shadow
Diocese de Dili > NOTÍCIAS > LETURA DIÁRIA > Terça-Feira, III Semana iha Tempo Comum (ANO C)

Terça-Feira, III Semana iha Tempo Comum (ANO C)

Primeira Leitura                   Heb. 10. 1-10

Lia housi surat ba Hebreu sira:

Maun-alin sira: Moisés nia Lei buat sira nebe atu mai nia ilas de’it, no la’os hanesan buat lós sira, ho sacrificio sira nebe halo tinan-tinan ukunfuan ne’e la bele halo fiar na’in sira sai ema lós. Lae karik, la halo ona sacrificio sira ne’e, basá uainhira fiar na’in sira hamos tiha an, sei la hatene tan kona ba sala. Maibe lae; hodi hasa’e sacrificio sira, ema hanoin sira nia sala tinan-tinan. Basá karau aman no bibi timor nia ran la bele kasu sala.

Nune’e, uainhira Cristo mai mundo, Nia dehan: “Ita lakohi sacrificio ka buat karan sira; maibe Ita prepara isin ida mai Ha’u. Ita la haksolok  ho buat karan sunu nian ka sacrificio ba sala sira; no Ha’u dehan, ‘Maromak, Ha’u mak ne’e! Ha’u mai atu halo tuir Ita Nia hakarak,’ nu’udar hakerek nanis kona ba Ha’u nia livro.” Uainhira Nia dehan: “Ita lakohi no la haksolok ho sacrificio no buat karan sira, no buat sunu no sacrificio ba sala sira nian” nebe ukunfuan haruka hasa’e, tuir mai Nia dehan tan: “Ha’u mak ne’e! Ha’u mai atu halo tuir Ita nia hakarakk,” Nia halakon ida uluk nian atu hari fali ida ikus nian. Ho Nia hakarak ne’e mak ita sai santo housi nia isin nebe Jesus Cristo hasa’e tanba ita, dala ida de’it ba nafatin.

Maromak Futar Lia.

 

Salmo Responsorial                                                                   Sal. 39(40). 2 e 4ab, 7-8ª, 10-11ab(R. 8ª e 9ª)

Refrão : Na’i, Ha’u mai atu halo tuir Ita hakaran!!! Repete-se

  • Ha’u bolu Na’i ho laran metin,

          Nia hakruuk mai ha’u

          Hodi rona ha’u nia halerik.

          Nia tau iha ha’u ibun knananuk foun ida,

          Knananuk ida atu hahi ita Maromak. Refrão

 

  • Itaboot lakohi sacrificio no buat-karan,

          Maibe loke ha’u tilun atu rona.

          Ita la husu buat-karan eha na’an maten,

          Tan ne’e ha’u dehan: “Ha’u mak ne’e!” Refrão

 

  • Ha’u sei haklaken Ita justiça ba ema lubun boot;

          Na’i, Ita hatene katak ha’u la taka ha’u ibun.

          Ha’u la subar Ita Nia justiça iha ha’u fuan okos;

          Ha’u haklaken Ita Nia fidelidade no maksoyn. Refrão

 

Aclamação                                                                                                                                                          Mt. 11. 25

 Refrão : Aleluia. Aleluia!! Repete-se

                   Rahun di’ak ba Ita, Aman, Na’i lalehan no rai nian, tan Ita

                   Hatudu mistério reino lalehan nian ba kiik sira. Refrão

 

Evangelho                                                                                                                                                      Mc. 3. 31-35

Na’i Jesus Cristo nia Evangelho nu’udar São Marcos haktuir:

Iha tempo neba, to’o iha uma nebe Jesus hela ba, Jesus nia inan no nia maun-alin sira. Sira hela de’it iha liur hodi haruka bolu nia. Ema lubun boot tur hale’u nia uainhira  sira dehan ba nia: “Ó nia Inan no maun-alin sira hela iha liur hodi buka Ó”. Maibe, Jesus hatan ba sira: “Sé mak Ha’u nia inan no Ha’u nia maun-alin sira?” Hateke ba sira hotu nebe tur hale’u nia hodi dehan: “Sira ne’e mak Ha’u nia inan no Ha’u nia maun-alin sira. Ema nebe halo tuir Maromak Nia hakran, ema ne’e mak Ha’u nia maun-alin, Ha’u nia bin-feton no Ha’u nia inan”.

Lia Maksoyn.

Leave a Reply

Your email address will not be published. Required fields are marked *