shadow
Diocese de Dili > NOTÍCIAS > Notícias > TRUMP NOMEIA CRITICO DAVID MALPASS ATU GOVERNA BANCO MUNDIAL

TRUMP NOMEIA CRITICO DAVID MALPASS ATU GOVERNA BANCO MUNDIAL

WASHINGTON; DCDD, Dili- Presidente EUA Donald Trump hatoo ona ninia apoio ba vice Ministro finanças EUA nian ba estrangeiro David Malpass hodi governa Banco Mundial. Figura Malpass rasik conhecido hanesan critico nebé kroat ba Banco Mundial, organização emprestimo nian ida ba país kiak sira nebé ninia oficio harii iha Washington DC .

Hanesan noticia nebé fo sai husi BBC, uainhira hetan ona concordancia, nia sei dudu banco ne’e hodi hakloot oferta emprestimo ba nação sira kiak liu iha mundo, nia hatutan katak sei halo transformação boot sira seluk tan. Candidatura David Malpass hamosu ona debate, tamba ema barak mak lasatisfas ho Malpass, nebé mak critico ba banco, sei esforço hodi hamenus Banco Mundial nia papel.

Malpass, nebé dadaun ne’e hanesan Vice Ministro Finanças EUA nian ba assunto internacional, hetan ona nomeiação fixo husi Presidente Donald Trump hodi governa organização mundial nebé ema America deit mak sempre ukun. Maibé ninia eleição loloos sei hetan ratificação husi orgão Banco Mundial ne’e, iha nebé bele dada presença candidato sira seluk nebé hetan suporta husi nação kiak sira seluk nebé mak destinatario principal ba emprestimo organização ne’e.

No entanto, lider Casa Branca dehan Malpass, hanesan Republicano antigo, sei sai “caçador pro-crescimento”. Iha conferencia de imprensa iha Washington, Trump fo uplause ba Malpass hanesan “acessor forte ba acuntabilidade iha Banco Mundial ba tempo nebé kleur”. Presidente, nebé sempre halo critica ba organização multilateral, dehan “ hein katak Malpass compromete katak dolar iha banco “gasta ho efetivo no loloos, servi ba interesse America nian no hametin valores America nian.”

Malpass mak ema nebé loyal ba Trump, no sai acessor economia senior ba presidente America nian durante campanha eleitoral tinan 2016 liuba. Actualmente nia kaer pasta hanesan vice Ministro Finanças ba relação externa desde Agusto tinan 2017. Mane ho idade 62 ne’e halo ona critica ba Banco Mundial, hamutuk ho organização seluk hanesan Fundo Monitario Internacional (FMI) tamba “atrapalha” no “ haabut”.

Nia mos dudu ona banco hodi hamenus emprestimo ba China, nebé tuir nia nação riku atu hetan ajudo hanesan ne’e, no halekar pratica forte uainhira empresta ba nação seluk. EUA, makaer fundo boot liu iha Banco Mundial no fonte financeiro boot liu, geralmente mak kaer freu ba processo eleição ba presidente.

População Amerika nian ukun ona organização ne’e hahu kedas iha tinan 1940, uainhira organização ne’e harii hodi tulun Europa depois de funu Mundial daruak. Maibé, iha tensão boot ba diversificação liderança Banco Mundial nian, hodi hatudu crescimento economia nação seluk nian iha periodo sira ikus ne’e.

https://ekbis.sindonews.com/read/1376788/178/trump-jagokan-kritikus-david-malpass-untuk-pimpin-bank-dunia-1549529488?utm_source=News%20Notification&utm_medium=referral

Leave a Reply

Your email address will not be published. Required fields are marked *