shadow
Diocese de Dili > NOTÍCIAS > LETURA DIÁRIA > VI Domingo Tempo Comum (ANO C)

VI Domingo Tempo Comum (ANO C)

Primeira Leitura                           Jer. 17.5-8

Lia housi Livro Profeta Jeremias:

Na’i lia tun nune’e: “Malisan ba ema nebé laran metin no sadere ba ema seluk, hodi haketak-an housi Maromak. Nu’udar ai-horis iha rai tetuk maran, nia la hatene tuir wainhira mak rahun-di’ak to’o mai; nia nu’udar ai-horis iha rai masin maran, iha rai fuik maran, nebé  ema ida la hela. Rahun-di’ak ba ema nebé tau laran ba Na’I, ema nebe laran metin ho Na’i. Nu’udar ai-hun kuda besik wé ninin, nia soé atub  to’o mota laran: Nia sei la ta’uk loron manas, nia Tahan sei buras matak nafatin. Bele tinan tomak ida la udan, nia laran sei la taridu, fuan tebar nafatin.

Maromak Futar Lia.

 

Salmo Responsorial                                                                                                                                 Sal. 1, 1-2. 3. 4. 6

Refrão : Rahun di’ak ba ema nebé tau neon ba Na’i!!! Repete-se

Ksolok ba ema nebé la tuir ema áat nia lia,

La tuir dalan maksalak.

Ksolok ba sira be la hadular ho ema áat,

Maibe haksolok ho Maromak hodi hanoin Nia

Ukun-fuan kalan loron. Refrão

 

Nia hanesan ai-kudan ida iha wé-inan ninin:

Nafatin beibeik, tahan la mate.

Sei moris hodi halo di’ak. Refrão

 

Oin seluk, ema áat sira toman:

Namkari nu’u ai-tahan maran.

Maromak tahan ema di’ak nia moris:

Ema áat sira sei hetan todan. Refrão

 

Segunda Leitura                                                                                                                                    1 Cor. 15, 12. 16-20

Lia housi São Paulo nia surat ba sarani sira iha Corinto:

Maun-alin sira: Ema hanourin katak Cristo moris hias ona housi mate. Nusá mak imi balun dehan katak ema la moris hias housi mate? Ema la moris hias karik housi mate, Cristo la moris hias housi mate! Cristo la moris hias karik housi mate, imi fiar leet de’it, imi sei moris nafatin iha salan. Tan ne’e, sira nebé mate hamutuk ho Cristo, sira mós mate hodi oin. Ita laran metin de’it ho Cristo iha ita nia moris ohin loron nian ita nia rahun áat liu ema hot-hotu! Maibe, la’e! Cristo moris hias housi mate nu’udar ulun mate-bian sira nian.

Maromak Futar Lia.

 

Aclamação                                                                                                                                                              Mt. 11. 28   

Refrão : Aleluia. Aleluia!! Repete-se

Hakbesik mai Ha’u imi be kole, imi be susar basá,

Ha’u sei fó kman ba imi. Refrão

 

Evangelho                                                                                                                                                       Lc. 6, 17. 20-26

Na’i Jesus Cristo nia Evangelho nu’udar São Lucas haktuir:

Iha tempo nebá, tun tiha housi foho ho Nia Apóstolo sira, Jesus hamriik witoan iha tetuk ida, hamutuk ho Nia escolante barak ho ema lubun boot ida, mai housi  rai Judeia, housi Jerusalém, housi tasi ibun Tiro no Sidon. Foti matan ba Nia escolante sira, Jesus hahú dehan: “Rahun-di’ak ba imi, imi sira be ema ki’ak, basá, Maromak nia Reino imi nian! Rahun-di’ak ba imi, imi sira be ohin loron hamlaha, basá, imi sei hetan ai-han wa’in! Rahun-di’ak ba imi, imi sira be ohin loron tanis, basá, imi sei hamnasa! Rahun-di’ak ba imi, wainhira ema rai hirus hasouru imi, wainhira ema duni sai imi, tolok imi, hewai imi naran, nu’udar naran áat ida, tan de’it Maksoyn! Iha loron ne’e, imi haksolok ba, basá, imi nia kolen wa’in tebes iha lalehan! Nune’e mak sira nia bei-ala sira halo ba Profeta sira. Maibe, susar ba imi sira be riku, basá, imi simu ona imi nia kolen! Susar ba imi sira be ohin loron han-hemu resin, basá, imi sei hamlaha mate! Susar ba imi sira be ohin loron hamnasa, basá, imi sei halerik, imi sei tanis! Susar ba imi be ohin loron ema hotu hahí, imi nia bei-ala sira mós uluk halo nune’e ba Profeta falsu sira!

Lia Maksoyn.

Leave a Reply

Your email address will not be published. Required fields are marked *