shadow
Diocese de Dili > NOTÍCIAS > Notícias > A Santa Sé MENSAGEM HUSI SUA SANTIDADE FRANCISCO BA XXVII LORON MUNDIAL MORAS NIAN (11 DE FEVEREIRO DE 2019)

A Santa Sé MENSAGEM HUSI SUA SANTIDADE FRANCISCO BA XXVII LORON MUNDIAL MORAS NIAN (11 DE FEVEREIRO DE 2019)

(Adaptado husi Fr. Levinson da Conceição Verdial )

“Imi simu hodi la selu, fo mos hodi la hein ema selu imi”(Mt 10, 8)

 

Maun Alin, inan feton doben sira !

 “Imi simu hodi la selu, fo mos hodi la hein ema selu imi” (Mt. 10,8): liafuan hirak ne’e hato’o housi Jesus, wainhira Nia harukia nia Apóstolo sira ba haklaken Evangelho, atu nune’e liu husi hahalok sira domin nian nebé gratuito, bele habelar nia Reino.

Iha loron Mundial ba Moras nian ba dala XXVII, nebé mak sei celebra iha Calcutá – India, iha loron 11 de Fevereiro de 2019, Uma Creda hanesan Inan ba nia oan sira hotu, liu-liu ho atenção especial ba moras sira, fo hanoin katak dalan nebé mak credível liu iha evangelização  mak hahalok sira husi dom gratuito hanesan Bom Samaritano nian. Ita nia cuidado ba ema moras sira precisa professionalismo ho domin, hahalok gratuito sira, direta no simples, hanesan  hahalok domin nian ida, nebé mak halo ema seluk sente katak ita hadomi duni nia.

Moris mak dom Maromak nian, los duni, hanesan São Paulo hateten: “imi iha buat sa ida deit mak imi la simu?” (1 Cor 4, 7) Los duni, tamba ne’e dom ida, nune’e,  moris ne’e labele considera hanesan  buat nebé mak hau nian deit, liu-liu iha medicina no biotecnologia nia matan, nebé bele lori ema hodi fo dalan ba tentação atu manipula “Aihun moris nian” (cf. Gn 3,24).

Contra cultura descarte no indeferença nian, ha’u afirma, sei tau dom (moris) ida ne’e hanesan modelo nebé kapaz atu desafia individualismo no fragmentação social sira iha loron ohin nian.

Atu promove vínculos foun no forma foun sira housi cooperação humana entre povo no cultura sira. Hanesan  pressuposto dom nian, ita iha diálogo, nebé mak loke dalan ba relaçao crescimento no progresso humana nian, nebé mak bele harahun esquemas consolidados de exercicio do poder iha sociedade. Hahalok fo, la bele identifica ho hahalok oferece presente ida nian, tamba, so bele dehan hanesan ne’e, se wainhira fo ho nia an rasik:’ la bele reduz hanesan deit transferencia propriedade ida nian ou sasan  ruma.  Ita distingue husi oferece presente, precisamente tamba inclui dom ne’e rasik. Nune’e,  dom  ida ne’e hanesan roconhecimento recíproco,nebé mak constitui hahalok nebé la se’es husi vínculo social. Iha dom ida ne’e, iha mos reflexo domin Maromak nian, nebé mak culmina iha encarnação Jesus nian no iha Espírito Santo nia mahan.

Ema hotu mesa kiak, mukit no susar. Iha moris ne’e, wainhira atu moris mai, ita precisa inan aman sira nia tulun ka cuidado; nune’e mos iha etapa sira moris nian, ita ida-idak sei la consegue moris se’es husi ema seluk nia tulun, sei la hasai husi ninia-an rasik ninia fraqueza iha ema seluk nia oin. Nune’e, ida ne’e mos hanesan caracter husi ita nia-an hanesan “criatura”. Reconhecimento husi lialos ida ne’e convida ita hotu atu metin iha dalan haraik-an no pratica ho coragem solidariedade, hanesan virtude nebé mak la se’es husi Moris ida ne’e.

Consciência ida ne’e lori ita ba prática responsabilidade ida nebé, halo ita tau iha oin, Bem Comum ida nebé mak indivisivelmente pessoal no comum. Ema simu se wainhira, laos hanesan mundo ida nebé taka-an, maibe, hanesan ida nebé mak tuir ninia natureza, ligado ho ema seluk nebé originariamente hanesan maun-alin, bele mos iha prática social solidária ida nebé orientada ba Bem Comun. Ita labele tauk atu reconhece ita nia-an hanesan ema nebé necessitado no incapaz atu fo buat hotu nebé mak ita necessita, tamba deit ita labele, mesak no ho deit ita nia kbiit rasik, atu manan limitaçõe sira. Ita labele tauk  reconhecimento ida ne’e, tamba Maromak rasik, iha Jesus, Haraik-An (Cf.Flp 2,8)no haraik-An mai to ita, hodi tulun no haraik buat diak sira nebé mak, mesak, ita sei la hetan.

