shadow
Diocese de Dili > NOTÍCIAS > LETURA DIÁRIA > Sexta-Feira, VI Semana Tempo Comum (ANO C)

Sexta-Feira, VI Semana Tempo Comum (ANO C)

Cadeira de São Pedro, Apóstolo

 

Primeira Leitura                                      1Ped. 5. 1-4

Lia housi São Pedro nia primeira Surat:

Doben sira: Ha’u haka’as, imi katuas sira: nu’udar maluk katuas no sasin kona ba Cristo nia terus, nune’e mós tanba hola parte iha glória nebé sei mosu mai. Tau matan ba Maromak Nia luhan nebé Nia tau ba imi nia liman, la’os tanba laran todan maibé ho laran haksolok; la’os atu manan buat ruma hodi la moe ida, maibé ho laran kmaan; la’os hodi ukun ho kroat, sira nebé iha imi nia liman, maibé hodi sai exemplo ba imi nia luhan. Wainhira bibi atan sira nia Ulun Boot mosu mai, imi sei simu kolen glória nian ida kmanek liu.

Maromak Futar Lia.

 

Salmo Responsorial                                                                                                                                                                Sal. 22(23). 1-3, 4, 5, 6 (R. 1)

Refrão : Na’i ha’u nia mahein, ha’u la kuran buat ida!!! Repete-se

Na’i ha’u nia mahein, ha’u la kuran buat ida;

Lori ha’u ba hakmatek iha du’ut matak,

Lori ha’u ba wé malirin

Hodi haksolok ha’u klamar. Refrão

 

Nia lori ha’u kona dalan lós tan hadomi Nia naran.

Maski ha’u la’o housi rai-klean akukun,

Ha’u sei la tauk buat áat ida, tan ita hamutuk ho ha’u.

Ita nia ai-tonka no ai-tato’an

Fó laran metin mai ha’u. Refrão

 

Ita hadi’a aihan mai ha’u

Iha ha’u funu baluk sira oin.

Ho mina, ita hamorin ha’u ulun;

Ha’u cálice nakonu resin. Refrão

 

Laran di’ak no graça sei la’o tuir ha’u,

Lor-loron iha ha’u nia moris;

Ha’u sei hela iha Na’i nia uma,

Tinan-ba-tinan nafatin. Refrão

 

Aclamação                                                                                                                                                                                                                   Mt. 16. 18

Refrão : Aleluia, Aleluia!! Repete-se

Ó mak Pedro, iha fatuk ida ne’e nia leten, H’au hari Ha’u nia

Kreda no inferno nia odamatan sira sei la manan hodi hasouru nia. Refrão

 

Evangelho                                                                                                                                                                                                              Mt. 16. 13-19

Nái Jesus Cristo nia Evangelho tuir São Mateus

Iha tempo neba, Jesus ba tiha iha Cesareia Filipe ninian, no husu ba Nia escolante sira nune’e: “Ema hatete sá kona ba Mane-Maksoi?” Sira hatan: “Balu dehan katak João Baptista; seluk dehan katak Elias; seluk fali dehan katak Jeremias eh Profeta ruma karik”. Jesus husu fali ba sira: “Imi dehan Ha’u se los?” Simão Pedro hatan hodi dehan: “Ita Mesias, Maromak nia Oan Mane!” Jesus dehan ba nia: “Rahun di’ak ba ó, Simão, Jonas nia oan, ta lia nebe ó hateten la mai housi isin no ran, maibe mai housi H’au Aman iha Lalehan. Ha’u dehan teni ba ó: “ó Pedro, iha fatuk ida ne’e nia Ha’u sei hari Ha’u nia Kreda; inferno laiha biit atu foti liman hasoru nia. H’au sei fó Reino Lalehan ba ó ukun; buat nebe ó futu iha rai, sei futu mos iha Lalehan; buat nebe ó kore iha rai, sei kore mos iha Lalehan”.

Lia Maksoyn.

Leave a Reply

Your email address will not be published. Required fields are marked *