shadow
Diocese de Dili > NOTÍCIAS > Notícias > IMI BA HAKLAKEN

IMI BA HAKLAKEN

DCDD – Juventude husi diocese Dili nian, iha Dominggo loron (27/1) liburan hamutuk iha salão ÚNICA Balide Dili atu comemora loron Mundial Juventude nian ba dala 34. foinsae sira nebe mai husi grupo oi-oin no paróquia oi-oin diocese Dili nebe ohin loron tomak halibur hamutuk halo sira nia encontro atu tau iha prática tema pastoral diocese dili ninian nebe dehan Juventude Missionário. Ida nee conhecida mos ho atividae mundial nian nebe ohin (24/1) Amo Papa halibur jovem sira husi mundo tomak hodi celebra dia Mundial ba dala 34 iha América central, Panamá.

Mahein diocese Dili nian Dom Virgilio do Carmo da Silva wainhira preside missa enceramento ba foinsae sira iha dominggo lorokraik tuku 3:00 otl iha Igreja Paroquial Balide nee iha nia homilia hateten, Ohin ita hamutuk ho ita nia foinsae sira iha nee, ita hanoin hamutuk ho Santo Padre kona ba celebração loron boot foinsae sira nian. Loron rua liu ba, wainhira Santo Padre hamutuk ho foinsae sira iha Panamá iha nia conferência ba dala uluk nia cita Santo ida naran Santo Romero ninia liafuan dehan; “wainhira ita koalia kona ba cristandarte “moris sarani” ita la refere ba lialos nebe ita hatene, ita lakolia kona ba cristandarte refere ba regras, maibe wainhira ita koalia kona ba cristandarte, ita koalia kona ba pessoa ida nebe hadomi tebes ita. Ema ida nee mak Jesus Cristo. Ida nee mak ita tem que moris tuir nia mehi. Tan nee mak Santo Padre apela ba foinsae sira kona ba ita nia relação ho Maromak.

Dom Virgilio do Carmo da Silva esplica tan katak, Ohin ita halibur hamutuk ho jovem sira nee, atu lança programa no sira mak atu sai hanesan Missionário ba sira nia maluk sira iha sira nia Paróquia no Creda. Tema ba iha ano Jubileu juventude Missionário ninian nee “Hau mak nee atu halo tuir ita nia hakarak” ida nee mak prontidão Nain Feto ninian iha loron anunciação. Santo Padre convida atu oinsa foinsae sira mos atu iha corágem atu ba nati tuir hanesan Nain Feto atu dehan “SIM” lao tuir corágem buat hotu iha moris. Santo Padre dehan; imi mos tem que iha corágem ba anjo hanesan buat nebe Maria dehan;“Hau mak nee atu halo tuir ita nia hakarak”. Karik dalaruma ita mos hare ita nia condições, ita nia moris, ita nia situação Papa dehan, se karik ó hare ida nee susar ó bele dehan ó halo ida nee sai ó nia oração. Hodi hanoin kona ba loron missionário foinsae sira nian ba ita nia juventude sira dehan “Ide e Proclamar” ba hodi haklaken liafuan Maromak ninian laos haklaken gosip ninian, maibe haklaken Maromak nia liafuan, buka atu koalia diak ba malu hodi evita buat sabraut sira, hodi koalia diak, haburas buat nebe diak certamente ita nee testamunho. Ida nee mak hau hanoin ita bele hari Unidade, Paz iha sociadade. (Equipa DCDD)

Leave a Reply

Your email address will not be published. Required fields are marked *