shadow
Diocese de Dili > NOTÍCIAS > LETURA DIÁRIA > Quarta-Feira, V Semana Tempo Comum (ANO C)

Quarta-Feira, V Semana Tempo Comum (ANO C)

Primeira Leitura            Gen. 2. 4b-9, 15-17

Lia housi livro Génesis:

Iha tempo nebe, Na’i Maromak halo lalehan no rai, iha rai seida’uk iha ai-horis no mós du’ut matak sira. Basá, Na’i Maromak seida’uk halo udan tun mai rai no mós seida’uk hakiak ema atu kuda ai-horis iha rai. Maibe, housi rai laran sa’e kalohan malirin nebe halo rai bokon. Nune’e. Maromak hodi rai-rahun hakiak ema. Hatama íis housi inus hodi halo ema moris. Na’I Maromak hakiak jardim ida iha Éden, housi loro-sa’e. iha neba, Maromak tau ema nebe Nia hakiak  tiha ona. Hakiak ai-horis oi-oin iha rai, hodi fó fuan ua’in nebe midar atu han, no hakiak mós ai naran ‘ai-horis moris nian’ iha jardim nian’ iha jardim nia klaran, no ai nebe halo ema hatene buat di’ak no buat áat. Na’I Maromak tau ema iha jardim Éden nian atu nia kuda rai ne’e hodi hein. Hafoin, Na’I Maromak hameno nune’e ba nia: “Ó bele han ai-fuan sira housi ai-horis hotu iha jardim ne’e, maibe keta han ai-fuan housi ai-hun nebe atu hatene buat di’ak no buat áat, basá, iha loron nebe dó han ai-fuan ne’e, ó sei mate”.

Maromak Futar Lia.

 

Salmo Responsorial                                                                        Sal. 103(104). 1-2ª, 27-28, 29bc-30 (R. 1ª)

Refrão : Ha’u klamar hahi Na’i!!! Repete-se

Ha’u klamar hahi Na’i,

Na’i, ha’u Maromak, Ita boot tebes!

Ita iha kbiit no simu hahi,

Hafutar ho hatais nabilan lakan. Refrão

 

Na’i, hot-hotu hein Itaboot,

Atu fó han ba sira iha tempo ida-idak.

Ita fó, sira simu,

Ita loke liman, sira sai bosu. Refrão

 

Ita hasai kbiit housi sira, sira mate kedas,

Sira fila ba rai-rahun be sira mai housi.

Ita haruka Ita espírito hodi hakiak hikas moris,

No hafoun fali rai nia oin. Refrão

 

Aclamação                                                                                                                                                      Jo. 17. 17b,a

Refrão : Aleluia. Aleluia!! Repete-se

Ita liafuan, Na’i, mak lialós tebes;

Halulik ami iha lialós. Refrão

 

Evangelho                                                                                                                                                      Mc. 7. 14-23

Na’i Jesus Cristo nia Evangelho nu’udar São Marcos haktuir:

Iha tempo neba, Jesus bolu hikas fali povo hodi dehan: “Imi sée tilun mai, atu rona hodi hatene didi’ak. La iha buat ida iha liur nebe tama hodi halo fo’er ema laran. Buat nebe sai housi ema nia laran mak hafo’er ema. Ema nebe iha tilun atu rona, rona ba!” Uainhira Jesus husik ema lubun ne’e hodi tama tiha iha uma laran, Nia escolante sira husu Nia kona ba aiknanoik ne’e. Nia hatan ba sira: “Imi mós la compreende? Imi la haré katak buat naran de’it nebe tama iha ema nia laran housi liur la bele halo nia fo’er. Basá, la tama iha nia fuan, maibe iha nia kabun de’it, hodi sai ba liur”. Nune’e, Jesus hatudu katak aihan hotu la fo’er. Nia dehan tan: “Buat nebe sai housi ema laran mak hafo’er ema. Basá, housie ma sira laran mak sai hanoin áat: katak, sala fo’er, na’uk, liman mean, soe biti kluni, hakarak buat hotu ba-an rasik, laran áat, laran makerek, laran metan, laran moras, ibun fo’er, loko-an, la hamta’uk Maromak! Toman áat sira ne’e mak hafo’er ema”.

Lia Maksoyn.

Leave a Reply

Your email address will not be published. Required fields are marked *