shadow
Diocese de Dili > NOTÍCIAS > Notícias > MI HAO MISSÃO TL

MI HAO MISSÃO TL

(Asian Mission Continental Meeting Taiwan, 9-15 Fevereiro 2019)

Mi hao lian mandarin = Di’ak ka lae. Lian ne’e mak ha’u rona wainhira Diretor Nacional MISSIO/PMS (Pontifical Mission Sicieties) Taiwan no ninia equipa simu ami iha Airoporto Taipei.

De certeza liafuan ne’e mak comove direção nacional Missão cada nação iha Continente boot Ásia ne’e atu reflete no partilha, liu-liu atu haré hamutuk sa mak cada direção bele contribui hodi responde “Jubileu Extraordinário Missão” nian nebé Papa proclama ba Tinan ne’e iha Outubro mai.

Marca presença iha trabalho conjunto ne’e Arcbispo Gianpiero Dal Toso (Presidente Pontificias obras missionárias, husi Proaganda Fide), no Diretores nacionais husi India, Srikanka, Japan, Coreia, Myanmar, Vietnam, Filipina, Kazakstan, Taiwan no Timor-Leste. Diretor sira husi parte seluk Asia nian la marca presença tamba problema visa no atividade missionário seluk.

Reunião sira hala’o iha cidades diferentes: Taipei, Taichung, no Kaihsiung, inclui visita ba shelter ba kiak no indigenous sira iha periferia hanesan Nantou no Pingtung.

Iha primeiro dia, Vice presidente Taiwan, wainhira janta hamutuk ho ami, hato’o Taiwan nia particularidade hanesan: Povo nebé nakloke no simu ema hotu, harmonia ho religião hotu no parceiro di’ak ho Vaticano. Iha parte seluk Arcebispo Dal Toso agradece estado Taiwan nebé oferece ocasião simu ami, no bele hamutuk haré ba oin harmonia no dame ba ema hotu. Iha biban ne’e, ha’u hetan mos momento Privilégio ida, hasoru Pe. Rábago,SJ nebé uluk iha 1965-1969 iha Timor-Leste, sai mos reitor iha seminário Menor. Nia sei hanoin kms tebes Bispo Jaime Garcia Goulart, seminarista Nicolau Lobsto,Xanana, FranciscoXavier no seluk tan masque oras ne’e nia iha ona tinan 102. Ho haksolok tebes nia hato’o “…. Cumprimentus de alegria ao todo o mundo la em Timor novo”.

Loron tuir mai, antes  Arcebispo Dal Toso fila ba Vaticano, nia fo hanoin hela katak missão orientado ba Ásia iha tebes ninia significação ba futuro Igreja, ligado ho frequente visita Papa recente mai Ásia. Nune’e ni fo hanoin atu Ásia identifica didi’ak missão oinsa maka diak liu atu Ásia oan sira bele halo, hodi contribui ba Igreja Universal.

Loron sira tuir mai, iha cidade no diocese diferente, diretores sira ida-idak apresenta ‘best practies’ missão iha sira nia rain, atu identifica diferença no unidade hodi depois planeia atividade comun iha outubro extraordinario tuir mai ne.

Nudar resultado. Diretores sira sugere ba Roma;

  1. Informa bebeik ba conferência episcopal cada região no Bispo sira ida-idak atu promove animação missionaria iha sira nia Diocese, serviço hamtuk ho MISSIO nian.
  2. Atu MISSSIO hola parte iha atividades formais FABC, ligado ho animação missionaria.

Sei hala’o mos atividades particular Ásia nia ba Missão 2019:

  1. Promove loron oraao ba missão ba cada nação iha Ásia. Bispo no diretor sira sei simu data referida no intenao de oração.
  2. Diretor nacional sira halo grupo Whastapp atu acesso facil ba dados no informação hotu missio Ásiática
  3. “Inter Asia Mission exchanges”. Katak MISSIO/PMS Ásia facilita agentes missão nian atu bele halo troca de experência durete periodo fula 6 to tinan ida.

Durante atividades semana kotuk, ami hetan facilitador sira professional tebes, husi secretario MISSSIO taiwan, no secretariado episcopal conference Taiwan NIAN. Ema Taiwan rasik políticamente lakohi china nia domínio, nune taiwa proclama independente husi China, maki lingua ida deit. Taiwan hanesan rai rico no povo nebé famliar, atende ami n atividades sira excelênte tebes. Aihan (culinária)taiwan nian hau hanoin ida nebe saboroso liu ona iha hau nia experencia visita rai sira.

Maski nune Taiwan moderno iha crise vocacional, laosde’it tanba ema católico uituan deit (4% husi milhão 16)maibé mostanba geração lakohi forma uma kain , ou lakohi iha oan.

A pezar de riscos missão nian iha modernidade, no issue forte hanesan: abuso sexual contra minoridade, issu imigrante invade europa no crise familia, MISSIO Ásia koko atu valoriza beibeik moris comunidade, familiaridade (la’os individu hanesan iha Europa ka cidade modernas sira) nu’udar barómetro ida hodi haburas missão kristu nian iha kreda no buka métode adequando hodi fortifica familia sira atu hatene responde kristu nia bolu, bolu hodi hala’o missão nia moris buras iha mundo ne’e.

Shie shien, obrigado.

Taipei, 15 Fevereiro 2019

Pe. Mouzinho

Dir. Nacional MISSIO/POM TL.

Leave a Reply

Your email address will not be published. Required fields are marked *