shadow
Diocese de Dili > NOTÍCIAS > REFLEXÃO > RAHUN DIAK vs RAHUN AAT

RAHUN DIAK vs RAHUN AAT

Eis o que diz o Senhor:«Maldito quem confia no homem e põe na carne toda a sua esperança, afastando o seu coração do Senhor.

Maromak nia futar lia fuan Domingo semana nee propõe atu atu reflecte kona ba mata dalan (protagonismo) Maromak nian ba ita nia existência nudar sarani.

Leitura dahuluk coloca mai ita opção preferencial ba moris oinsa ita hili tau confiansa ba ema eh tau confiansa metin ba Maromak. Primeira Leitura mos descreve momos kedas oinsa consequência husi opção nebe ita hili. Profeta Jeremias bolu kedas atenção katak; se ita desvia husi dalan Maromak nian, ita sei hakat neneik neneik ba dalan mate nian, tan ita hili atu nega felicidade eterna nebe Maromak fo.

Expressão brincadeira balu dehan; moris nee dala ida deit tanba nee goza tiha kedas (la valoriza moris). Ema balu nebe hatene hateke ba oin dehan: moris nee dala ida deit tanba nee utiliza didiak moris tuir nia dalan basá, sei la iha tan segunda oportunidade. Seluk tan dehan; moris hodi goza tanba sa tenke hanoin barak ba moris nee? Expressão hirak nee hotu, barak ka oitoan contribui ba opinião publica. Hanoin hirak nee hotu halo ema ida-idak expressa no escolha oinsa hahalo moris nee too rohan.

 

Iha âmbito moris sarani nian, ita refere ba Profeta Jeremias nia proposta hodi hili dalan Maromak eh tau confiansa ba ema haensan matan dook, magia, ema fan ai kulit ruma no objecto seluk nebe hadook ema husi Maromak. Profeta Jeremias dala ida tan descreve kedas consequência husi saida mak ita hili eh halao iha moris nee.

 

Atu la bele hamosu impressão negativa ba ema fiar nain sira, Jesus iha realto Evangelho Lucas nian fo laran metin hodi temi katak; Rahun diak ba imi;

Rahun diak ba imi, imi sira be ohin hamlaha, basá, imi sei hetan ai-han wain!

Rahun diak ba imi, imi sira be ohin tanis, basá, imi sei hamnasa!

Rahun diak ba imi, wainhira ema rai hirus hasoru imi, wainhira ema duni sai imi, tolok imi, hewai imi naran, nu’udar naran aat ida, tan deit Maksoyn!

Iha loron nee, imi haksolok ba, basá, imi nia kolen wain tebes iha lalehan!

           

Evangelho proclama rahun diak hodi constroe ita nia fiar tuir roman husi Maromak. Basá, rahun aat nee mosu husi egoismo; ema hanoin-an deit hodi la considera Maromak iha sira nia lalaok. Ema sente orgulho demais ho saida mak oras nee ema iha. Ema sente buat hotu hotu iha ona no Maromak la hetan fatin iha sira nia fuan (autosuficiência). Então, Evangelisa Lucas hakarak bolu ita prefere Maromak hodi moris iha simplicidade do que prefere egoismo nebe lori ita ba desgraça.

Segunda Leitura, São Paulo laos deit halo ita hatene Cristo maibé, lori ita klean liu tan hodi halo ita hatene ita nia ressurreição, tan Cristo hatudu dalan ona iha Ninia ressurreição rasik. São Paulo hatete iha ninia carta katak:”pela ressurreição, desabrocharmos para o Homem Novo”. Ressurreição halo ita sai ema foun. Tanba nee mak roman Evangelho no leitura sira sempre aconselha bebeik ita nia qualidade moris sarani sadere ba Maromak. Ema la bele orgulho deit ho saida mak hetan iha rai nee basá, Cristo rasik bolu atenção ona hodi dehan: Maibé, susar ba imi sira be riku, basá, imi simu ona imi nia kolen! Susar ba imi sira be ohin loron han-hemu resin, basá, imi sei hamlaha mate! Susar ba imi sira be ohin loron hamnasa, basá, imi sei halerik , imi sei tanis! Susar ba imi be ohin loron ema hotu hahí, imi nia bei-ala sira mos uluk halo nune’e ba Profeta falsu sira!”

 

Jesus nia afirmação nee kroat maibé laos atu fo malisan ita. Malisan nee bele acontece wainhira ita rasik foti opção sal ba ita nia moris rasik. Egoismo mak sai nudar desgraça nia início ba ita. Egoismo halo ita sente ulun boot no bele buat hotu maibé talvés ita haluha katak; nudar ser humano, ita nee pedsuk oan ida husi universo nebe ilimitado. Assim Seja e Bem Haja (Ignas)

Leave a Reply

Your email address will not be published. Required fields are marked *