virgílio do Carmo da Silva,SDB. Iha SE Catedral Vila verde, Dili. No agente hirak nebe participa mos iha celebração nee hanesan; corpos docentes, formadores, inan-aman husi alunos finalista sira no estudante tomak nebe sei halao formação iha Instituto Ciência Religiosa (ICR) Lahane Dili.

Dom Virgílio do Carmo da Silva,SDB nebe preside a,cão de graça nee iha ninia homilia hateten, Ohin loron ita halibur hamutuk iha fatin ida ne’e atu fo obrigado ba Na’i Maromak ba buat di’ak nebe ita simu, liu-liu Instituto Ciência Religiosa (ICR). Atu liu husi intersseção São Tomas de Aquino, Instituição ida ne’e buka atu hatudu duni atu ema hotu nebe mai buka matenek iha nee bele descobre duni veritas/verdade. Nee duni alin doben sira, durante nee imi mos aprende buat barak ba moris, maibe hein ho ciência sira nebe imi hetan atu imi bele transforma duni imi nia moris basá Instituto Ciência Religiosa (ICR) iha nia história rasik, nia identidade nebe único, nunee mos nia contribuição nebe diferente ba sociadade liu-liu Uma Creda Timor nian. Hau harohan hodi hein atu imi lori nafatin marca ida nee iha imi nia moris. Tan nee, ba imi sira nebe aban sei termina formalmente imi nia curso iha ICR, hau antecipa hau nia parabens no boa religião ba imi.

Dom Virgílio do Carmo da Silva,SDB ho optimista hodi dehan tan katak, imi nia estudo hakbiit duni imi atu sai promotor ba crescimento ida equidade nian. Imi nia formação mos hau fiar katak forma duni imi atu iha capacidade, atu decide ba futuro ida nebe diak liu. Imi mak sei sai duni ema hirak nebe responsável ba sociadade nunee mos keta haluha ba ema barak nia futuro, ba ema barak nia moris no imi nia família rasik, ema nebe imi sei educa no acompanha iha escola, instituição no comunidade. Hau nia corágem ba imi hotu atu servisu ba ema hotu ho honesto atu imi aban bainrua bele sai fini ida nebe diak nian hodi hari Uma Creda timor no mundo ida nebe furak. (Marta)

Leave a Reply

Your email address will not be published. Required fields are marked *