shadow
Diocese de Dili > NOTÍCIAS > LETURA DIÁRIA > Sexta-Feira, V Semana Tempo Comum (ANO C)

Sexta-Feira, V Semana Tempo Comum (ANO C)

Primeira Leitura                        Gen. 3. 1-8

Lia housi livro Génesis:

Housi balada sira hotu nebe Maromak hakiak iha rai, samea mak balada ida be bosok-ten liu balada hot-hotu. Nia dehan ba feto: “Tebes duni ka Maromak  bandu imi há aifuan ruma housi jardim ne’e?” Feto hatan ba samea: “Ami  bele há aifuan housi ai sira hotu jardim nian. maibe, kona ba ia nebe hamriik iha jardim klaran nia fuan, Maromak dehan: ‘Imi keta há ai fuan, kona de’it iha nia ho liman mós la bele, basá imi halo karik nune’e, imi sei mate’”. Samea hatan ba feto: “Lae, imi sei la mate. Maibe, Maromak hatene katak, iha loron nebe imi há ai fuan ne’e, imi nia matan sei nakloke, no imi sei sai hanesan Maromak, hodi hatene tuir buat di’ak no buat áat”. Feto hateke ba ai fuan ne’e, haré katak ai fuan ne’e di’ak tebes atu há basá, nia tasak furak tebes atu hatudu matenek. Nia ku’u tiha ai fuan ne’e há no fó mós ba nia la’en nebe hela besik iha nia; nia la’en mós há duni. Liu tiha, sira nia matan nakloke kedas hodi hatene katak sira isin tanan. Lalais, sira homan ai figuera nia tahan sira hodi taka sira isin. Maibe, uainhira sira rona Na’i Nia ain la’o nabotu iha jardim laran. Sira na’in rua, feto no mane halai  hodi ba subar-an housi Maromak iha ai sira jardim ne’e nia leet.

Maromak Futar Lia.

 

Salmo Responsorial                                                                                                        Sal. 31(32). 1-2, 5, 6, 7 (R. 1ª)

Refrão : Rahun di’ak ba ema nebe kasu ona salan!!! Repete-se

Rahun di’ak ba ema nebe kasu ona salan,

Hetan perdua ba nia hahalok áat.

Rahun di’ak ba ema nebe Na’i la hetan salan,

La hetan bosok iha klamar. Refrão

 

Na’i, ha’u sala, maibe ha’u hakribi ha’u salan;

Ha’u la subar ha’u salan.

Ha’u dehan mai ha’u an:

“Ha’u sei dehan sai ha’u salan ba Maromak”;

Itaboot perdua ha’u salan. Refrão

 

Iha susar laran,

Ema hotu sei buka Itaboot;

Ué sei sa’e

Maibe sei la toman sira. Refrão

 

Na’i, Ita mak ha’u mahein,

Hatau ha’u housi susar hotu,

Halo ha’u fila ho knananuk manan nian. Refrão

 

Aclamação                                                                                                                                                              Act. 16. 14b

Refrão : Aleluia. Aleluia!! Repete-se

Loke, Na’i, ami fuan atu simu futar

liafuan housi Ita Oan Mane. Refrão

 

Evangelho                                                                                                                                                              Mc. 7. 31-37

Na’i Jesus Cristo nia Evangelho nu’udar São Marcos haktuir:

Iha tempo neba, Jesus sai fali housi rai Tiro kona housi Sídon, hakat liu ba rai Decápole, iha tasi Galileia nian. ema sira lori ema tilun diuk ida nebe atu ko’alia mós susar, hodi hatudu ba Nia. Sira harohan ba Jesus atu sadi’a nia. Jesus hadook-an tiha ho ema tilun diuk ne’e housi ema lubun. Nia hatama tiha liman fuan iha ema ne’e nia tilun, tau mós kabén uitoan iha ema ne’e nia nanal. Hafoin, foti matan ba Lalehan: Jesus dada íis maka’as, hodi dehan ba nia: “Effata”, katak “Loke ba”. Ema ne’e nia tilun nakloke kedas; nia nanal mós, mamar tiha kedas, hodi hahu ko’alia mós lós. Jesus hameno sira atu la bele dehan sai buat ne’e ba ema ida. Maibe, maski Jesus hameno hela ba sira, sira hétok dehan sai maka’as liu tan. Hakfodak liu tebes, sira dehan: “Buat hotu Nia halo mesak di’ak: halo diuk sira rona, nunuk sira ko’alia.

Lia Maksoyn.

Leave a Reply

Your email address will not be published. Required fields are marked *