shadow
Diocese de Dili > NOTÍCIAS > Notícias > ANGELINA JOLIE AMEAÇA MYANMAR TAMBA ROHINGYA

ANGELINA JOLIE AMEAÇA MYANMAR TAMBA ROHINGYA

COX S BAZAR, DCDD; DILI – Encaregado Organização Refugiado Nações Unidas (UNHCR) Angelina Jolie fahe história oi-oin kona ba vítima violencia sexual uainhira visita campo refugiado Rohingya.

Estrela Hollywood ne’e asentua, parte nebé hola responsabilidade atu refugiado sira bele fila fali ba fatin origem mak estado otoritario iha  Myanmar. Nia husu ba Myanmar atu hatudu comitmento nebé real hodi hakotu violencia nebé dudu muslumano Rohingya halai ba Bangladesh.

Comentario  Jolie nian ne’e mosu iha loron daruak uainhira nia halao encontro emocionante ho refugiado Rohingya iha distrito Cox’s Bazar, Bangladesh, fatin nebé ema Rohingya nian nain  740.000 mak refugia desde Agusto 2017. Iha ne’e existe ona Rohingya nain 300.000 hafoin parte daruak husi refugiado hirak ne’e. ne’e katak, Bangladesh simu ona ema liu tokon ida husi  Rohingya  tamba deit violencia nebé acontece iha Myanmar.

Visita Jolie ne’e halao uainhira hakarak atu halo esforço foun husi Nações Unidas (ONU) nian hodi halibur quaze osan Milhões ida ba ema Rohingya tokon ida iha Campo Refugiado boot sira iha cidade Cox’s Bazar. “infelizmente, laran moras tebes uainhira hasoru malun ho familia nebé hatene deit persecução no sem nacionalidade durante moris tomak hodi  confessa katak hetan tratamento hanesan animal,” hateten Jolie ba jornalista sira nebé sita husi The Guardian.

“Familia Rohingya sira nebé ha’u hasoru ladiferente ho refugiado seluk iha buat importante nebé tem que respeita. Sira hakarak atu fila fali ba sira ninia uma,” dehan Jolie.

Periodo foun husi refugiado ne’e mos too iha Bangladesh uainhira operação militar Myanmar  iha Rakhine. “refugiado ne’e tem que fila ba sira nia fatin uainhira sira sente hakmatek ona hodi halao tuir sira ninia hakarak rasik no sira hatene direito sira hetan respeito,” nia salienta.

Nia mos hato’o ona atu hakotu violencia iha Rakhine. Autoridade ONU nian dehan violencia iha Rakhine ne’e hanesan genocide no haruka atu autor sira cumpre justiça. “ha’u husu atu autoridade Myanmar hatudu comitmento loloos hodi hakotu sirculo violencia no refugiados nune’e mos hadia condição ba comunidade tomak iha Rakhine hanesan parte ida husi nação,” Jolie acrescenta.

Jolie hasoru malun ona ho refugiado Rohingya nian uainhira nia iha Myanmar desde Julho  2015 no iha India desde tinan 2006. Nia hakotu ninia visita iha Quarta  (6/2) hodi hasoru malun ho Primeiro Ministro (PM) Bangladesh Sheikh Hasina, Ministro Estrangeiro (MEs) AK Abdul Momen, no autoridade maximo seluk nação nian iha Dhaka.

Hasoru malun entre Jolie no autoridade maximo Bangladesh nian ne’e sei foca liu kona ba oinsa mak organização ONU nian bele tulun ho esforço ba Rohingya no solução substentavel hodi halibur minoritas nebé hasoru persecução ne’e.

“Nia ba Bangladesh iha semana ne’e hodi hare necessidade humanitario ba refugiado Rohingya no obstaculo seluk nebé importante iha Bangladesh hanesan nação nebé simu ona refugiado sira,” hateten UNHCR.

Refugiado Rohingya nian ida, Mohammed Shakir, 22, dehan respeita tebes Jolie ba serviço humanidade nian. “uainhira ha’u hare nia, ha’u haksolok tamba nia iha liafuan especial ba ami Rohingya,” dehan Shakir.(Syarifudin, adapta husi Mario)

https://international.sindonews.com/read/1376988/40/angelina-jolie-kecam-myanmar-terkait-rohingya-1549588026

Leave a Reply

Your email address will not be published. Required fields are marked *