Aproveita circunstância husi celebração solene iha Índia, ha’u hakarak fo hanoin, ho haksolok no admiração, figura husi Santa Madre Teresa Calcutá nian, hanesan modelo ida Caridade nian nebé mak sai nabilan iha Maromak nia Domin ba kiak no moras sira. Hanesan haktuir iha ninia canonização, “Iha Madre Teresa nia moris tomak, sai hanesan ida nebé mak fo-an tomak no generosa da misericordia divina, disponível ba ema hotu, liu housi acolhimento no defesa ba vida humana nian, bebe sira nebé atu moris mai, sira nbé ema soe no abandonado sira. (…) hakruk ba ema sira nebé kbi’it laek, sira nebé mate iha estrada ninin, reconhece iha ema sira ne’e dignidade nebé mak Maromak tau iha sira; sai lian ba sira iha ukun-nain sira  mundo ne’e nian, atu nune’e bele reconhece sira nia culpa hodi hare ba crime, no pobreza nebé mak sira rasik halo liu husi decisão sira nebé mak sira foti wainhira la tuir justiça no lialos. Ba Madre Teresa, laran luak hanesan ‘Masin’ nebé mak fo sabor ba ninia obra sira hotu, no ‘Naroman’ nebé mak fo naroman ba ema sira nebé mak laiha tan ona mata wen atu tanis ba sira nia mukit no terus  sira. Madre Teresa nia missão iha fatin sira cidade ninin sei permanece nafatin iha tempo ohin loron nian hanesan sasin ida nebé hatudu Maromak nia hakbesik-an ba sira nebé kiak iha kiak sira nia leet”. ( Homilia , 4/IX/2016).

Santa Madre Teresa tulun ita atu bele compreende katak único critério housi ação sira hotu nebé ita halo tenki ser domin nebé gratuito ba ema hotu, la hare ba lian, cultura, koor, raça ou religião. Ninia exemplo continua lori ita atu bele nakloke ba horizonte ksolok nian no esperança ba humanidade nebé mak precisa compreensão no atenção, especialmente ba sira nebé mak terus.

Gratuidade humana mak fermento housi ação voluntário sira nian, nebé mak iha importância iha setor saúde nian no moris tuir espiritualidade Bom Samaritano nian. Hau agradece no fo coragem ba associação voluntáriado sira hotu nebé mak tulun liu husi transporte no assistência moras sira nian, sira nebé mak ho laran luak fo sira nia ran no órgão sira seluk. Campo especial ida iha nebé mak imi ninia presença expressa solicitude Igreja nian mak husi tutela direitos ema moras nian, ne’e hotu sira hirak nebé afeta ba patologias nebé exige cuidado especial, hodi lahaluha campo sensibilização no prevenção. Sei hafoun ho importância fundamental nebé mai husi imi ninia serviço voluntario iha estruturas sanitárias no iha hela fatin, nebé mak sei sai assistência sanitária ba apoio espiritual. Husi ne’e mak sei beneficia ema hirak nebé moras, mesak, idosas, ho fragilidades psíquicas no motivação. Ha’u hato’o mos ba imi hodi continua atu sai sinal husi presença Igreja nian iha mundo nebé secular. Voluntário ida mak belun desinteressado ida, ba ida nebé sei bele confidencia pensamentos no emoções; liuhusi rona, nia hamosu condições ba ema moras ida husik nia an hanesan objeto passivo husi tau matan ba sujeito ativo no protagonista iha relação reciprocidade nian, diak tebes atu recupera esperança, disposto liu atu hetan terapias. Voluntariado ida mak comunica valor sira, comportamentos no estilo sira moris nian, nebé mak iha centro, sai fermento husi doação. Husi ne’e mak sei realiza mos humanização husi tratamentos.

Dimensão husi gratuidade sei bele anima sobretudo estruturas sanitárias católicas tomak, tamba ida ne’e duni mak lógica evangélica nebé qualifica ninia ação, biar iha zonas desenvolvidas liu tanto iha ida nebé aat liu iha mundo. Estruturas católicas mak hetan bolu atu expressa sentido husi dom, husi gratuidade no husi solidariedade, hanesan resposta ba lógica husi lucro ba buat folin tomak, husi fo hein simu, husi exploração nebé larespeita ema seluk.

Ha’u hatoo mos ba imi hotu, iha níveis oi-oin, atu promove cultura gratuidade nian no husi dom, indispensável atu hakat liu cultura lucro no husi descarte. Instituições sanitárias católicas tomak labele monu iha estilo empresarial, maibé salvaguarda liu cuidado ba ema do que lucro. Ita hotu hatene katak saúde ne’e buat ida nebé mak relacional, depende husi interação ho ema seluk no precisa confiança, amizade no solidariedade; ne’e mak buat diak nebé sei bele goza deit  «plenamente», uainhira fahe ba malun “partilhado”. Ksolok husi dom gratuito mak indicador ida husi saúde cristão ninian.

Ba ema hotu nebé ha’u entrega ba Maria Maria, Salus infirmorum. Nia nebé ajuda ita partilha dons nebé ita simu ho espírito diálogo nian acolhimento nebé klean, atu moris hanesan maun alin, bin feton atu ida-idak atento ba necessidades ema seluk nian, hatene fo ho fuan generoso, atu aprende haksolok ho serviço desinteressado. Com afeto, hametin imi hotu iha ha’u ninia proximidade fuan nian no haruka imi hotu ho fuan no Bênção Apostólica.

 

Vaticano, Solenidade de Nosso Senhor Jesus Cristo Rei do Universo, 25 de novembro de 2018.

Franciscus

© Copyright – Libreria Editrice Vaticana

Leave a Reply

Your email address will not be published. Required fields are marked *