shadow
Diocese de Dili > NOTÍCIAS > LETURA DIÁRIA > Sábado, IV Semana Tempo Comum

Sábado, IV Semana Tempo Comum

Primeira Leitura           Heb. 13. 15-17, 20-21

Lia housi Surat ba Hebreu sira:

Maun alin sira: Housi Na’i Jesus Cristo, ita hasa’e nafatin sacrifício agradece nian bá Maromak; katak ema hot-hotu sei harohan, hahi hana’i Nia naran. Nune’e mós, imi keta haluha fó tulun bá malu hodi halo di’ak, basá, sacrifício hanesan ne’e mak fó ksolok liu ba Maromak.

Imi hamta’uk imi nia na’i ulun sira hodi haraik-an ba sira, tan sira tau matan bá imi nia klamar, nu’udar ema nebé sei hatan kona bá sira. Imi halo buat hirak ne’e hotu ho ksolok, keta ho neon kraik nebé bele lori imi bá rahun áat.

Maromak dame nian, bé halo moris-hi’as housi mate sira leet, Ida nebé housi ran moruk rohan laek nian ida, Bibi-Atan boot ba bibi hot-hotu, ita Na’i Jesus Cristo, bele tulun imi atu halo buat nebé di’ak hodi halo tuir Ninia hakaran no Na’i bele halo iha Ita buat di’ak hdi fó ksolok bá Nia, housi Jesus Cristo, bá Ida nebé ita bele fó glória tinan-ba-tinan. Amen.

Maromak Futar Lia.

 

Salmo Responsorial                                                                                          Sal. 22(23). 1-3ª, 3b-4, 5, 6 (R. 1)

Refrão : Na’i ha’u nia Mahein, ha’u la kuran buat ida!!! Repete-se

Na’i ha’u nia Mahein, ha’u la kuran buat ida;

Lori ha’u bá hakmatek iha du’ut matak,

Lori ha’u bá wé malirin

Hodi haksolok ha’u klamar. Refrão

 

Nia lori ha’u kona dalan lós tan hadomi Nia naran;

Maski ha’u la’o housi rai-kle’an nakukun

Ha’u sei la ta’uk buat áat ida,

Tan Ita hamutuk ho ha’u.

Ita nia ai-tonka no ai-tato’an

Fó laran metin mai ha’u. Refrão

 

Ita hadi’a aihan mai ha’u,

Iha ha’u funu baluk sira oin.

Ho mina, Ita hamorin ha’u ulun;

Ha’u cálice nakonu resin. Refrão

 

Laran di’ak no graça sei la’o tuir ha’u,

Lor-loron iha ha’u nia moris;

Ha’u sei hela iha Na’i nia uma

Tinan-ba-tinan nafatin. Refrão

 

Aclamação                                                                                                                                                          Jo. 10. 27

Refrão : Aleluia, Aleluia!! Repete-se

Ha’u Nia bibi sira rona Ha’u lian, Na’i lia tun dehan:

Ha’u hatene sira, sira mai tuir Ha’u. Refrão

 

Evangelho                                                                                                                                                     Mc. 6. 30-34

Na’i Jesus Cristo nia Evangelho nu’udar São Marcos haktuir:

Iha tempo nebá, Apóstolo sira mai tur hale’u tiha Jesus hodi haktuir sai bá Nia buat hotu sira halo no hanourin. Jesus lia tun dehan: “Imi mai, Ita la’o mesak bá fatin ida atu tur halimar uituan”. Tan ema sira bé bá-mai wa’in tebes, sira la biban atu han. Tan ne’e, sira sa’e ró hodi hadook-an tiha ba fatin mesak ida. Haré sira dada-an, ema barak hatene ona. Nune’e, housi cidade hot-hotu ema barak halai housi rai to’o uluk tiha iha fatin nebá. Tun housi ró, Jesus haré kedas ema lubun boot. Nia hanoin tebes ema sira ne’e, basá, sira hanesan bibi sira nebé bibi-atan laek. Nia hahu hanourin sira kleur.

Lia Maksoyn.

Leave a Reply

Your email address will not be published. Required fields are marked *